Ayodhya Ram Mandir: ପ୍ରତିଶ୍ରୁତି ରଖିଲେ ‘ହନୁମାନ’ର ନିର୍ମାତା; ରାମ ମନ୍ଦିରକୁ ଦେଲେ ଏତେ କୋଟି

ପ୍ରଶାନ୍ତ ବର୍ମାଙ୍କ ସୁପରହିଟ୍ ଫିଲ୍ମ ‘ହନୁମାନ’ ଜାନୁଆରୀ ୧୨ରେ ମୁକ୍ତିଲାଭ କରିଥିଲା। ତେଜା ସଜ୍ଜା, ବରାଲକ୍ଷ୍ମୀ ଶରତକୁମାର, ଅମୃତା ଆୟର୍ ଏବଂ ବିନୟ ରାୟଙ୍କ ଅଭିନୀତ ଏହି ଚଳଚ୍ଚିତ୍ର ସାରା ବିଶ୍ୱରେ ବକ୍ସ ଅଫିସରେ ଜବରଦସ୍ତ ରୋଜଗାର କରୁଛି। ନିର୍ମାତା ଅଯୋଧ୍ୟା ରାମ ମନ୍ଦିର ପାଇଁ ପ୍ରତ୍ୟେକ ଟିକେଟ୍ ବିକ୍ରିରେ ୫ ଟଙ୍କା ଦେବାକୁ ପ୍ରତିଶୃତି ଦେଇଥିଲେ ଏବଂ ବର୍ତ୍ତମାନ ସେ ତାଙ୍କ ପ୍ରତିଶ୍ରୁତି ପାଳନ କରିଛନ୍ତି।

ଚଳଚ୍ଚିତ୍ର ଟିମ୍ ଗଣମାଧ୍ୟମକୁ କହିଛି ଯେ ଅଯୋଧ୍ୟା ରାମ ମନ୍ଦିର ପାଇଁ ୨,୬୬,୪୧,୦୫୫ ଟଙ୍କା ଦାନ କରାଯାଇଛି। ଏହି ଚଳଚ୍ଚିତ୍ର ରୋଜଗାର କ୍ଷେତ୍ରରେ ସାରା ବିଶ୍ୱରେ ୧୫୦ କୋଟି ଟଙ୍କା ଅତିକ୍ରମ କରି ସପ୍ତାହକ ମଧ୍ୟରେ ବକ୍ସ ଅଫିସରେ ବିପୁଳ ଟଙ୍କା ରୋଜଗାର କରିଛି। ଚଳଚ୍ଚିତ୍ର ଟିମ୍ କହିଛି ଯେ ‘ହନୁମାନ’ ଏହାର ଦ୍ୱିତୀୟ ସପ୍ତାହ ଶେଷରେ ଦେଶ ତଥା ବିଦେଶରେ ଅଧିକ ସ୍ଥାନ ଅଧିକାର କରିଛି।

LIVE Updates: ରାମଲାଲାଙ୍କ ଟିକିନିଖି ଖବର ଜାଣିବା ପାଇଁ ଏହି ଲିଙ୍କ ରେ କ୍ଲିକ କରନ୍ତୁ...

ରିଲିଜ୍ ପୂର୍ବ ଇଭେଣ୍ଟରେ ନିର୍ମାତା ରାମ ମନ୍ଦିର ପାଇଁ ବିକ୍ରି ହୋଇଥିବା ପ୍ରତ୍ୟେକ ଟିକେଟ୍ ପାଇଁ ୫ ଟଙ୍କା ଦାନ ଦେବେ ବୋଲି କହିଥିଲେ। ସେ ଫିଲ୍ମର ପ୍ରିମିୟର୍ ସମୟରେ ବିକ୍ରି ହୋଇଥିବା ୨,୯୭,୧୬୨ ଟିକେଟ୍ ମଧ୍ୟରୁ ୧,୪୮୫,୮୧୦ ଟଙ୍କାର ଚେକ୍ ଦାନ କରିସାରିଛନ୍ତି। ବର୍ତ୍ତମାନ ବିକ୍ରି ହୋଇଥିବା ୫୩,୨୮,୨୧୧ ଟିକେଟ୍ ମଧ୍ୟରୁ ୨,୬୬,୪୧,୦୫୫ ଟଙ୍କା ଦାନ କରିବେ।

ଅଯୋଧ୍ୟାରେ ଚାଲିଥିବା ରାମ ମନ୍ଦିରର ପ୍ରାଣ ପ୍ରତୀଷ୍ଠା ସମାରୋହରେ ବହୁ ସେଲିବ୍ରିଟି, କ୍ରୀଡ଼ାବିତ୍, ରାଜନେତା ଏବଂ ଅନ୍ୟାନ୍ୟ ଭିଭିଆଇପି ଯୋଗଦେଇଛନ୍ତି। ରଜନୀକାନ୍ତ, ଧନୁଷ, ଚିରଞ୍ଜୀବୀ, ରାମ ଚରଣ, ଅକ୍ଷୟ କୁମାର, ଆଲିଆ ଭଟ୍ଟ, ରଣବୀର କପୁର, କଙ୍ଗନା ରାନାୱତ, ଜ୍ୟାକି ଶ୍ରଫ, ଅନୁଷ୍କା ଶର୍ମା ଏବଂ ଆହୁରି ଅନେକଙ୍କୁ ନିମନ୍ତ୍ରଣ କରାଯାଇଥିଲା।

ଅଭିନେତା ମୋହନ ବାବୁ ଏବଂ ନିର୍ଦ୍ଦେଶକ ବିବେକ ଅଗ୍ନିହୋତ୍ରୀ ଘୋଷଣା କରିଛନ୍ତି ଯେ କିଛି ପ୍ରତିଶ୍ରୁତି କାରଣରୁ ସେମାନେ ଏଥିରେ ଯୋଗ ଦେଇପାରିବେ ନାହିଁ।

ଫିଲ୍ମ ବିଷୟରେ କହିବାକୁ ଗଲେ ‘ହନୁମାନ’ ବର୍ତ୍ତମାନ ପ୍ରେକ୍ଷାଳୟରେ ଚାଲୁଛି ଏବଂ ହନୁମନ୍ଥୁ (ତେଜା) ନାମକ ଜଣେ ଯୁବକଙ୍କର କାହାଣୀ କହୁଛି। ସେ ନିଜ ଗାଁରେ ଏକ କୁଳ ଦେବତାଙ୍କୁ ଦେଖିବା ପରେ ସୁପର ପାୱାର ହାସଲ କରନ୍ତି। ସେ ନିଜ ଭଉଣୀ (ବରଲକ୍ଷ୍ମୀ) ଏବଂ ଗର୍ଲଫ୍ରେଣ୍ଡ (ଅମୃତା)ଙ୍କୁ ସାହାଯ୍ୟ କରିବା ନେଇ ଜଣେ ପୁଞ୍ଜିପତି ଭିଲେନ୍ (ବିନୟ)ଙ୍କ ବିରୁଦ୍ଧରେ କିପରି ଠିଆ ହୋଇଛନ୍ତି ତାହା ହେଉଛି ଏହି ଫିଲ୍ମର କାହାଣୀ।

ଅଧିକ ପଢ଼ନ୍ତୁ: ବିରୋଧୀଙ୍କୁ ପରିହାସ କଲେ ଅନୁପମ୍; କହିଲେ ସେମାନଙ୍କ ଭାଗ୍ୟରେ ନାହିଁ