LIVE TV
ଭାରତୀୟ ସିନେମାରେ ସାଉଥ୍ ଫିଲ୍ମର୍ କ୍ରେଜ ବଢିବାରେ ଲାଗିଛି। କାହିଁକି ବା ନ ହେବ? ଯାହା ବଲିଉଡରୁ ଉନ୍ନତ ଧରଣର ବିଷୟବସ୍ତୁ ଏବଂ କାହାଣୀ ଆଣିଥାଏ। ‘ବାହୁବଲୀ’ ହିନ୍ଦୀ ଦର୍ଶକଙ୍କୁ ସାଉଥ୍ର ଏକ ଜବରଦସ୍ତ ସ୍ୱାଦ ଚଖେଇଦେଲା। ଏହା ପରେ ‘ପୁଷ୍ପା’, ‘କେଜିଏଫ୍’, ‘ଆର୍ଆର୍ଆର୍’, ‘କାନ୍ତାରା’, ‘PS-1 ଏବଂ 2’ ଭଳି ଚଳଚ୍ଚିତ୍ର ଏହାକୁ ପରବର୍ତ୍ତୀ ଲେବଲକୁ ନେଇଛି।
ଏହି କ୍ରମରେ 'ସାଲାର', 'ପ୍ରୋଜେକ୍ଟ କେ', 'କଲ୍କି ୨୮୯୮ ଏଡି' ଏବଂ ‘ଗନ୍ଧର୍ବ ଜୁନିଅର’ ଭଳି ଫିଲ୍ମ ବକ୍ସ ଅଫିସରେ ରିଲିଜ୍ ହେବାକୁ ଯାଉଛି। ବିଶେଷ କଥା ହେଉଛି ଏସବୁ ପାନ୍ ଇଣ୍ଡିଆ ଫିଲ୍ମ ହୋଇଛି ଏବଂ ଆଗାମୀ ଫିଲ୍ମଗୁଡ଼ିକ ମଧ୍ୟ ପାନ ଇଣ୍ଡିଆ ଚଳଚ୍ଚିତ୍ର ହେବ।
ଏବେ ଆଉ ଏକ ପାନ ଇଣ୍ଡିଆ ଫିଲ୍ମ ସାଉଥ୍ରୁ ଆସିବାକୁ ଯାଉଛି। ଏହାର ଟିଜର ମଧ୍ୟ ରିଲିଜ୍ ହୋଇଛି। ଏହି ଫିଲ୍ମର କାହାଣୀ ଧାର୍ମିକ ଗ୍ରନ୍ଥ 'ମହାଭାରତ'ର କର୍ଣ୍ଣଙ୍କ ଉପରେ ଆଧାରିତ। ଏହି ଫିଲ୍ମର ନା’ ହେଉଛି ‘ସୂର୍ଯ୍ୟପୁତ୍ର କର୍ଣ୍ଣ’। କୁହାଯାଉଛି ଯେ ଏହା ‘ବାହୁବଲୀ’ ଠାରୁ ବି ବଡ ଫିଲ୍ମ ହେବ। ଏଥିରେ ସମସ୍ତଙ୍କ ପ୍ରିୟ ତାରକା ଚିଆନ୍ ବିକ୍ରମ ମୁଖ୍ୟ ଭୂମିକାରେ ଅଛନ୍ତି। ଚିଆନ୍ 'ଆଇ' ଏବଂ 'PS 1-2' ରେ ମୁଖ୍ୟ ଭୂମିକାରେ ଅଭିନୟ କରିଥିଲେ। ଉଭୟ ଚଳଚ୍ଚିତ୍ରରେ ତାଙ୍କର ଅଭିନୟକୁ ବହୁତ ପ୍ରଶଂସା କରାଯାଇଥିଲ॥
Also Read
