ୟୁକ୍ରେନ୍‌ରେ ଫସିଥିବା ଭାରତୀୟ ଛାତ୍ରଙ୍କୁ ସୋନୁ ସୁଦଙ୍କ୍ ଅନୁରୋଧ

ଚଣ୍ଡିଗଡ: କରୋନା କାଳରେ ପରୋପକାରୀ ଚେହେରା ନେଇ ଉଭା ହୋଇଥିବା ଅଭିନେତା ସୋନୁ ସୁଦଙ୍କ ସଂଗଠନ ସୁଦ୍ ଚାରିଟେବୁଲ୍ ଟ୍ରଷ୍ଟ୍‌ ୟୁକ୍ରେନର ଭାରତୀୟ ଦୂତାବାସ ସହିତ ଯୋଗାଯୋଗ କରିଛି। ଭାରତୀୟ ଛାତ୍ରମାନଙ୍କୁ ସାହାଯ୍ୟ କରିବା ପାଇଁ ପଦକ୍ଷେପ ଆରମ୍ଭ କରିଛି।

ରିପୋର୍ଟ ଅନୁଯାୟୀ, ସୋନୁ ସୁଦ ୟୁକ୍ରେନ୍‌ରେ ଫସିଥିବା ପଞ୍ଜାବ ସମେତ ସମସ୍ତ ଭାରତୀୟ ଛାତ୍ରଙ୍କୁ ଯୁଦ୍ଧ ସ୍ଥଳ ଆଖପାଖରେ ରହିବାକୁ ନିବେଦନ କରିଛନ୍ତି, ଯାହାଫଳରେ ସେମାନଙ୍କୁ ନିରାପଦରେ ସ୍ଥାନାନ୍ତର କରାଯାଇପାରିବ। ସୋନୁ ସୁଦ କହିଛନ୍ତି ଯେ ଯଦି ଛାତ୍ରମାନେ ସମାନ ସ୍ଥାନରେ ରହନ୍ତି, ତେବେ ଭାରତୀୟ ଦୂତାବାସ ସେମାନଙ୍କ ସହ ସହଜରେ ଯୋଗାଯୋଗ କରିପାରିବ। ସୋନୁ ସୁଦ ଛାତ୍ରମାନଙ୍କୁ ଏକ ବାର୍ତ୍ତା ଦେଇଛନ୍ତି ଯେ ଭାରତୀୟ ଏଜେନ୍ସୀ ତଥ୍ୟ ନେଇ ଛାତ୍ରଛାତ୍ରୀଙ୍କ ନିକଟରେ ପହଞ୍ଚିବାକୁ ଚେଷ୍ଟା କରୁଛି।

ଯୁଦ୍ଧ ପରିସ୍ଥିତି ମଧ୍ୟରେ ସୋନୁ ଏବଂ ତାଙ୍କ ଟିମ୍ କିପରି ଛାତ୍ରମାନଙ୍କୁ ସାହାଯ୍ୟ କରିଛନ୍ତି, ୟୁକ୍ରେନରୁ ଫେରି ଆସିଥିବା ଅନେକ ଛାତ୍ର କହିଛନ୍ତି ଏହା କହିଛନ୍ତି। ସୋସିଆଲ ମିଡିଆ ପୋଷ୍ଟ୍‌ରେ ଏକ ଭିଡିଓ ଶେୟାର କରି ସୋନୁ ସୁଦ ଲେଖିଛନ୍ତି, “ୟୁକ୍ରେନ୍‌ରେ ଆମର ଛାତ୍ରମାନଙ୍କ ପାଇଁ ସବୁଠାରୁ କଷ୍ଟଦାୟକ ସମୟ ଏବଂ ଏହା ବୋଧହୁଏ ମୋର ସବୁଠୁ କଠିନ କାର୍ଯ୍ୟ”

ଅନ୍ୟଏକ ରିପୋର୍ଟରେ କୁହାଯାଇଛି ଯେ ପଞ୍ଜାବର ତଲୱାଡାର ଅନିକା ତାଙ୍କ ସହକର୍ମୀଙ୍କ ସହ ୟୁକ୍ରେନ୍‌ର ଖାର୍କିଭ ମେଡିକାଲ କଲେଜ ହଷ୍ଟେଲର ବଙ୍କରରେ ୭ ଦିନ ଧରି ଫସି ରହିଥିଲେ। ଯେତେବେଳେ ସେ ତାଙ୍କ ସାଥୀଙ୍କ ସହିତ ୧୪ କିଲୋମିଟର ପାଦରେ ଚାଲି ଖାର୍କିଭ ରେଳ ଷ୍ଟେସନରେ ପହଞ୍ଚିଥିଲେ ୟୁକ୍ରେନ କର୍ତ୍ତୃପକ୍ଷ ତାଙ୍କୁ ଧକ୍କାମାରି ସେଠାରୁ ତଡି ଦେଇଥିଲେ। ପ୍ରବଳ ଥଣ୍ଡା ହେତୁ ତାଙ୍କ ଅବସ୍ଥା ବିଗିଡି ଯାଇଥିଲା। ତା’ପରେ ସେ ବାଧ୍ୟ ହୋଇ ପୁଣି ୩୦ କିଲୋମିଟର ଅତିକ୍ରମ କରି ଏକ ବଙ୍କରରେ ଆଶ୍ରୟ ନେଇଥିଲେ।

ୟୁକ୍ରେନ୍‌ରେ ଫସି ରହିଥିବା ପଞ୍ଜାବର ଛାତ୍ରମାନଙ୍କ ପରିବାର ମଧ୍ୟ ଭାରତୀୟ ଦୂତାବାସ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି। ପଞ୍ଜାବର ଖେଡା କଲମୋଟ ଗାଁର ରମଣ ବର୍ମା ତାଙ୍କ ପତ୍ନୀ ପୂଜା ବର୍ମାଙ୍କ ସହ ୟୁକ୍ରେନ୍‌ ଯାଇଥିଲେ। ରମଣ ବର୍ମାଙ୍କ ପିତା ରାମ କୁମାର ବର୍ମା କହିଛନ୍ତି ଯେ ତାଙ୍କ ବୋହୂ ତିନି ମାସର ଗର୍ଭବତୀ ଅଛନ୍ତି।

ଉଭୟ ପତି ପତ୍ନୀ ଶହ ଶହ କିମି ପାଦରେ ଚାଲି ଯେତେବେଳେ ପୋଲାଣ୍ଡ ସୀମାରେ ପହଞ୍ଚିଲେ ନା ସେଠି ଔଷଧର ବ୍ୟବସ୍ଥା ଥିଲା ନା ଖାଦ୍ୟ। ଭାରତୀୟ ଦୂତାବାସ ମଧ୍ୟ ତାଙ୍କର କୌଣସି ଯତ୍ନ ନେଇ ନଥିଲେ।