/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)
/odishatv-khabar/media/member_avatars/uploadimage/library/16_9/16_9_1/IMAGE_1626676223.jpg )
/odishatv-khabar/media/post_attachments/uploadimage/library/16_9/16_9_0/IMAGE_1674476171.jpg)
Tu jhoothi main makkaar trailer out
'ପଠାନ୍' ଚଳଚ୍ଚିତ୍ରରୁ ଆରମ୍ଭ ହେଉଛି ୨୦୨୩। ଫିଲ୍ମକୁ ନେଇ ଦର୍ଶକଙ୍କ ମଧ୍ୟରେ ଥିବା କ୍ରେଜ୍ ବଢି ବଢି ଚାଲିଛି। ଏହା ବ୍ୟତୀତ ଚଳିତ ବର୍ଷ କିଛି ନୂଆ ଯୋଡି ମଧ୍ୟ ଫିଲ୍ମ ସ୍କ୍ରିନ୍ରେ ନଜର ଆସିବେ। ଏହି ଯୋଡି ମଧ୍ୟରେ ଅଛନ୍ତି ରଣବୀର କପୁର ଏବଂ ଶ୍ରଦ୍ଧା କପୁର। ଚଳିତ ବର୍ଷ ଫିଲ୍ମ 'ତୁ ଝୁଠି ମେ ମକ୍କାର'ରେ ସେମାନେ ନଜର ଆସିବେ। ଏହି ଲଭ ଡ୍ରାମାର ଟ୍ରେଲର ଆଜି ମୁକ୍ତିଲାଭ କରିଛି। ଲଭ ରଂଜନଙ୍କ ଏହି ଚଳଚ୍ଚିତ୍ରରେ ଉଭୟ କଳାକାରଙ୍କୁ ଲଭ ଏବଂ କମେଡି କରୁଥିବା ନଜର ଆସିଛନ୍ତି।
ଫିଲ୍ମର ଟ୍ରେଲର ମଜାମସ୍ତିରେ ଭରପୂର ଥିବା ଦେଖାଯାଏ। ଉଭୟ ରଣବୀର ଏବଂ ଶ୍ରଦ୍ଧା ସେମାନଙ୍କ ଚରିତ୍ରକୁ ଖୁବ ଦୃଢତାର ସହ କରୁଥିବା ଦେଖାଯାଏ। ଉଭୟଙ୍କ ମଜାଳିଆ ଷ୍ଟାଇଲ୍ ଫିଲ୍ମକୁ ଖୁବ ମଜାଦାର କରିଦେଉଛି। ଏହି ଫିଲ୍ମର ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି ବୋନି କପୁର। ଚଳଚ୍ଚିତ୍ର ନିର୍ମାତା ବୋନି ଏହି ଚଳଚ୍ଚିତ୍ର ମାଧ୍ୟମରେ ପ୍ରଥମ ଥର ପାଇଁ ଅଭିନୟ ଦୁନିଆରେ ପାଦ ଦେଇଛନ୍ତି।
ଅଧିକ ପଢ଼ନ୍ତୁ: ରିଲିଜ୍ ହୋଇଛି 'ପଠାନ'ର ଦମଦାର୍ ଟ୍ରେଲର୍; ବକ୍ସ ଅଫିସ୍ ରେକର୍ଡ ଭାଙ୍ଗିବ!
ରଣବୀର କପୁର ଏବଂ ଶ୍ରଦ୍ଧା କପୁରଙ୍କ ପାଇଁ ଏହି ଫିଲ୍ମ ଅନେକ ଉପାୟରେ ସ୍ୱତନ୍ତ୍ର। ଯଦିଓ ଉଭୟ କଳାକାର ପିଲାଦିନରୁ ପରସ୍ପରକୁ ଜାଣନ୍ତି କିନ୍ତୁ ପ୍ରଥମ ଥର ପାଇଁ ଉଭୟ ପରଦାରେ ଏକାଠି ଦେଖାଯିବେ। ଉଭୟଙ୍କ ମଧ୍ୟରେ ଭଲ ବଣ୍ଡିଂ ଅଛି, ଯାହା ଟ୍ରେଲରରେ ମଧ୍ୟ ଦେଖାଯାଏ। ଉଭୟଙ୍କ ବାପା ଋଷି କପୁର ଓ ଶକ୍ତି କପୁର ମଧ୍ୟ ଅନେକ ଫିଲ୍ମରେ ଏକାଠି କାମ କରିଛନ୍ତି। ଏଭଳି ପରିସ୍ଥିତିରେ ପ୍ରଶଂସକମାନେ ଏହି ଷ୍ଟାର୍କିଡ୍ଙ୍କୁ ଏକାଠି ଦେଖିବା ନିଶ୍ଚିତ ଭାବେ ସ୍ୱତନ୍ତ୍ର ହେବ।
ରାହୁଲ ମୋଦୀ ଏବଂ ଲଭ ରଂଜନ ଏହି ଫିଲ୍ମକୁ ଲେଖିଛନ୍ତି। ଏହାପୂର୍ବରୁ ଲଭ୍ ଫିଲ୍ମ 'ପ୍ୟାର୍ କା ପଞ୍ଚନାମା' ଏବଂ 'ସୋନୁ କେ ଟିଟୁ କି ସ୍ୱିଟି' ଲେଖିଥିଲେ। ଏଭଳି ପରିସ୍ଥିତିରେ ଦର୍ଶକ ଏହି ଫିଲ୍ମରୁ ବହୁତ କିଛି ଆଶା ରଖିଛନ୍ତି। ଏଥିରେ ଡିମ୍ପଲ୍ କାପାଡିଆଙ୍କୁ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଦେଖାଯିବ। ଏହି ଫିଲ୍ମ ମାର୍ଚ୍ଚ ୮ରେ ମୁକ୍ତିଲାଭ କରିବାର ଯୋଜନା ରହିଛି।
/odishatv-khabar/media/media_files/2025/09/22/khabar-advertise-banner-2025-09-22-13-15-01.jpeg)