LIVE TV
ଇଣ୍ଟରନେଟ୍ ଦୁନିଆରେ, ଗତ କିଛି ଦିନ ହେବ ଏକ ନାଁ ଚର୍ଚ୍ଚାର ବିଷୟ ପାଲଟିଛି। ଏହା ହେଉଛି ତାଞ୍ଜାନିଆର ବାସିନ୍ଦା କିଲି ପଲଙ୍କ ନାମ। ବଲିଉଡ୍ ଗୀତରେ ଲିପ୍-ସିଙ୍କ୍ ଦେଇ ଭାରତୀୟ ଲୋକଙ୍କ ମଧ୍ୟରେ ବେଶ୍ ଆଦୃତ ହୋଇଛନ୍ତି କିଲି। ସେବେଠାରୁ ତାଙ୍କ ଭିଡିଓ ସୋସିଆଲ୍ ମିଡିଆରେ ଭୟଙ୍କର ଭାବେ ଭାଇ୍ରାଲ୍ ହେବାରେ ଲାଗିଛି। ତାଞ୍ଜାନିଆରେ ରହୁଥିବା କିଲି ପଲ୍ ବର୍ତ୍ତମାନ ଭାରତୀୟ ଲୋକଙ୍କ ହୃଦୟରେ ନିଜରସ୍ ସ୍ୱତନ୍ତ୍ର ସ୍ଥାନ ସୃଷ୍ଟି କରି ପାରିଛନ୍ତି। ତାଙ୍କର ଏହି ପ୍ରତିଭା ଯୋଗୁଁ ଭାରତର ହାଇ କମିଶନ ତାଙ୍କୁ ସମ୍ମାନିତ କରିଛନ୍ତି।
ଭାରତୀୟ କୂଟନୀତିଜ୍ଞ ବିନାୟା ପ୍ରଧାନ ତାଞ୍ଜାନିଆରେ ଭାରତର ଉଚ୍ଚ ଆୟୋଗର କାର୍ଯ୍ୟାଳୟ ପରିଦର୍ଶନ କରିବା ବେଳେ କିଲି ପଲଙ୍କ ସହ କିଛି ଫଟୋ ପୋଷ୍ଟ କରିଛନ୍ତି। ଇନ୍ଷ୍ଟାଗ୍ରାମ୍ର କିଲି ପଲ୍ ଏବଂ ତାଙ୍କ ଭଉଣୀ ନୀମା ପଲ୍ ପ୍ରାୟ ସମୟରେ ବଲିଉଡ୍ ଗୀତରେ ଲିପ୍-ସିଙ୍କ୍ କରିବାର ଭିଡିଓ ଶେୟାର କରନ୍ତି। ଭାଇ ଓ ଭଉଣୀର ଏହି ଯୋଡି ସେମାନଙ୍କର ନିଆରା ଶୈଳୀରେ ଲୋକଙ୍କ ହୃଦୟ ଜିତିଥିଲେ।
Also Read
ଟ୍ୱିଟରରେ ଫଟୋ ଶେୟାର କରି ବିନାୟା ପ୍ରଧାନ ଲେଖିଛନ୍ତି, “ଆଜି @IndiainTanzania ରେ ଏକ ବିଶେଷ ଦିନ ଥିଲା; ଯେଉଁଠାରେ ପ୍ରସିଦ୍ଧ ତାଞ୍ଜାନିଆର କଳାକାର କିଲି ପଲ୍ ତାଙ୍କର ଲୋକପ୍ରିୟ ଭାରତୀୟ ଚଳଚ୍ଚିତ୍ର ଗୀତ # #IndiaTanzania ରେ ଲିପ୍-ସିଙ୍କ୍ କରି ଲକ୍ଷ ଲକ୍ଷ ଲୋକଙ୍କ ହୃଦୟ ଜିତିଛନ୍ତି।”
Today had a special visitor at the @IndiainTanzania ; famous Tanzanian artist Kili Paul has won millions of hearts in India for his videos lip-syncing to popular Indian film songs #IndiaTanzania pic.twitter.com/CuTdvqcpsb
— Binaya Pradhan (@binaysrikant76) February 21, 2022
ପ୍ରକାଶଥାଉ ଯେ ଆୟୁଷ୍ମାନ ଖୁରାନା, ଗୁଲ ପନାଗ, ଋଚା ଚଡ୍ଡା ଏବଂ ଅନେକ କଳାକାର ଇନ୍ଷ୍ଟାଗ୍ରାମ୍ରେ କିଲି ପଲ୍ଙ୍କୁ ଅନୁସରଣ କରନ୍ତି। ଯେତେବେଳେ କି କିଲି ପଲ୍ ସୋସିଆଲ ମିଡିଆରେ ତାଙ୍କର କୌଣସି ବି ଭିଡିଓ ପୋଷ୍ଟ କରନ୍ତି, ଲୋକମାନେ ତାଙ୍କୁ ବହୁତ ଦେଖନ୍ତି। ଅନ୍ୟ ପଟେ, କିଲି କେବଳ ଲୋକପ୍ରିୟ ବଲିଉଡ୍ ଗୀତକୁ ଇନ୍ଷ୍ଟାଗ୍ରାମ୍ରେ ଲିପ୍-ସିଙ୍କ କରନ୍ତି ନାହିଁ, ବରଂ ସେ ତାଙ୍କ ନୃତ୍ୟ ଦକ୍ଷତା ପ୍ରଦର୍ଶନ କରିବାକୁ ମଧ୍ୟ ପସନ୍ଦ କରନ୍ତି।
