Tannishtha Chatterjee: ଚତୁର୍ଥ ଷ୍ଟେଜ୍ କର୍କଟ ରୋଗରେ ପୀଡିତ ‘ଗୁଲାବ ଗ୍ୟାଙ୍ଗ୍’ ଅଭିନେତ୍ରୀ; ଏହି ରୋଗରେ ବାପା ଚାଲିଯାଇଥିଲେ

ବଲିଉଡ୍‌ ଅଭିନେତ୍ରୀ ଏବଂ ଫିଲ୍ମ ନିର୍ମାତା ତନିଷ୍ଠା ଚାଟାର୍ଜୀ ଆଜିକାଲି ବହୁତ କଷ୍ଟକର ସମୟ ଦେଇ ଗତି କରୁଛନ୍ତି। ନିଜ ଅଭିନୟ ଦ୍ୱାରା ଫିଲ୍ମ ଇଣ୍ଡଷ୍ଟ୍ରିରେ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିଥିବା ତନିଷ୍ଠା ଚତୁର୍ଥ ଷ୍ଟେଜ୍ ସ୍ତନ କର୍କଟ ରୋଗରେ ପୀଡିତ।

ଏହି ଖରାପ ଖବର ସାମ୍ନାକୁ ଆସିବା ପରେ ତାଙ୍କ ପ୍ରଶଂସକମାନେ ବହୁତ ଦୁଃଖିତ ହୋଇଯାଇଛନ୍ତି। କିନ୍ତୁ ଏହି ଦୁଃଖଦ ସମୟରେ ମଧ୍ୟ, ତନିଷ୍ଠା ନିଜକୁ ଭାଙ୍ଗିବାକୁ ଦେଇ ନାହାଁନ୍ତି।

ଏକ ସାକ୍ଷାତକାରରେ, ତନିଷ୍ଠା ତାଙ୍କ ସଂଘର୍ଷ ଏବଂ ଏହି ରୋଗ ବିଷୟରେ ଖୋଲାଖୋଲି ଭାବରେ କହିଛନ୍ତି। ସେ କହିଛନ୍ତି ଯେ ତାଙ୍କୁ ଚାରି ମାସ ପୂର୍ବରୁ ଏହି ଖବର ମିଳିଥିଲା। ଯେତେବେଳେ ସେ କର୍କଟ ରୋଗ ବିଷୟରେ ଜାଣିବାକୁ ପାଇଲେ, ସେ ସମ୍ପୂର୍ଣ୍ଣ ମାନସିକ ଭାବରେ ଭାଙ୍ଗି ପଡ଼ିଥିଲେ। ଗତବର୍ଷ ସେ ତାଙ୍କ ବାପାଙ୍କୁ କର୍କଟ ରୋଗରେ ହରାଇଥିବାରୁ ତାଙ୍କ ଯନ୍ତ୍ରଣା ଆହୁରି ଗଭୀର ହୋଇଯାଇଥିଲା।

ଅଧିକ ପଢ଼ନ୍ତୁ: ଆଉ ନାହିଁ ସେହି ଚମକ; ପାଚିଗଲାଣି ଦାଢ଼ି, ମଳିନ ପଡ଼ିଗଲାଣି ଚେହେରା

ତନିଷ୍ଠା ଭାବପ୍ରବଣ ହୋଇଗଲେ ଏବଂ କହିଲେ ଯେ ସେ ତାଙ୍କ ବାପାଙ୍କ ମୃତ୍ୟୁର ଧକ୍କାରୁ ଏପର୍ଯ୍ୟନ୍ତ ବାହାରି ନାହାନ୍ତି, କିନ୍ତୁ ଜୀବନ ତାଙ୍କୁ ଆଉ ଏକ ବଡ଼ ଝଟକା ଦେଇଛି। ସେ କହିଛନ୍ତି ଯେ ଏହି ସମୟରେ ତାଙ୍କୁ ତାଙ୍କର ୭୦ ବର୍ଷୀୟା ମା' ଏବଂ ୯ ବର୍ଷୀୟା ଝିଅର ମଧ୍ୟ ଯତ୍ନ ନେବାର ଅଛି। ଏନେଇ ତାଙ୍କୁ ପ୍ରତ୍ୟେକ ପରିସ୍ଥିତିରେ ଦୃଢ଼ ରହିବାକୁ ପଡୁଛି।

