ଆଜି ସାରା ବିଶ୍ୱରେ ‘ବିଶ୍ୱ କର୍କଟ ଦିବସ’ ପାଳନ କରାଯାଉଛି। ଏହା ପ୍ରତିବର୍ଷ ଫେବୃଆରୀ ୪ରେ ପାଳନ କରାଯାଏ। ଏହି ଦିନରେ ଲୋକମାନଙ୍କୁ ଏଭଳି ଏକ ମାରାତ୍ମକ ରୋଗ ବିଷୟରେ ସଚେତନତା, ନିରାକରଣ ଏବଂ ଚିକିତ୍ସା ପାଇଁ ଉତ୍ସାହିତ କରାଯାଏ।
ଏହି ରୋଗ ଗତ କିଛି ବର୍ଷ ମଧ୍ୟରେ ଅନେକ ବଲିଉଡ୍ ତାରକାଙ୍କୁ ଆକ୍ରମଣ କରିଛି। ତେବେ ଆସନ୍ତୁ ଜାଣିବା କେଉଁ ତାରାମାନେ କର୍କଟ ଭଳି ରୋଗ ବିରୋଧରେ ଲଢିଛନ୍ତି ଆଉ ଜିତିଛନ୍ତି।
Also Read
ସୋନାଲି ବେନ୍ଦ୍ରେ:
କର୍କଟରେ ଅଭିନେତ୍ରୀ ସୋନାଲି ବେନ୍ଦ୍ରେ ମଧ୍ୟ ପ୍ରଭାବିତ ହୋଇଛନ୍ତି। ସେ ୨୦୧୮ରେ ଏହି ରୋଗରେ ଆକ୍ରାନ୍ତ ହୋଇଥିଲେ। ଅଭିନେତ୍ରୀ ଜାଣିବାକୁ ପାଇଥିଲେ ଯେ ତାଙ୍କର ଷ୍ଟେଜ୍ ଫୋର୍ ମେଟାଷ୍ଟାଟିକ୍ କର୍କଟ ଅଛି। ଇନ୍ଷ୍ଟାଗ୍ରାମ୍ରେ ଏକ ପୋଷ୍ଟ କରି ସେ ତାଙ୍କ ପ୍ରଶଂସକଙ୍କୁ ଏହା କହିଥିଲେ।
ସେ ଲେଖିଥିଲେ ଯେ “ମୁଁ ସାହସର ସହିତ ଏହି ସଂଗ୍ରାମର ସାମ୍ନା କରୁଛି, ମୁଁ ଜାଣେ ଯେ ମୋ ପଛରେ ମୋର ପରିବାର ଏବଂ ବନ୍ଧୁମାନଙ୍କ ଶକ୍ତି ରହିଛି।”
ଅଧିକ ପଢ଼ନ୍ତୁ: କିପରି ଜାଣିବେ ସ୍ତନ କର୍କଟର ପ୍ରାରମ୍ଭିକ ଲକ୍ଷଣ; କେଉଁମାନଙ୍କ ପାଇଁ ହୁଏ ସାଙ୍ଘାତିକ…
ସଞ୍ଜୟ ଦତ୍ତ:
‘ଖଳନାୟକ’ ଅଭିନେତା ସଞ୍ଜୟ ଦତ୍ତ ୨୦୨୦ ମସିହାରେ ଫୁସଫୁସ କର୍କଟରେ ଆକ୍ରାନ୍ତ ହୋଇଥିଲେ ଏବଂ ଜାଣିବା ବେଳକୁ ଏହା ଚତୁର୍ଥ ପର୍ଯ୍ୟାୟରେ ଥିଲା। ସେ ସାହସର ସହିତ ଏହି ରୋଗର ସାମ୍ନା କରିଥିଲେ। କିଛି ମାସ ପରେ ସେ କର୍କଟରୁ ମୁକ୍ତ ହୋଇଥିଲେ।
ନିଜ ଇନଷ୍ଟାଗ୍ରାମରେ ଏହି ଖୁସି ଖବର ଶେୟାର କରି ସେ ଲେଖିଥିଲେ, "ଗତ କିଛି ସପ୍ତାହ ହେବ ମୋ ପରିବାର ଏବଂ ମୋ ପାଇଁ ଅତ୍ୟନ୍ତ କଷ୍ଟଦାୟକ ସମୟ ଥିଲା, କିନ୍ତୁ କୁହାଯାଏ ଯେ ଭଗବାନ ତାଙ୍କର ସବୁଠାରୁ ମଜବୁତ ସୈନିକମାନଙ୍କୁ କଠିନ ଯୁଦ୍ଧ ଦିଅନ୍ତି ଏବଂ ଆଜି ନିଜ ପିଲାର ଜନ୍ମଦିନରେ ମୁଁ ଏଥିରେ ବିଜୟ ଲାଭ କରିଛି। ”
