LIVE TV
ଜଣେ ଖେଳାଳିର ଜୀବନରେ ଅନେକ ଉତ୍ଥାନ-ପତନ ଥାଏ। ସେମାନେ ଅନେକ ସଂଘର୍ଷ କରି ଆଗକୁ ଯାଇଥାନ୍ତି। ନିଜ ସ୍ୱପ୍ନକୁ ପୂରା କରିବା ନେଇ ସମାନେ ଭୁଲି ଯାଆନ୍ତି ଆଉ ସବୁ କିଛି। ସେମାନଙ୍କ ସ୍ୱପ୍ନର ଆଗରେ ଅନେକ ବାଧା ବିଘ୍ନ ଆସିଥାଏ, କିନ୍ତୁ ସେମାନେ ସେ ସବୁକୁ ଅତିକ୍ରମ କରି ସଫଳତାର ଶିଖରକୁ ଛୁଇଁ ଥାଆନ୍ତି। ମିତାଲି ରାଜଙ୍କ ଜୀବନକୁ ନେଇ ନିର୍ମିତ ଫିଲ୍ମ ‘ସାବାସ୍ ମିଠୁ’ ରେ ଏମିତି କିଛି ଦେଖିବାକୁ ମିଳିଛି।
ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ଶ୍ରୀଜିତ ମୁଖାର୍ଜୀ। ଏହି ଫିଲ୍ମରେ ତାପସୀ ପନ୍ନୁ ଏବଂ ବିଜୟ ରାଜଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିଛି। ତାପସୀ ପନ୍ନୁ ପୁଣିଥରେ ମିତାଲି ରାଜଙ୍କ ଚରିତ୍ର ସହିତ ଦର୍ଶାଇଛନ୍ତି ଯେ ସେ ଅଭିନୟ ଦକ୍ଷତାରେ ଖୁବ ପାରଙ୍ଗମ।
‘ସାବାସ୍ ମିଠୁ’ର କାହାଣୀ ମହିଳା କ୍ରିକେଟର୍ ମିତାଲିଙ୍କର। ସିଏ ଭରତନାଟ୍ୟମ୍ ଶିଖୁଥିବା ବେଳେ ଜଣେ ବନ୍ଧୁ ଖୋଜନ୍ତି। ଏହିପରି ମିତାଲି ତାଙ୍କ ବନ୍ଧୁଙ୍କ ମାଧ୍ୟମରେ କ୍ରିକେଟ୍ ସହିତ ଜଡିତ ହୋଇଥିଲେ। ଦିନେ କ୍ରିକେଟ୍ ଖେଳୁଥିବା ବେଳେ କୋଚଙ୍କ ନଜର ମିତାଲିଙ୍କ ଉପରେ ପଡିଲା। ଏହା ପରେ ସେ କିଛି ମୁହୂର୍ତ୍ତରେ ହୃଦୟଙ୍ଗମ କଲେ ଯେ ତାଙ୍କ ପାଖରେ ଜଣେ ଭଲ ଖେଳାଳି ହେବାର ସାମର୍ଥ୍ୟ ଅଛି। ଏହିପରି ଭାବରେ ମିତାଲିଙ୍କ ଯାତ୍ରା ଆଗକୁ ବଢିଲା ଏବଂ ସେ ଭାରତୀୟ ମହିଳା କ୍ରିକେଟ୍ ଦଳର ଏକ ଅଂଶ ହୋଇଗଲେ।
ଏହି ଫିଲ୍ମ ମାଧ୍ୟମରେ ମିତାଲିଙ୍କ ସଂଘର୍ଷର ଯାତ୍ରା କେବଳ ଦେଖିବାକୁ ମିଳେ ନାହିଁ, ଭାରତୀୟ ମହିଳା କ୍ରିକେଟ୍ ଦଳର ପରିବର୍ତ୍ତିତ ପ୍ରକୃତିକୁ ମଧ୍ୟ ଦେଖିବାକୁ ମିଳେ। ତଥାପି, ଫିଲ୍ମର ଗତି ଟିକିଏ ମନ୍ଥର ଥିବା ବେଳେ କିଛି ସ୍ଥାନରେ ବଢେଇ କରି ଦେଖାଯାଇଥିବା ମନେହୁଏ।
ଅଭିନୟର କଥା କହିଲେ ଏହି ଫିଲ୍ମରେ ତାପସୀ ପନ୍ନୁ ପୁଣି ଥରେ ତାଙ୍କ ଦକ୍ଷତା ଦେଖାଇଛନ୍ତି। ସେ ସମ୍ପୂର୍ଣ୍ଣ ଭାବେ ମିତାଲି ଚରିତ୍ରରେ ବୁଡି ଯାଇଛନ୍ତି। କ୍ରିକେଟ୍ ସଟ୍ ଖେଳିବାବେଳେ ତାପସୀ ପୂରା ମିତାଲିଙ୍କ ପରି ହିଁ ଲାଗୁଛନ୍ତି। କୌଣସି ବି ସ୍ଥାନରେ ଅନୁଭବ ହେଉନି ଯେ ସେ ମିତାଲି ନୁହନ୍ତି ବୋଲି।
ସେହିପରି ଫିଲ୍ମରେ କୋଚ୍ ଭୂମିକାରେ ବିଜୟ ରାଜ ଖୁବ୍ ଭଲ ଅଭିନୟ କରିଛନ୍ତି। ଏଭଳି ପରିସ୍ଥିତିରେ ଜଣେ ଉଜ୍ଜ୍ୱଳ କ୍ରିକେଟରଙ୍କ ଯାତ୍ରା ଦେଖିବାକୁ ଫିଲ୍ମଟି ଉପଯୁକ୍ତ ହୋଇଛି। ତେବେ ନିର୍ଦ୍ଦେଶନା ଦୃଷ୍ଟିରୁ ଆହୁରି ଉନ୍ନତ ହୋଇଥାଇ ପାରିଥାନ୍ତା।
