Shakti Kapoor: ଝିଅ ଦେଇଥିଲା ଉପହାର; ବିକିଦେଲେ ଶକ୍ତି କପୁର, ମିଳିଲା ଏତେ କୋଟି

ବଲିଉଡ୍ ବ୍ୟାଡ୍‌ବୟ ଶକ୍ତି କପୁର ୭୦୦ରୁ ଅଧିକ ଚଳଚ୍ଚିତ୍ରରେ କାମ କରିଛନ୍ତି। କେତେବେଳେ ସେ ହାସ୍ୟ ଅଭିନେତା ତ ଆଉ କେତେବେଳେ ଭିଲେନ୍। ସେ ‘ହିମତ୍‌ୱାଲା’ ହେଉ କି ‘ରାଜା ବାବୁ’ କିମ୍ବା ‘ଅନ୍ଦାଜ୍ ଅପ୍‌ନା ଅପନା’ ହେଉ କି ‘ଜୁଡ୍‌ୱା’, ତାଙ୍କର ପ୍ରତ୍ୟେକ ଚରିତ୍ର ସ୍ମରଣୀୟ।

ତାଙ୍କ ଝିଅ ଶ୍ରଦ୍ଧା କପୁରଙ୍କ ବିଷୟରେ କହିବାକୁ ଗଲେ ସେ ହିନ୍ଦୀ ସିନେମାର ଜଣେ ଜଣାଶୁଣା ଅଭିନେତ୍ରୀ। ଯେତେବେଳେ ତାଙ୍କ ବାପା ଶକ୍ତି କପୁରଙ୍କ ଯୁଗ ଶେଷ ହୋଇଛି, ସେଇଠି ଶ୍ରଦ୍ଧାଙ୍କ ଯୁଗ ଆରମ୍ଭ ହୋଇଛି।

ଶ୍ରଦ୍ଧା କପୁର ବର୍ତ୍ତମାନ ବଲିଉଡ୍‌ରେ ଛାଇଯାଇଛନ୍ତି। ନିକଟରେ ସିନେମା ଛଡା ତାଙ୍କୁ ନେଇ ଏକ ଖବର ସାମ୍ନାକୁ ଆସିଛି। ଶ୍ରଦ୍ଧା କପୁରଙ୍କ ଦ୍ୱାରା ଦିଆଯାଇଥିବା ଉପହାରକୁ ​​ଶକ୍ତି କପୁର ବିକି ଦେଇଛନ୍ତି। ଏକ ସୂଚନା ମୁତାବକ ଉପହାରରେ ଶ୍ରଦ୍ଧା କପୁର ଦେଇଥିବା ଆପାର୍ଟମେଣ୍ଟକୁ ଶକ୍ତି କପୁର ବିକ୍ରି କରିଛନ୍ତି।

ଅଧିକ ପଢ଼ନ୍ତୁ: ଗୋବିନ୍ଦା-ସୁନୀତାଙ୍କ ବୈବାହିକ ଜୀବନରେ କଳାବାଦଲ ! ରହୁଛନ୍ତି ଅଲଗା, ଚର୍ଚ୍ଚାରେ ଛାଡ଼ପତ୍ର

ଡକ୍ୟୁମେଣ୍ଟ ଅନୁଯାୟୀ ଅଭିନେତା ଶକ୍ତି କପୁର ମୁମ୍ବାଇର ଜୁହୁସ୍ଥିତ ସିଲଭର ବିଚ୍ ହେବେନ୍ କୋ-ଅପରେସନ୍ ସୋସାଇଟିରେ ଥିବା ତାଙ୍କ ଆପାର୍ଟମେଣ୍ଟକୁ ୬.୧୧ କୋଟିରେ ବିକ୍ରି କରିଛନ୍ତି। ଏହି ଡିଲ୍ ୨୬ ଡିସେମ୍ବର ୨୦୨୪ରେ ପଞ୍ଜୀକୃତ ହୋଇଥିଲା।

ସ୍କୋୟାର୍ ୟାର୍ଡସ୍ ଦ୍ୱାରା ଡକ୍ୟୁମେଣ୍ଟ୍ ପଞ୍ଜିକୃତ ହୋଇଥିଲା ଏବଂ ଡକ୍ୟୁମେଣ୍ଟ ଅନୁଯାୟୀ ଶକ୍ତି କପୁରଙ୍କ ବାସଭବନ ୮୮୧ ବର୍ଗଫୁଟ ଥିଲା।

ଜୁହୁ ହେଉଛି ପଶ୍ଚିମ ମୁମ୍ବାଇର ଉପାନ୍ତ ଅଞ୍ଚଳ, ଯେଉଁଠାରେ ଅମିତାଭ ବଚ୍ଚନ, ବରୁଣ ଧାୱନ, ଅଜୟ ଦେବଗନ, ଶାହୀଦ କପୁର, କାର୍ତ୍ତିକ ଆର୍ଯ୍ୟନଙ୍କ ଭଳି ବଲିଉଡ ଷ୍ଟାର୍ ରୁହନ୍ତି। ଏହା ବ୍ୟତୀତ ଜୁହୁ ଏହାର ସୁନ୍ଦର ବେଳାଭୂମି ଏବଂ ରେଷ୍ଟୁରାଣ୍ଟ ପାଇଁ ମଧ୍ୟ ବହୁତ ପ୍ରସିଦ୍ଧ। ଏଠାରେ ଅନ୍ଧେରି ଏବଂ ବାନ୍ଦ୍ରା ପରି ବ୍ୟବସାୟ ହବ୍ ଅଳ୍ପ ଦୂରରେ ରହିଛି।

ଅଧିକ ପଢ଼ନ୍ତୁ: କାହିଁକି ଅଲଗା ରହୁଛନ୍ତି ଗୋବିନ୍ଦା-ସୁନୀତା ? ଅସଲ କାରଣ କହିଲେ ପତ୍ନୀ