ନିଶା ଖାଇ ଜେଲରେ ଆର୍ଯ୍ୟନ, କିନ୍ତୁ ହତ୍ୟାକରି ଘରେ ଆରାମ କରୁଛି ମନ୍ତ୍ରୀ ପୁଅ

ନୂଆଦିଲ୍ଲୀ : ସାରା ଦେଶରେ ବର୍ତ୍ତମାନ ଦୁଇଟି ଖବର ଚର୍ଚ୍ଚାରେ ରହିଛି। ଗୋଟିଏ ହେଉଛି ଡ୍ରଗ୍ସ ମାମଲାରେ ଗିରଫ ହୋଇ ଜେଲ୍‌ରେ ଥିବା ଶାହରୁଖ ଖାନଙ୍କ ପୁଅ ଆର୍ଯ୍ୟନ ଖାନ ଓ ଅନ୍ୟଟି ହେଉଛି ଉତ୍ତର ପ୍ରଦେଶର ଲଖିମପୁର ହିଂସା ଘଟଣା। ଆର୍ଯ୍ୟନଙ୍କ ମାମଲାକୁ ନେଇ ବଲିଉଡର ଅନେକ କଳାକାରମାନେ ସ୍ୱର ଉଠେଇ ଆସୁଛନ୍ତି। ବର୍ତ୍ତମାନ ସ୍ୱରା ଭାସ୍କର ମଧ୍ୟ ଏହାକୁ ନେଇ ପ୍ରତିକ୍ରିୟା ପ୍ରକାଶ କରିଛନ୍ତି।

ସ୍ୱରା ଟ୍ୱିଟ୍ କରି କହିଛନ୍ତି ଯେ “ମନ୍ତ୍ରୀଙ୍କ ପୁଅ ଯିଏ ଜାଣିଶୁଣି ୪ ଜଣ ଲୋକଙ୍କୁ ମାରିଦେଲା(ଭିଡିଓରେ ଏହାର ପ୍ରମାଣ ଅଛି) ସେ ଘରେ ଆରାମରେ ରହିଛି। କିନ୍ତୁ ଶାହରୁଖଙ୍କ ପୁଅ ନିଶା ଖାଇବା କାରଣରୁ ଜେଲ୍‌ରେ ଅଛି। ଏଥିରୁ ସ୍ପଷ୍ଟ ହେଉଛି ଯେ ନବ ଭାରତରେ ବର୍ବରତାରେ କରାଯାଇଥିବା ହତ୍ୟା ସମୂହ ନିଶା ସେବନ ଠାରୁ ବେଶି ସ୍ୱୀକାର୍ଯ୍ୟ।”

Ministers son who wilfully mowed 4 people to death (evidence caught on video) is chilling at his home, while @iamsrk ’s son #AryanKhan is in jail for smoking hash.
Apparently in #NewIndia brutal murder is more acceptable than smoking a joint! 🙏🏽 https://t.co/Pf5RSRPx5A

— Swara Bhasker (@ReallySwara) October 8, 2021

ସ୍ୱରାଙ୍କର ଏହି ଟ୍ୱିଟ୍ ସ୍ପଷ୍ଟ କରୁଛି ଯେ ଲଖିମପୁର ହିଂସାରେ ମନ୍ତ୍ରୀଙ୍କ ପୁଅ ସହିତ କରାଯାଉଥିବା କୋହଳ ପଣକୁ ସେ ନିନ୍ଦା କରିଛନ୍ତି। ସ୍ୱରାଙ୍କ ବ୍ୟତୀତ ବଲିଉଡ୍ ଅଭିନେତା ସୋନୁ ସୁଦ ମଧ୍ୟ ଆର୍ଯ୍ୟନ ଖାନଙ୍କୁ ଅପ୍ରତ୍ୟେକ୍ଷ ଭାବେ ସମର୍ଥନ କରିଛନ୍ତି।

ସୋନୁ ସୁଦ ଟ୍ୱିଟ୍ କରି କହିଛନ୍ତି ଯେ ଆଇନ ଏହାର କାମ କରିବ। କିନ୍ତୁ ଏହି ସମୟରେ ମାନବତା ଓ ଆତ୍ମା ଉପରୁ ଯେଉଁ ପରଦା ଉଠିଛି ତାହା ସବୁବେଳେ ତୁମ ଚରିତ୍ରର ପ୍ରମାଣପତ୍ର ହୋଇ ରହିବ। କାଲି ଆଉ ଏକ ନୂଆ ସକାଳ ହେବ, ବାସ କେବଳ ଧୈର୍ଯ୍ୟକୁ ହିଁ ଧରିରଖ।

