ବଲିଉଡ ଡେବ୍ୟୁ କରିବେ ଶାହରୁଖ ଲଳନା ସୁହାନା ଖାନ୍

ମୁମ୍ବାଇ : ବଲିଉଡ ବାଦଶାହା ଶାହରୁଖ ଖାନ୍ ଲଳନା ସୁହାନା ଖାନ୍ ଆଜିଯାଏ ବଲିଉଡରେ ପ୍ରବେଶ କରି ନ ଥିଲେ ବି ତାଙ୍କର ଫ୍ୟାନ ଫଲୋର୍ସ କମ ନୁହନ୍ତି। ସୁହାନାଙ୍କ ପ୍ରଶଂସକମାନେ ଚାହୁଛନ୍ତି ଯେ ସେ ଖୁବ୍ ଶୀଘ୍ର ବଲିଉଡରେ ଡେବ୍ୟୁ କରନ୍ତୁ। ତେବେ ବର୍ତ୍ତମାନ ଏହା ଲାଗୁଛି ଯେ ସୁହାନାଙ୍କ ପ୍ରଶଂସକଙ୍କ ଏହି ଇଛା ମଧ୍ୟ ପୂରଣ ହେବାକୁ ଯାଉଛି। ପ୍ରସିଦ୍ଧ ସିନେମା ନିର୍ଦ୍ଦେଶକ ଜୋୟା ଅଖତର ଖୁବ୍ ଶୀଘ୍ର ସୁହାନାଙ୍କୁ ଲଞ୍ଚ୍‌ କରିବାକୁ ଯାଉଛନ୍ତି।

ସୂଚନା ଅନୁଯାୟୀ ଜୋୟା ଅଖତର ଅନ୍ତର୍ଜାତୀୟ ବ୍ୟଙ୍ଗ ପୁସ୍ତକ ଆର୍ଚି ଉପରେ ଏକ ଫିଲ୍ମ ନିର୍ମାଣ କରିବାକୁ ଯାଉଛନ୍ତି। ଜୋୟା ଏହି ବ୍ୟଙ୍ଗ ପୁସ୍ତକର ଭାରତୀୟ ସଂସ୍କରଣ ଉପରେ କାମ କରୁଛନ୍ତି ଯେଉଁଥି ପାଇଁ ତାଙ୍କର ପ୍ରଥମ ପସନ୍ଦ ହେଉଛି ସୁହାନା ଖାନ୍। ତେବେ ଏ ପର୍ଯ୍ୟନ୍ତ ସୁହାନା ଖାନ ଏବଂ ତାଙ୍କ ବାପା ଶାହାରୁଖ ଖାନଙ୍କଠାରୁ ଏନେଇ କୌଣସି ନିଶ୍ଚିତତା ଆସି ନାହିଁ। ଆର୍ଚି ହେଉଛି ସାଙ୍ଗମାନଙ୍କ ଗୋଷ୍ଠୀର ଏକ କାହାଣୀ, ଯେଉଁମାନେ ଏକତ୍ର ବୁଲିବାକୁ ଯାଆନ୍ତି ଏବଂ ଏହାକୁ ସ୍ମୃତି କରନ୍ତି। ଜୋୟା ଏହି ଉଦ୍ୟମରେ ଆଉ ଦୁଇ ଜଣ ଷ୍ଟାର୍ କିଡ୍ସଙ୍କୁ ମଧ୍ୟ ଲଞ୍ଚ କରିବା ନେଉ ଜୋରଦାର ଚର୍ଚ୍ଚା ଚାଲିଛି।

Also Read

ଚାରିଆଡ଼େ ଆତଙ୍କ, ଭୟ ଆଉ କାନ୍ଦବୋବାଳି : କାବୁଲ ଏୟାରପୋର୍ଟରେ ମହିଳା ଓ ପିଲାଙ୍କୁ ଆକ୍ରମଣ କଲେ ତାଲିବାନୀ

‘ବେଲ୍ ବଟମ୍’ ରିଲିଜ୍ ପୂର୍ବରେ ଲଣ୍ଡନରେ ଅକ୍ଷୟ କୁମାର

ସେପ୍ଟେମ୍ବର ୧୦ରେ ରିଲିଜ୍ ହେବ ଫିଲ୍ମ “ଲଭ୍‌ ଷ୍ଟୋରୀ”

ପ୍ରକାଶଥାଉ ଯେ ଏହି ଚଳଚ୍ଚିତ୍ରଟି ବଡ ପରଦାରେ ନୁହେଁ ବରଂ ଓଟିଟି ପ୍ଲାଟ୍‌ଫର୍ମ ନେଟ୍‌ଫ୍ଲିକ୍ସରେ ଲଞ୍ଚ ହେବ। ଏହାପୂର୍ବରୁ ସୁହାନା ଖାନ 'ଦ ଗ୍ରେ ପାର୍ଟ ଅଫ୍ ବ୍ଲୁ' ନାମକ ଏକ କ୍ଷୁଦ୍ର ଚଳଚ୍ଚିତ୍ରରେ ମଧ୍ୟ ଅଭିନୟ କରିଥିଲେ। ଏହି କ୍ଷୁଦ୍ର ଚଳଚ୍ଚିତ୍ର ସୋସିଆଲ ମିଡିଆରେ ଉଚ୍ଚ ପ୍ରଶଂସିତ ହୋଇଥିଲା ଏବଂ ଲୋକମାନେ ସୁହାନା ଖାନଙ୍କୁ ମଧ୍ୟ ଖୁବ ପ୍ରଶଂସା କରିଥିଲେ। ୧୦ ମିନିଟ୍‌ର ଏହି ଚଳଚ୍ଚିତ୍ରକୁ ଥିଓଡୋର ଜିମେନୋ ନିର୍ଦ୍ଦେଶନା ଦେଇଥିଲେ, ଏଥିରେ ରବିନ୍ ଗୋନେଲା ମଧ୍ୟ ଅଭିନୟ କରିଥିଲେ।

ତେବେ ସୁହାନା ଖାନ ଅଭିନୟ ଜଗତ ପାଇଁ ନୂଆ ନୁହଁନ୍ତି, ସେ ଲଣ୍ଡନରେ 'ରୋମିଓ ଏବଂ ଜୁଲିଏଟ୍' ନାଟକରେ ଅଂଶ ଗ୍ରହଣ କରିଥିଲେ। ନିକଟରେ ସୁହାନା ଖାନ ଏକ ସ୍ୱତନ୍ତ୍ର ଚିତ୍ରାଙ୍କନ କରିଥିଲେ। ଏହି ଚିତ୍ରଟି ତାଙ୍କ ମା ଗୌରୀ ଖାନଙ୍କର ଥିଲା। ସୁହାନା ଖାନ ତାଙ୍କ ପ୍ରଶଂସକମାନଙ୍କୁ ନିଜର ଚିତ୍ରାଙ୍କନ ପ୍ରତିଭା ଦେଖାଇବାକୁ ଚେଷ୍ଟା କରିଥିଲେ।