LIVE TV
୧୧ ଅଗଷ୍ଟ ୨୦୨୩ରେ ବଡ ପରଦାରେ ମୁକ୍ତିଲାଭ କରିଥିବା ସନ୍ନି ଦେଓଲ ଏବଂ ଅମିଶା ପଟେଲଙ୍କ ଫିଲ୍ମ ‘ଗଦର ୨’ ପ୍ରକୃତରେ ବଡ ପରଦାରେ ଉତ୍ତେଜନା ସୃଷ୍ଟି କରିଛି ଆଉ ଏହା ଭିତରେ ୬୭୪ କୋଟିରୁ ଅଧିକ ରୋଜଗାର କରିସାରିଲାଣି। ‘ଗଦର ୨’ ର ସଫଳତା ପରେ ଅନ୍ୟ ଚଳଚ୍ଚିତ୍ର ନିର୍ମାତାମାନେ ମଧ୍ୟ ପୁରୁଣା ଚଳଚ୍ଚିତ୍ରର ସିକ୍ୱେଲ ତିଆରି କରିବାକୁ ଅଣ୍ଟା ଭିଡିଲେଣି।
ଏଭଳି ପରିସ୍ଥିତିରେ ୨୦୦୦ରେ ମୁକ୍ତିଲାଭ କରିଥିବା ଏକ ସୁପର ହିଟ୍ ଫିଲ୍ମର ସିକ୍ୱେଲ୍ ତିଆରି କରିବାକୁ ଏବେ ଯୋଜନା ଚାଲିଛି। ଏଠାରେ ସୁନୀଲ ଶେଟ୍ଟୀ, ଅକ୍ଷୟ କୁମାର ଏବଂ ଶିଳ୍ପା ଶେଟ୍ଟୀଙ୍କ ତ୍ରିକୋଣୀୟ ପ୍ରେମ କାହାଣୀ ଉପରେ ଆଧାରିତ ‘ଧଡକନ’ ଫିଲ୍ମ ବିଷୟରେ କୁହାଯାଉଛି, ଯାହାର ସିକ୍ୱେଲ୍ ଖୁବ୍ ଶୀଘ୍ର ନିର୍ମିତ ହେବ।
୨୦୦୦ ମସିହାରେ ଶିଳ୍ପା ଶେଟ୍ଟୀ, ସୁନୀଲ ଶେଟ୍ଟୀ ଏବଂ ଅକ୍ଷୟ କୁମାରଙ୍କ ଅଭିନୀତ ‘ଧଡକନ’ରେ ମହିମା ଚୌଧୁରୀ ମଧ୍ୟ ଅତିଥି ରୂପରେ ନଜର ଆସିଥିଲେ। ଏହି ଚଳଚ୍ଚିତ୍ରର ଗୀତଗୁଡିକ ଚମତ୍କାର ଥିଲା ଏବଂ ଆଜି ବି ଏହାକୁ ବହୁତ ପସନ୍ଦ କରାଯାଏ। ଏହି ଚଳଚ୍ଚିତ୍ରଟି ଧର୍ମେଶ ଦର୍ଶନଙ୍କ ଦ୍ୱାରା ନିର୍ଦ୍ଦେଶିତ ହୋଇଥିବା ବେଳେ ପ୍ରେମ, ରୋମାନ୍ସ ଏବଂ ପାରିବାରିକ ଡ୍ରାମାରେ ଭରପୂର ଥିଲା।
Also Read
‘ଧଡକନ ୨’କୁ ମଧ୍ୟ ଧର୍ମେଶ ଦର୍ଶନ ନିର୍ଦ୍ଦେଶନା ଦେବେ। ଏହି ଫିଲ୍ମ ପ୍ରସ୍ତାବରେ ବୋଲି ସେ ନିଶ୍ଚିତ କରିଛନ୍ତି। ଏକ ସାକ୍ଷାତକାରରେ ସେ କହିଛନ୍ତି ଯେ ୨୦୦୦ରେ ମୁକ୍ତିଲାଭ କରିଥିବା କ୍ଲାସିକ୍ ଚଳଚ୍ଚିତ୍ର ‘ଧଡକନ ୨’ କୁ ନେଇ ତାଙ୍କ ମନରେ ଦୁଇରୁ ତିନୋଟି ବିଚାର ଅଛି, ଯାହାକୁ ସେ ସିକ୍ୱେଲ ସହିତ ଆଗକୁ ନେବାକୁ ଚାହୁଁଛନ୍ତି। ଧର୍ମେଶ ଦର୍ଶନ କହିଛନ୍ତି ଯେ ଏବେ ‘ଧଡକନ ୨’ ପାଇଁ ସେ ରତନ ଜୈନନ ଜୀଙ୍କ ଠାରୁ ଅଫର ପାଇଛନ୍ତି ଯିଏ ‘ଧଡକନ’ର ନିର୍ମାତା ଥିଲେ।
‘ଧଡକନ ୨’ ର ନିଶ୍ଚିତକରଣ ପରେ ଏବେ ଏହାର ଷ୍ଟାର୍କାଷ୍ଟ୍କୁ ନେଇ ଫିଲ୍ମ ସର୍କଲରେ ଆଲୋଚନା ଚାଲିଛି। କିନ୍ତୁ କୁହାଯାଉଛି ଯେ ଏହି ଫିଲ୍ମରେ ସୁନୀଲ ଶେଟ୍ଟୀ, ଅକ୍ଷୟ କୁମାର ଏବଂ ଶିଳ୍ପା ଶେଟ୍ଟୀଙ୍କ ତ୍ରିକୋଣୀୟ ପ୍ରେମ ଦେଖିବାକୁ ମିଳିବ ନାହିଁ। ଫିଲ୍ମର ନିର୍ମାତା କିମ୍ବା ନିର୍ଦ୍ଦେଶକ ‘ଧଡକନ ୨’ ପାଇଁ ଷ୍ଟାର୍କାଷ୍ଟ୍ ବିଷୟରେ ଏପର୍ଯ୍ୟନ୍ତ କିଛି କହି ନାହାନ୍ତି।
ଏଭଳି ପରିସ୍ଥିତିରେ ଶିଳ୍ପା ଶେଟ୍ଟୀ, ଅକ୍ଷୟ କୁମାର ଏବଂ ସୁନୀଲ ଶେଟ୍ଟୀଙ୍କୁ ଏକାଠି ଦେଖିବା ପରେ ଲୋକଙ୍କ ହୃଦସ୍ପନ୍ଦନ ବୃଦ୍ଧି ପାଇବ ନା ଫିଲ୍ମରେ ଅନ୍ୟ କିଛି କାହାଣୀ ଦେଖିବାକୁ ମିଳିବ ତାହା ଦେଖିବା ବାକି ରହିଲା।
