ମଧୁବାଲାଙ୍କ ସୌନ୍ଦର୍ଯ୍ୟରେ ପାଗଳ ଥିଲେ କପୁର ଦାୟାଦ; ମୋଟା ହେବାକୁ ବିୟର୍ ପିଉଥିଲେ

ମଧୁବାଲାଙ୍କ ପରି ଜଣେ ସୁନ୍ଦର ଅଭିନେତ୍ରୀଙ୍କ ଅଭାବକୁ ବଲିଉଡ କେବେ ବି ପୂରଣ କରିପାରିବ ନାହିଁ। ସେ ତା’ର ଗୋଟିଏ ହସରେ ହଜାର ହଜାର ପ୍ରଶଂସକଙ୍କ ହୋସ୍ ଉଡେଇ ଦେଉଥିଲେ। ପାଟି ଅପେକ୍ଷା ତାଙ୍କ ଆଖି ଅଧିକ କଥା କହୁଥିଲା। ତାଙ୍କ ଯୁଗରେ, ମଧୁବାଲା ପରି ଚମତ୍କାର ସୌନ୍ଦର୍ଯ୍ୟ ଅନ୍ୟ ଅଭିନେତ୍ରୀମାନଙ୍କଠାରେ କ୍ୱଚିତ୍ ଦେଖାଯାଉଥିଲା।

ଚଳଚ୍ଚିତ୍ର ଦୁନିଆରେ ମଧ୍ୟ ତାଙ୍କର ଅନେକ ପ୍ରଶଂସକ ଥିଲେ, ଯେଉଁମାନେ ତାଙ୍କ ପାଇଁ ପାଗଳ ହେଉଥିଲେ। ସେମାନଙ୍କ ମଧ୍ୟରୁ ଶମି କପୁର ଜଣେ। ମଧୁବାଲାଙ୍କ ସୌନ୍ଦର୍ଯ୍ୟ ଦେଖି କପୁର ପରିବାରର ଏହି ସନ୍ତାନ ଏତେ ପାଗଳ ହୋଇଗଲେ ଯେ ସେ ସଂଳାପ ଭୁଲିଯାଉଥିଲେ।

ଅଧିକ ପଢ଼ନ୍ତୁ: ସୌନ୍ଦର୍ଯ୍ୟର ମାଲିକାଣୀ ମଧୁବାଲାଙ୍କ ଏହି ସବୁ ଫଟୋ ଆପଣଙ୍କ ଦିନକୁ କରିବ ତାଜା

ଶମି କପୁର ତାଙ୍କ ଜୀବନୀରେ ମଧୁବାଲାଙ୍କ ସହ ତାଙ୍କର ପ୍ରଥମ ସାକ୍ଷାତକୁ ନେଇ ଉଲ୍ଲେଖ କରିଛନ୍ତି। ‘ରେଲ୍ କା ଦିବ୍‌ବା’ କା ଫିଲ୍ମର ସେଟରେ ଦୁହେଁ ମୁହାଁମୁହିଁ ହୋଇଥିଲେ। ଏହି ସେଟ୍‌ରେ ମଧୁବାଲାଙ୍କୁ ଦେଖି ଶମି କପୁରଙ୍କ ନଜର ହଟି ନଥିଲା। ମଧୁବାଲାଙ୍କୁ ଦେଖି ଶମି କପୁର ଏତେ ବିଚଳିତ ହୋଇଯାଇଗଲେ ଯେ ସେ ସଂଳାପ ଭୁଲିଯାଇଥିଲେ। ଏହା ମଧ୍ୟ କୁହାଯାଏ ଯେ ମଧୁବାଲା ନିଜେ ଶମି କପୁରଙ୍କୁ ସଂଳାପ ମନେରଖିବାରେ ସାହାଯ୍ୟ କରିଥିଲେ।

ମଧୁବାଲାଙ୍କ ସହିତ ପରଦାରେ ଭଲ ଦେଖାଯିବା ପାଇଁ ଶମି କପୁର ବିୟର ପିଇବା ଆରମ୍ଭ କରିଥିଲେ। ଶମି କପୁର ସେତେବେଳେ ବହୁତ ପତଳା ଥିଲେ। ମଧୁବାଲା ତାଙ୍କୁ କହିଥିଲେ ଯେ “ତୁମେ ଏତେ ପତଳା ଯେ ମୁଁ ତୁମର ହିରୋଇନ୍ ପରି ଦେଖାଯାଉ ନାହିଁ। କିଛି ଖାଇ ପିଇ ତୁମର ଓଜନ ବଢାଅ।” ମଧୁବାଲାଙ୍କ ମୁହଁରୁ ଏହା ଶୁଣିବା ପରେ ମୋଟା ହେବା ପାଇଁ ଶମି କପୁର ବିୟର ପିଇବା ଆରମ୍ଭ କରିଥିଲେ।

ଶମି କପୁର ଥରେ କହିଥିଲେ ଯେ ସେ ଚନ୍ଦ୍ରକୁ ଦେଖି ଡ୍ୟାନ୍ସ ଅଭ୍ୟାସ କରିବାକୁ ପସନ୍ଦ କରୁଥିଲେ। ସେ ଗୀତ ବଜାଉଥିଲେ। ଚନ୍ଦ୍ର ଦେଖିବା ପାଇଁ ସେ ଛାତକୁ ଯାଉଥିଲେ ଆଉ ନାଚୁଥିଲେ। ଏକ ସାକ୍ଷାତକାରରେ ସେ କହିଥିଲେ ଯେ ସେ ମଧୁବାଲାଙ୍କ ସୁନ୍ଦର ଚେହେରାକୁ ଚନ୍ଦ୍ରରେ ଦେଖୁଥିଲେ ଏବଂ ଡ୍ୟାନ୍ସ ଅଭ୍ୟାସ କରୁଥିଲେ।