LIVE TV
ବରୁଣ ଧାୱନ ଏବଂ ଜାହ୍ନଭୀ କପୁରଙ୍କ ଫିଲ୍ମ 'ବୱାଲ' ଜୁଲାଇ ୨୧ରେ ରିଲିଜ ହେବାକୁ ଯାଉଛି। ଉଭୟ ଏବେ ଫିଲ୍ମର ପ୍ରମୋସନରେ ବ୍ୟସ୍ତ ଅଛନ୍ତି। ସେମାନଙ୍କର ଅନ୍ସ୍କ୍ରିନ୍ କେମେଷ୍ଟ୍ରୀକୁ ମଧ୍ୟ ପ୍ରଶଂସକମାନେ ପ୍ରଶଂସା କରୁଛନ୍ତି। ଏହି ସମୟରେ ବରୁଣ ଏବଂ ଜାହ୍ନଭୀଙ୍କ ଫିଲ୍ମ ପ୍ରମୋସନର ଏକ ଫଟୋସୁଟ ଏବେ ଭାଇରାଲ ହେବାରେ ଲାଗିଛି। ଫଟୋରେ, ବରୁଣ ଜାହ୍ନଭୀଙ୍କ କାନକୁ କାମୁଡି ଦେଉଥିବାର ନଜର ଆସିଛନ୍ତି। ଏହା ପରେ ଇଣ୍ଟରନେଟ୍ରେ ଟ୍ରୋଲ୍ର ବର୍ଷା ଆରମ୍ଭ ହୋଇଯାଇଛି।
‘ବୱାଲ’ରେ ବରୁଣ ଧାୱନ ଏବଂ ଜାନଭୀ କପୁର ପ୍ରଥମ ଥର ପାଇଁ ଯୋଡି ହୋଇଛନ୍ତି। ଫିଲ୍ମର ପ୍ରମୋସନରୁ ଯେଉଁ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି ସେଥିରେ ବରୁଣ ଜାହ୍ନଭୀଙ୍କ କାନକୁ କାମୁଡି ଦେଉଥିବା ଦେଖିବାକୁ ମିଳେ। ଜାହ୍ନଭୀ ଏକ କଳା ଅଫ୍ ସୋଲ୍ଡର୍ ପୋଷାକରେ ସୁନ୍ଦର ଦେଖାଯାଉଥିବାବେଳେ ବରୁଣ ମଧ୍ୟ ଏକ କଳା ଜ୍ୟାକେଟ୍ ପିନ୍ଧିଛନ୍ତି।
ଅଧିକ ପଢ଼ନ୍ତୁ: ପିଲାଦିନର ସାଙ୍ଗ ସହ ରୋମାଣ୍ଟିକ୍ ମୁଡ୍ରେ ଜାହ୍ନବୀ; କରୁଛନ୍ତି କି ଡେଟ୍
Also Read
ଏହି ଫଟୋରେ ବରୁଣ ଖୁବ ମଜ୍ଜାଳିଆ ଢଙ୍ଗରେ ଜାହ୍ନଭୀଙ୍କ କାନକୁ କାମୁଡୁଥିବା ବେଳେ ତାଙ୍କ ଅଣ୍ଟାକୁ ଧରିଥିବାର ଦେଖିବାକୁ ମିଳେ। ତାଙ୍କୁ ଜଣା ନଥିଲା ଏମିତି କରିବା ଦ୍ୱାରା ସେ ବିରୋଧର ଶିକାର ହେବେ ବୋଲି। ଏହି ଭିଡିଓ ଭାଇରାଲ୍ ହେବା ପରେ ଅନେକ ତାଙ୍କୁ ଟ୍ରୋଲ କରିଛନ୍ତି।
ଜଣେ ଲେଖିଛନ୍ତି, "ମୁଁ ଜାଣି ପାରୁ ନାହିଁ ଲୋକମାନେ କାହିଁକି କହୁଛନ୍ତି ଯେ ସେ ବିବାହିତ ଥିବାରୁ ଏସବୁ କରିବା ଉଚିତ୍ ନୁହେଁ। ସେ ଅବିବାହିତ ଥିଲେ ମଧ୍ୟ ଏସବୁ କରିବା ଉଚିତ୍ ନୁହେଁ।" ଅନ୍ୟ ଜଣେ କହିଛନ୍ତି, "ସେ କିପରି ଭାବରେ ତାଙ୍କର ମହିଳା ସହ-ତାରକାମାନଙ୍କୁ ସ୍ପର୍ଶ କରନ୍ତି ଏବଂ ଏସବୁ ଚର୍ଚ୍ଚାରୁ ଦୂରେଇ ଯାଆନ୍ତି, ଯାହା ସମ୍ପୂର୍ଣ୍ଣ ହାସ୍ୟାସ୍ପଦ।"
(ଜାହ୍ନଭୀ କପୁରଙ୍କ କାନକୁ କାମୁଡି ଟ୍ରୋଲ୍ ହେଉଛନ୍ତି ବରୁଣ ଧାୱନ୍)ଆଉ ଜଣେ ମତ ଦେଇ ଲେଖିଛନ୍ତି, "ଜଣେ ବିବାହିତ ପୁରୁଷ ପାଇଁ ଏହା ନିହାତି ଖରାପ, ଯଦି ସେମାନେ କୌଣସି ଚଳଚ୍ଚିତ୍ର ପାଇଁ ଅଭିନୟ କରୁନାହାଁନ୍ତି।"
ଅଧିକ ପଢ଼ନ୍ତୁ: ବୋଲ୍ଡ୍ ଅବତାର ନେଇ ଟ୍ରୋଲ୍ ହେଲେ ଜାହ୍ନଭୀ; ଲୋକେ କହିଲେ ପୁନମ୍ ପାଣ୍ଡେଙ୍କ ହାଇ କ୍ଲାସ୍ ଭର୍ସନ୍
ନୀତେଶ ତିୱାରୀଙ୍କ ଦ୍ୱାରା ନିର୍ଦ୍ଦେଶିତ 'ବୱାଲ' ହେଉଛି ଏକ ରୋମାଣ୍ଟିକ ଫିଲ୍ମ। ଏଥିରେ ବରୁଣ ଧାୱନ ଲକ୍ଷ୍ନୌର ଏକ ସ୍କୁଲରେ ଶିକ୍ଷକ ଅଜୟ ଦୀକ୍ଷିତ୍ ଭୂମିକାରେ ଅଭିନୟ କରିଛନ୍ତି। ସେ ତାଙ୍କ ଛାତ୍ରମାନଙ୍କ ସହ ସହରର ସମସ୍ତଙ୍କ ଦ୍ୱାରା ପ୍ରଶଂସିତ। ଅନ୍ୟପକ୍ଷରେ ଜାହ୍ନଭୀ କପୁର ଜଣେ ସୁନ୍ଦର ଏବଂ ସରଳ ଝିଅ ନିଶା ଭୂମିକାରେ ଅଭିନୟ କରିଛନ୍ତି। ତାଙ୍କର ଏକମାତ୍ର ଆଶା ହେଉଛି ତାଙ୍କୁ ଏକ ପ୍ରକୃତ ପ୍ରେମ ମିଳିଯାଉ।