ମନୀଷା କୋଇରାଲା:
ଏହି ମାରାତ୍ମକ ରୋଗରେ ମନୀଷା କୋଇରାଲା ମଧ୍ୟ ପ୍ରଭାବିତ ହୋଇଥିଲେ। ସେ ୨୦୧୨ରେ ଓଭାରିଆନ୍ କର୍କଟ ରୋଗରେ ଆକ୍ରାନ୍ତ ହୋଇଥିଲେ। ତେବେ କିଛି ଦିନ ପରେ ସେ କର୍କଟ ରୋଗ ସହ ସଂଗ୍ରାମରେ ଜିତିଥିଲେ। ସେବେଠାରୁ ମନୀଷା ଏହି ଗୁରୁତର ରୋଗ ବିଷୟରେ ସଚେତନତା ସୃଷ୍ଟି କରିଆସୁଛନ୍ତି।
ତାହିରା କଶ୍ୟପ:
ଅଭିନେତା ଆୟୁଷ୍ମାନ ଖୁରାନାଙ୍କ ପତ୍ନୀ ତାହିରା କଶ୍ୟପ ୨୦୧୮ ମସିହାରେ ସ୍ତନ କର୍କଟରେ ଆକ୍ରାନ୍ତ ହୋଇଥିଲେ। ଦୀର୍ଘ ଦିନର ଚିକିତ୍ସା ପରେ ସେ କର୍କଟ ରୋଗରୁ ମୁକ୍ତ ହୋଇଥିଲେ। ତାହିରା ୨୦୨୪ ମସିହାରେ ତାଙ୍କର ନିର୍ଦ୍ଦେଶନା ଜୀବନ ଆରମ୍ଭ କରିଥିଲେ।
ମହିମା ଚୌଧରୀ:
ଅଭିନେତ୍ରୀ ମହିମା ଚୌଧରୀ ମଧ୍ୟ ସ୍ତନ କର୍କଟରେ ପୀଡିତ ହୋଇଥିଲେ। କର୍କଟ ସହିତ ଯୁଦ୍ଧରେ ଜିତିବା ପରେ ସେ କ୍ରମାଗତ ଭାବରେ ଲୋକଙ୍କୁ ଏହା ବିଷୟରେ ସଚେତନ କରାଉଛନ୍ତି।
କିରଣ ଖେର:
୨୦୨୧ ମସିହାରେ ଅନୁପମ ଖେର୍ କହିଥିଲେ ଯେ ତାଙ୍କ ପତ୍ନୀ କିରନ୍ ଖେରଙ୍କ ରକ୍ତ କର୍କଟରେ ପୀଡିତ। ଏଥି ସହିତ ଅଭିନେତ୍ରୀ ଏହା ମଧ୍ୟ କହିଥିଲେ ଯେ ଚିକିତ୍ସା ସମୟରେ ମଧ୍ୟ ସେ କାମ କରୁଛନ୍ତି। ଅଭିନେତ୍ରୀ କହିଥିଲେ ଯେ ପ୍ରଥମ ଛଅରୁ ଆଠ ମାସ ବହୁତ କଷ୍ଟ ଥିଲା।
ରାକେଶ ରୋଶନ:
ଚଳଚ୍ଚିତ୍ର ନିର୍ମାତା ରାକେଶ ରୋଶନ ମଧ୍ୟ ଗଳା କର୍କଟ ସହିତ ଲଢିଛନ୍ତି। ସେ ସାହସର ସହିତ ଏହି ରୋଗ ସହ ଲଢିଥିଲେ ଆଉ ଜିତିଥିଲେ।୨୦୧୯ରେ, ହ୍ରିତିକ୍ ରୋଶନ୍ ଏକ ପୋଷ୍ଟ ଶେୟାର କରି ଲେଖିଥିଲେ, "ମୁଁ ଜାଣିବାରେ ସେ ବୋଧହୁଏ ସବୁଠାରୁ ଶକ୍ତିଶାଳୀ ବ୍ୟକ୍ତି। କିଛି ସପ୍ତାହ ପୂର୍ବରୁ ଗଳାର ପ୍ରାରମ୍ଭିକ ପର୍ଯ୍ୟାୟରେ ସ୍କ୍ୱାମସ୍ ସେଲ୍ କାର୍ସିନୋମା ରୋଗରେ ଆକ୍ରାନ୍ତ ହେବା ପରେ ଏବେ ସେ ସମ୍ପୂର୍ଣ୍ଣ ସୁସ୍ଥ ଅଛନ୍ତି।"