Shilpa Shirodkar: ମୁଁ ଦଶମ ଫେଲ୍ ହୋଇ ମଧ୍ୟ ଜଣେ ଡବଲ ଏମବିଏ ଏବଂ ବ୍ୟାଙ୍କରଙ୍କୁ ବିବାହ କରିଛି

ଅଭିନେତ୍ରୀ ଶିଳ୍ପା ଶିରୋଦକର, ଯିଏ ରମେଶ ସିପ୍ପୀଙ୍କ ଫିଲ୍ମ 'ଭ୍ରଷ୍ଟାଚାର'ରେ ମିଥୁନ ଚକ୍ରବର୍ତ୍ତୀଙ୍କ ସହ ଡେବ୍ୟୁ କରିଥିଲେ, ବହୁ ଗୁଡିଏ ହିଟ୍ ଫିଲ୍ବ ଦେଇ ଦର୍ଶକଙ୍କ ହୃଦୟରେ ରାଜ୍ କରିଥିଲେ। ସେ ହମ, ଖୁଦା ଗବାହ, ଆଖେଁ ଭଳି ଅନେକ ହିଟ ଫିଲ୍ମରେ ଅଭିନୟ କରିଥିଲେ। ହିନ୍ଦୀ ଫିଲ୍ମ ଇଣ୍ଡଷ୍ଟ୍ରିରେ ଜଣାଶୁଣା ଚେହେରା ହେବା ସତ୍ତ୍ୱେ, ଶିଳ୍ପା ତାଙ୍କ କ୍ୟାରିଅରର ଶୀର୍ଷରେ ଥାଇ ଲାଇମଲାଇଟ ଛାଡି ବିବାହ ପରେ ତାଙ୍କ ସ୍ୱାମୀ ଅପରେଶ ରଞ୍ଜିତଙ୍କ ସହିତ ବିଦେଶରେ ସାଧାରଣ ଜୀବନକୁ ବାଛିଥିଲେ। ନିକଟରେ ଏକ ସାକ୍ଷାତକାରରେ, ଶିଲ୍ପା ତାଙ୍କର ଏହି ନିଷ୍ପତ୍ତିକୁ ଠିକ୍ ବୋଲି କହିଛନ୍ତି ଏବଂ ଫିଲ୍ମ ଦୁନିଆ ଛାଡି ସେ ଅନୁତାପ କରୁନଥିବା କହିଛନ୍ତି।

ସେ କହିଛନ୍ତି, "ମୁଁ ଫିଲ୍ମରୁ ବିରତି ନେଇନଥିବାରୁ କୌଣସି ଦୁଃଖ କରୁ ନାହିଁ। ମୁଁ ବେଳେ ବେଳେ ମନେ ପକାଏ ଯେ, କେତେ ବ୍ୟସ୍ତ ରହୁଥିଲି, କିନ୍ତୁ ମୁଁ ଜଣେ ଭଲ ଓ ସରଳ ବ୍ୟକ୍ତିଙ୍କୁ ବିବାହ କରିଛି। ମୋର ଏକ ନୂଆ ଜୀବନ ଆରମ୍ଭ କରିବା ପାଇଁ ଏହା ବହୁତ ଗୁରୁତ୍ୱପୂର୍ଣ୍ଣ ଥିଲା। ଦୁର୍ଭାଗ୍ୟବଶତଃ, ମୁଁ ଭାରତ ଛାଡି ଚାଲିଗଲି ଏବଂ ସେଥିପାଇଁ କାମ ଜାରି ରଖିବା ମୋ ପାଇଁ କଷ୍ଟକର ହୋଇପଡିଥିଲା। ଯଦି ମୁଁ ଭାରତରେ ବିବାହ କରିଥାନ୍ତି, ତେବେ ମୁଁ ନିଶ୍ଚୟ କାମ କରିଥାନ୍ତି।"