‘ସୂର୍ଯ୍ୟପୁତ୍ର କର୍ଣ୍ଣ’ରେ ଚିଆନ୍ ବିକ୍ରମ ମୁଖ୍ୟ ଭୂମିକାରେ ଅଛନ୍ତି। ସେ ଏହି ଚଳଚ୍ଚିତ୍ରରେ କର୍ଣ୍ଣ ଭୂମିକାରେ ଅଭିନୟ କରୁଛନ୍ତି। ଫିଲ୍ମର ଟିଜର ଏକ ଦମଦାର ସଙ୍ଗୀତରୁ ଆରମ୍ଭ ହୋଇଛି। ତା’ପରେ କର୍ଣ୍ଣକୁ ଏକ ବାଜପକ୍ଷୀ ସହ ତୁଳନା କରି ସିକ୍ୱେଲ୍ ଆସୁଛି। ଏହା ପରେ ହଜାର ହଜାର ସୈନିକ ଯୁଦ୍ଧଭୂମିରେ ଦୌଡୁଥିବା ଦେଖାଯାଏ ଏବଂ ପରେ ଚିଆନ୍ ବିକ୍ରମଙ୍କ କର୍ଣ୍ଣ ଲୁକ୍ ସାମ୍ନାକୁ ଆସେ।
ଏଥିରେ ଚିଆନ୍ ବିକ୍ରମ ହାତରେ ଧନୁ ଧରନ୍ତି ଆଉ ତୀର ଚୋଖି ଯୁଦ୍ଧକ୍ଷେତ୍ର ଆଡକୁ ଚାଳନା କରନ୍ତି। ଏହା ପରେ ସୈନିକମାନେ ସେଇଠି ଅଟକି ଯାଆନ୍ତି। ଏହି ସମୟ ମଧ୍ୟରେ ତାଙ୍କ ମୁହଁରେ ଏକ ଚମକ ଦେଖିବାକୁ ମିଳେ। ଚିଆନ୍ ବିକ୍ରମଙ୍କ ବ୍ୟତୀତ ଏହି ଫିଲ୍ମରେ ପ୍ରକାଶ ଆଲେକ୍ସ ମଧ୍ୟ ଜବରଦସ୍ତ୍ୟ ଅଭିନୟ କରିଛନ୍ତି। RS Vimal ଏହାକୁ ନିର୍ଦ୍ଦେଶନା ଦେଉଛନ୍ତି, ଯିଏ ଏହାର ଲେଖକ। ଫିଲ୍ମର ରିଲିଜ୍ ତାରିଖ ଏପର୍ଯ୍ୟନ୍ତ ଘୋଷଣା କରାଯାଇ ନାହିଁ, ସମ୍ଭବତଃ ଏହା ଆସନ୍ତା ବର୍ଷ ମୁକ୍ତିଲାଭ କରିବ।
ପ୍ରକାଶଥାଉ ଯେ ମହାଭାରତରେ କର୍ଣ୍ଣଙ୍କୁ ସୂର୍ଯ୍ୟ ଭଗବାନଙ୍କ ପୁତ୍ର ଭାବରେ ବର୍ଣ୍ଣନା କରାଯାଇଛି। ସୂର୍ଯ୍ୟଙ୍କ ପୁତ୍ର କାରଣରୁ ସେ ମଧ୍ୟ ଜଣେ ଦେବତା ଥିଲେ। ନିର୍ମାତା କହିଛନ୍ତି ଯେ କର୍ଣ୍ଣଙ୍କୁ ଅବହେଳା କରାଯାଇଛି ଅର୍ଥାତ୍ 'ମହାଭାରତ'ରେ କମ ଦେଖାଯାଇଛି, କିନ୍ତୁ ତାଙ୍କ ବିଷୟରେ ଅନେକ କାହାଣୀ ଅଛି। ସେ ଜଣେ ମହାନ ବୀର ଥିଲେ। କର୍ଣ୍ଣ ଉଦାରତା, ବିଶ୍ୱସ୍ତତା ଏବଂ କର୍ତ୍ତବ୍ୟର ପ୍ରତୀକ।