ସେ କହିଛନ୍ତି, “ପ୍ରଥମ ଥର ପାଇଁ ମୁଁ କ୍ଳାନ୍ତ ଅନୁଭବ କରୁଛି। ମୁଁ ସବୁବେଳେ ମଜବୁତ୍ ଥିଲି, କିନ୍ତୁ ଏବେ ଲାଗୁଛି ସବୁକିଛି ସରିଗଲା। ଏହି ରୋଗ ବିଷୟରେ ଜାଣିବା ପରେ, ମୁଁ ନିଜକୁ ପଚାରିଥିଲି ଯେ ଏହା ମୋ ସହିତ କାହିଁକି ହେଲା?” ଅଭିନେତ୍ରୀଙ୍କୁ ଗୁଆବ୍

ଏହି କଠିନ ସମୟରେ ମଧ୍ୟ ତନିଷ୍ଠା ଜଣେ ମା’ ପରି ଚିନ୍ତା କରି ଏକ ବଡ଼ ନିଷ୍ପତ୍ତି ନେଇଛନ୍ତି। ସେ ତାଙ୍କ ଝିଅକୁ ଆମେରିକା ପଠାଇଦେଇଛନ୍ତି ଯାହା ଦ୍ୱାରା ତାଙ୍କ ପିଲାଦିନ ଏଭଳି ପରିସ୍ଥିତିର ଶିକାର ନହୁଏ। ସେ କହିଛନ୍ତି ଯେ ତାଙ୍କ ଝିଅ ତାଙ୍କଠାରୁ ଦୂରେଇ ଯିବାକୁ ଚାହୁଁ ନଥିଲା କିନ୍ତୁ ସେ ତାଙ୍କୁ ତାଙ୍କ ମାଉସୀଙ୍କ ପାଖକୁ ପଠାଇ ଦେଇଛନ୍ତି ଯାହା ଫଳରେ ସେ ଏକା ଅନୁଭବ କରିବନି ଏବଂ ଏହି ରୋଗର ପ୍ରଭାବ ମଧ୍ୟ ତା’ ଜୀବନରେ ପଡିବ ନାହିଁ।

ତନିଷ୍ଠା କହିଛନ୍ତି ଯେ ସେ ତାଙ୍କ ଝିଅକୁ ବୁଝାଇବାକୁ ଚେଷ୍ଟା କରିଥିଲେ ଯେ ସ୍ନେହ ଏବଂ ପ୍ରେମ କେବଳ ନିଜ ମା’ଠାରୁ ନୁହେଁ ବରଂ ଅନ୍ୟ ଲୋକଙ୍କଠାରୁ ମଧ୍ୟ ମିଳିପାରିବ। ସେ ତାଙ୍କ ଝିଅର ମାନସିକ ଏବଂ ଭାବନାତ୍ମକ ମଙ୍ଗଳକୁ ଧ୍ୟାନରେ ରଖି ଏହି ପଦକ୍ଷେପ ନେଇଛନ୍ତି।

ତନିଷ୍ଠା ଚାଟାର୍ଜୀ ହିନ୍ଦୀ ସହିତ ଇଂରାଜୀ ଚଳଚ୍ଚିତ୍ରରେ ମଧ୍ୟ ଅଭିନୟ କରିଛନ୍ତି। ସେ "ଦେଖ୍ ଇଣ୍ଡିଆନ୍ ସର୍କସ" ଚଳଚ୍ଚିତ୍ର ପାଇଁ ଜାତୀୟ ପୁରସ୍କାର ମଧ୍ୟ ପାଇଛନ୍ତି।

ସେ ବସ୍‌ ୟୁନ୍ ହି, ଶେଡୋଜ୍ ଅଫ୍ ଟାଇମ୍, ବାହାର ଆନା, ଜଳ, ଗୁଲାବ ଗ୍ୟାଙ୍ଗ୍, ମାନ୍‌ସୁନ୍ ଶୁଟ୍ଆଉଟ୍, ସିଦ୍ଧାର୍ଥ, ଭୋପାଳ-ପ୍ରେୟାର ଫର୍ ରେନ୍, ଆଇ ଲଭ୍ ନ୍ୟୁ ଇୟର୍, ଗୌର ହରି ଦାସ୍ତାନ୍, ବିୟଣ୍ଡ୍ ଦ କ୍ଲାଉଡ୍ ଭଳି ଫିଲ୍ମରେ କାମ କରିଛନ୍ତି। ସେ ଚଳିତ ବର୍ଷର ଫିଲ୍ମ "ଦି ଷ୍ଟୋରିଟେଲର୍" ରେ ନଜର ଆସିଥିଲେ।

ଅଧିକ ପଢ଼ନ୍ତୁ: ଶୌରା ଦେଲେ ଖୁସି ଖବର; ପୁଣି ବାପା ହେବେ ଅରବାଜ