ଶିଳ୍ପା ଏହା ମଧ୍ୟ ସ୍ୱୀକାର କରିଛନ୍ତି ଯେ ସେ କେବେ ମୁମ୍ବାଇ କିମ୍ବା ଦେଶ ଛାଡିବାକୁ ଚାହୁଁନଥିଲେ। କିନ୍ତୁ ତାଙ୍କ ସ୍ୱାମୀଙ୍କୁ ପ୍ରଥମ ଥର ଭେଟିବା ପରେ ସେ ତାଙ୍କ ସହ ବିଦେଶ ଯିବାକୁ ଚାହିଁଲେ। ସେ କହିଥିଲେ, "ଏ ନିଷ୍ପତ୍ତି ସହଜ ଥିଲା। ଯେତେବେଳେ ଏହା ତୁମର ନିଜର ପସନ୍ଦ ହୁଏ, ସବୁ କିଛି ବହୁତ ସହଜ ହୋଇଯାଏ। ଏହା ମୋର ପସନ୍ଦ ଥିଲା। ମୁଁ କେବେ ମୁଁ ମୋ ପିତାମାତାଙ୍କୁ ଓ ମୁମ୍ବାଇ ଛାଡିବାକୁ ଚାହୁଁନଥିଲି। କିନ୍ତୁ ତାପରେ ମୁଁ ମୋ ସ୍ୱାମୀଙ୍କୁ ଭେଟିଲି ଏବଂ ଗୋଟିଏରୁ ଦୁଇ ଦିନ ଦିନ ମଧ୍ୟରେ ମୁଁ ନିଷ୍ପତ୍ତି ନେଇଥିଲି।

ଶିଳ୍ପା ତାଙ୍କର ଓ ତାଙ୍କ ସ୍ୱାମୀଙ୍କ ଶିକ୍ଷାଗତ ଯୋଗ୍ୟତା ସମ୍ପର୍କରେ ମଧ୍ୟ କହିଛନ୍ତି। ସେ କହିଛନ୍ତି, ମୁଁ ଦଶମ ଶ୍ରେଣୀ ଫେଲ ହୋଇଥିବା ବେଳେ ମୋ ସ୍ୱାମୀ ଡବଲ ଏମବିଏ। ସେ ବହୁତ ପାଠ ପଢିଛନ୍ତି। ମୋ ସ୍ୱାମୀ ଜଣେ ବ୍ୟାଙ୍କର। କିନ୍ତୁ ମୁଁ କେବେ ବି ତାଙ୍କ ସାମନାରେ ନିଜକୁ ଛୋଟ କିମ୍ବା ହୀନ ଅନୁଭବ କରିନାହିଁ। ମୁଁ ତାଙ୍କ ସହିତ ଏବଂ ତାଙ୍କ ସାଙ୍ଗମାନଙ୍କ ସହ ସବୁ ବିଷୟରେ କଥାବାର୍ତ୍ତା କରିପାରେ। ତେଣୁ ତାଙ୍କ ସାମନାରେ ମୁଁ କେବେ ବି ତାଙ୍କ ସାମନାରେ ନିଜକୁ ଛୋଟ କିମ୍ବା ହୀନ ଅନୁଭବ କରିନାହିଁ," ବୋଲି ସେ କହିଛନ୍ତି।

ବିବାହ ପରେ ତାଙ୍କୁ କୌଣସି ଫିଲ୍ମ ଅଫର ମିଳିଥିଲା କି ନାହିଁ ବୋଲି ପଚରାଯିବାରୁ, ସେ କହିଛନ୍ତି, "ସେ ସମୟରେ, ବିବାହ ପରେ ମହିଳାମାନଙ୍କୁ ଫିଲ୍ମରେ କାମ ମିଳିବା ବହୁତ କମ୍ ଥିଲା। ତେଣୁ ମୋତେ କେହି ଯୋଗାଯୋଗ କରିନଥିଲେ। ମୁଁ ମଧ୍ୟ ଏତେ ବଡ଼ ଷ୍ଟାର ନଥିଲି। ମୁଁ ଏତେ ଲୋକପ୍ରିୟ ନଥିଲି ଯେ ଲୋକେ ମୋତେ କାମ ଦେବାକୁ ଚାହିଁବେ। କିଛି ଲୋକ ଖୁସି ମଧ୍ୟ ଥିଲେ ଯେ ମୁଁ ଚାଲିଗଲି, କାରଣ ଆହୁରି ଅନେକ ଅଭିନେତ୍ରୀ ଥିଲେ।

ଅଧିକ ପଢନ୍ତୁ: କାହିଁକି ପ୍ରତିଦିନ ରାତିରେ ଶୋଇବା ପୂର୍ବରୁ ପତ୍ନୀଙ୍କ ପାଦ ଛୁଅଁନ୍ତି ରବି କିଶନ; କପିଲ୍ ଶର୍ମା ଶୋରେ କହିଲେ....