कानून अपना समय लेगा।
लेकिन इस दौरान इंसानियत और आत्मा पर से जो पर्दा उठा है वो हमेशा आपके चरित्र का प्रमाण पत्र रहेगा।
कल फ़िर एक नई सुबह होगी।
बस हौंसला बुलंद रखना।

— sonu sood (@SonuSood) October 8, 2021

ସୋନୁ ସୁଦ ତାଙ୍କ ଟ୍ୱିଟ୍‌ରେ ଆର୍ଯ୍ୟନଙ୍କ ନାମ ନେଇ ନାହାନ୍ତି କିନ୍ତୁ ତାଙ୍କର ଏଭଳି ଟ୍ୱିଟ୍‌ରୁ ଏ କଥା ସ୍ପଷ୍ଟ ବାରି ହେଉଛି। ପ୍ରକାଶଥାଉ ଯେ କିଛି ଦିନ ପୂର୍ବରୁ ସୋନୁ ସୁଦଙ୍କ ଉପରେ ଇନ୍‌କମ୍‌ ଟ୍ୟାକ୍ସ ଚୋରୀ ଅଭିଯୋଗ ଲାଗିଥିଲା। ସେ ମଧ୍ୟ ଆଇନର କାଦୁଅରେ ପଡିଥିଲେ।

Also Read

ମୁମ୍ବାଇ କ୍ରୁଜ୍‌ ଡ୍ରଗ୍ସ ପାର୍ଟି ମାମଲା; ବିଭିନ୍ନ ସ୍ଥାନରେ ଚଢାଉ କଲା ଏନ୍‌ସିବି

ୟୁପି ଲଖିମପୁର ଖେରି ହିଂସା ମାମଲା : କ୍ରାଇମବ୍ରାଞ୍ଚ୍ ନିକଟରେ ହାଜର ହେଲେ ଆଶିଷ ମିଶ୍ରା

ମୁମ୍ବାଇ ଆର୍ଥର ରୋଡ୍ ଜେଲରେ କଟିଲା ଆର୍ୟନ ଖାନଙ୍କ ପ୍ରଥମ ରାତି

ପ୍ରକାଶଥାଉ ଯେ ଅକ୍ଟୋବର ୩ରେ ଉପମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟ ଏକ କାର୍ଯ୍ୟକ୍ରମରେ ଲଖିମପୁର ଖିରି ଯାଉଥିଲେ। ହେଲିପ୍ୟାଡରୁ ତାଙ୍କୁ ଆଣିବା ନେଇ କିଛି ସୁରକ୍ଷା ଗାଡି ଯାଉଥିଲା। ଏହି ଗାଡିଗୁଡିକ କେନ୍ଦ୍ରମନ୍ତ୍ରୀ ଅଜୟ ମିଶ୍ରାଙ୍କ ପୁଅ ଆଶୀଷ ମିଶ୍ରାଙ୍କର ବୋଲି କୁହାଯାଉଛି। ଏହି ସମୟରେ ରାସ୍ତାରେ ତିକୁନିଆ ଅଞ୍ଚଳରେ ଚାଷୀମାନେ ବିରୋଧ ପ୍ରଦର୍ଶନ କରୁଥିଲେ।

ଅଭିଯୋଗ ହେଉଛି ଯେ ଚାଷୀମାନଙ୍କ ସହିତ ଯୁକ୍ତି ହେବାରୁ ଆଶୀଷ ମିଶ୍ରା ସେମାନଙ୍କ ଉପରେ ଗାଡି ଚଢେଇ ଦେଇଥିଲେ। ଫଳରେ ୪ ଜଣଙ୍କର ମୃତ୍ୟୁ ହୋଇଥିଲା। ଏହି ଘଟଣା ପରେ ମାମଲା ବଢିବା ସହିତ ହିଂସାତ୍ମକ ପରିସ୍ଥିତି ଉପୁଜିଥିଲା। ତେବେ ଏହି ହିଂସା ପଛରେ ଆଶିଷ ମିଶ୍ରାଙ୍କ ସଂଶ୍ଳିଷ୍ଟତା ଯୋଗୁଁ ମାମଲା ବଢିଯାଇଛି। ଏହି ଘଟଣାରେ ଆଶୀଷ ମିଶ୍ରାଙ୍କ ବାପା ଅଜୟ ମିଶ୍ରା ନିଜ ପୁଅକୁ ସୁରକ୍ଷା ଦେଇଆସୁଛନ୍ତି।