ସରକାରୀ ଯନ୍ତ୍ରୀଙ୍କୁ ଭିଜିଲାନ୍ସ ଛାଟ..ଫ୍ରିଜ୍ ଭିତରେ ଲୁଚାଇ ରଖୁଥିଲେ କଳା ଟଙ୍କା..

ପୁଣି ଭିଜିଲାନ୍ସ ଫାସରେ ପଡିଲେ ସରକାରୀ କୁବେର । ଗରମ ମିଜାଜ ଦେଖାଇ ଲୁଟିଥିବା କଳା ଟଙ୍କାକୁ ଫ୍ରିଜ୍ ଭିତରେ ଲୁଚାଇ ଥଣ୍ଡା କରୁଥିଲେ । ଏ ବାବୁ ଜଣକ ହେଉଛନ୍ତି କଟକ ଡ୍ରେନେଜ୍ ଡିଭିଜନ ନିର୍ବାହୀ ଯନ୍ତ୍ରୀ ମନୋଜ ବେହେରା ।

ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ କଟକ ଡ୍ରେନେଜ୍ ଡିଭିଜନ୍ ନିର୍ବାହୀ ଯନ୍ତ୍ରୀ ମନୋଜ ବେହେରାଙ୍କ ଘରେ ଚଢାଉ କରିଛି ଭିଜିଲାନ୍ସ। କଟକ ମହାନଦୀ ବିହାର ସ୍ଥିତ ଦୁଇ ମହଲା ଘର, ଗଣ୍ଡରପୁର ସ୍ଥିତ ଅଫିସ, ନେମାଳ ସ୍ଥିତ ପୈତୃକ ବାସଭବନ ଓ ଭୁବନେଶ୍ୱର ଉପକଣ୍ଠ ପାହାଳ ସ୍ଥିତ ତାଙ୍କ ସ୍ତ୍ରୀଙ୍କ ନାଁରେ ଥିବା ଘରେ ଭିଜିଲାନ୍ସ ଟିମ୍ ଏକକାଳୀନ ଚଢଉ କରିଛି ।

ମନୋଜ ବେହେରାଙ୍କ ଘରୁ ମଧ୍ୟ ୩ ଲକ୍ଷରୁ ଉର୍ଦ୍ଧ ଟଙ୍କା ଜବତ ହୋଇଛି । ସବୁଠାରୁ ବଡ କଥା ହେଉଛି ଫ୍ରିଜ୍ ଭିତରେ ଟଙ୍କା ଲୁଚାଇ ରଖିଥିଲେ ସମ୍ପୃକ୍ତ ଯନ୍ତ୍ରୀ। ପାଖାପାଖି ୭୫ ହଜାର ୫ଶହ ଟଙ୍କା ଫ୍ରିଜ୍ ଭିତରୁ ମିଳିଛି । ପ୍ରାୟ ୪୮୦ ଗ୍ରାମ ସୁନା ସହ ହୋଇଛି କଟକ ଓ ଭୁବନେଶ୍ୱରରେ ଏକକାଳୀନ ୬ ଟି ପ୍ଲଟ୍ ଠାବ ହୋଇଛି ।