ନ୍ୟୁଡ୍ ଅବତାରରେ ବିଦ୍ୟୁତ ଜାମୱାଲ; ରାମ ଗୋପାଲ ବର୍ମା କହିଲେ ଗ୍ରୀକ୍ ଗଡ୍

ବିଦ୍ୟୁତ ଜାମୱାଲ ବଲିଉଡର ଅନ୍ୟତମ ପ୍ରତିଭା। ତାଙ୍କର ଅଭିନୟ ପ୍ରତିଭା ବ୍ୟତୀତ ସେ ଶାରୀରିକ ସୁସ୍ଥତା ଏବଂ ଉତ୍କୃଷ୍ଟ ମାର୍ଶଲ ଆର୍ଟ କୌଶଳ ପାଇଁ ମଧ୍ୟ ଜଣାଶୁଣା। ପ୍ରତିଭାବାନ ଏହି ଅଭିନେତା ଡିସେମ୍ବର ୧୦ରେ ତାଙ୍କର ୪୨ତମ ଜନ୍ମଦିନ ପାଳନ କରିଛନ୍ତି ଏବଂ ଏହାକୁ ଅଧିକ ସ୍ୱତନ୍ତ୍ର କରିବା ପାଇଁ ସେ କିଛି ନିଆରା କରିଛନ୍ତି। କିନ୍ତୁ, କୌତୁହଳର କଥା ହେଉଛି ଅଭିନେତା ତାଙ୍କର ନଗ୍ନ ଫଟୋ ଶେୟାର କରିଛନ୍ତି, ଯାହା ସୋସିଆଲ୍ ମିଡିଆରେ ଭାଇରାଲ ହେଉଛି ଆଉ ସମସ୍ତଙ୍କୁ ଆଶ୍ଚର୍ଯ୍ୟ କରୁଛି।

କମାଣ୍ଡୋ ଅଭିନେତା ଅନେକଗୁଡ଼ିଏ ଫଟୋ ଶେୟାର କରିଛନ୍ତି, ଯେଉଁଥିରେ ସେ ପାହାଡ-ଜଙ୍ଗଲ ମଧ୍ୟରେ ଯୋଗୀ ଅବତାରରେ ଥିବା ଦେଖିବାକୁ ମିଳେ।​ ଏହି ପୋଷ୍ଟ ସହିତ, ସେ ଏକ ହୃଦୟସ୍ପର୍ଶୀ ନୋଟ୍ ମଧ୍ୟ ଲେଖିଛନ୍ତି ଯେଉଁଥିରେ ଲେଖା ଅଛି, "ହିମାଳୟ ପର୍ବତମାଳାରେ ମୋର ପ୍ରତ୍ୟାବର୍ତ୍ତନ - ପରମାତ୍ମାଙ୍କ ବାସସ୍ଥାନ" ୧୪ ବର୍ଷ ପୂର୍ବେ ଆରମ୍ଭ ହୋଇଥିଲା। ମୁଁ ଅନୁଭବ କରିବା ପୂର୍ବରୁ, ପ୍ରତିବର୍ଷ ୭-୧୦ ଦିନ ଏଠାରେ ଏକୁଟିଆ କାଟିବା ମୋ ଜୀବନର ଏକ ଅବିଚ୍ଛେଦ୍ୟ ଅଙ୍ଗ ହୋଇଗଲା।

ସେ ଆହୁରି ଲେଖିଛନ୍ତି, “ବିଳାସପୂର୍ଣ୍ଣ ଏବଂ ପ୍ରଶଂସାର ଜୀବନରୁ ଜଙ୍ଗଲକୁ ଆସି ନିଜକୁ ଖୋଜିବାକୁ ଏବଂ “ମୁଁ କିଏ ନୁହେଁ”ଜାଣିବାର ମହତ୍ତ୍ୱକୁ ଅନୁଭବ କରିବା ମତେ ପସନ୍ଦ, ଯାହା “ମୁଁ କିଏ ”ଜାଣିବାର ପ୍ରଥମ ପଦକ୍ଷେପ। ପ୍ରକୃତି ଦ୍ୱାରା ପ୍ରଦତ୍ତ ଶାନ୍ତ ବିଳାସରେ ନିଜ ପାଇଁ ସଂଘର୍ଷ। ମୁଁ ନିଜକୁ ସାଟେଲାଇଟ୍ ଡିସ୍ ଆଣ୍ଟିନା ଭାବରେ କଳ୍ପନା କରେ - ସୁଖ ଏବଂ ପ୍ରେମର ସ୍ପନ୍ଦନ ଗ୍ରହଣ ଏବଂ ବିକିରଣ କରେ।”

ଅଭିନେତା ଆହୁରି ମଧ୍ୟ କହିଛନ୍ତି, “ଏହିଠାରେ ମୁଁ ସେହି ଉର୍ଜା ସୃଷ୍ଟି କରେ, ଯାହା ସହିତ ମୁଁ ନିଜକୁ ଘେରି ରହିବାକୁ ଏବଂ ଘରକୁ ଫେରିବାକୁ ଚାହେଁ। ମୋ ଜୀବନର ଏକ ନୂତନ ଅଧ୍ୟାୟ ଅନୁଭବ କରିବାକୁ ପ୍ରସ୍ତୁତ – ପୁନର୍ଜନ୍ମ। ମୁଁ ବର୍ତ୍ତମାନ ମୋର ପରବର୍ତ୍ତୀ ଅଧ୍ୟାୟ - 'କ୍ରାକ୍' ପାଇଁ ପ୍ରସ୍ତୁତ ଏବଂ ଉତ୍ସାହିତ, ଯାହା ୨୩ ଫେବୃଆରୀ ୨୦୨୪ରେ ମୁକ୍ତିଲାଭ କରିବ।”

View this post on Instagram

A post shared by Vidyut Jammwal (@mevidyutjammwal)

ତେବେ ଅଭିନେତାଙ୍କ ଏହି ପୋଷ୍ଟ୍‌କୁ ଦେଖି କେତେକ ପସନ୍ଦ କରୁଥିବା ବେଳେ ଅନେକ ଟ୍ରୋଲ୍ ମଧ୍ୟ କରୁଛନ୍ତି। ଜଣେ ଲେଖିଛନ୍ତି , ଆପଣ ଟାର୍‌ଜନ୍ ଭଳି ଲାଗୁଛନ୍ତି”। ସେହିପରି ଆଉ ଜଣେ କହିଛନ୍ତି, “ଆପଣଙ୍କ ପୋଷାକ କିଏ ନେଇଗଲା।” ଆଉ କିଛି ଲୋକ ତାଙ୍କୁ ରଣବୀର ସିଂହଙ୍କ ସହ ତୁଳନା କରିଛନ୍ତି। କିଛି ଦିନ ପୂର୍ବରୁ ରଣବୀର ସିଂହ ମଧ୍ୟ ତାଙ୍କ ନଗ୍ନ ଅବତାର ପାଇଁ ଖୁବ୍ ଟ୍ରୋଲ୍ ହୋଇଥିଲେ।

ବଲିଉଡ୍‌ର ଖ୍ୟାତନାମା ନିର୍ଦ୍ଦେଶକ ରାମ ଗୋପାଲ ବର୍ମା କିନ୍ତୁ ବିଦ୍ୟୁତଙ୍କ ଏହି ନ୍ୟୁଡ୍ ଅବତାରକୁ ଖୁବ ପସନ୍ଦ କରିଛନ୍ତି। ସେ ତାଙ୍କୁ ଗ୍ରୀକ୍ ଗଡ୍ ବୋଲି କହିଛନ୍ତି।