LIVE TV
ବ୍ରିଟେନ୍ ଭିସା ବାତିଲକୁ ନେଇ ସଞ୍ଜୟ ଦତ୍ତ ପ୍ରତିକ୍ରିୟା ଦେଇଛନ୍ତି। ଭିସା ବାତିଲ୍ ହେବା ପରେ ତାଙ୍କୁ ଅଜୟ ଦେବଗନଙ୍କ ଆଗାମୀ ଫିଲ୍ମ 'ସନ୍ ଅଫ୍ ସର୍ଦ୍ଦାର ୨' ହରାଇବାକୁ ପଡିଛି। ଏହାକୁ ନେଇ ଏବେ ଯେଉଁ ନୂଆ ରିପୋର୍ଟ ସାମ୍ନାକୁ ଆସିଛି ତାହା ଖୁବ ଚକିତ କରିଦେବା ଭଳି।
ସଞ୍ଜୟ ଦତ୍ତ ପ୍ରଥମ ଥର ପାଇଁ ତାଙ୍କ ଭିସା ବାତିଲ ହେବା ବିଷୟରେ କହିଛନ୍ତି। ନିଜର ଅସନ୍ତୋଷ ବ୍ୟକ୍ତ କରି ସେ କହିଛନ୍ତି ଯେ କେହି ଏହା କିପରି କରିପାରିବ? ସେ କହିଛନ୍ତି ଯେ ଆଇନର ସମସ୍ତ ନିୟମ ଏବଂ ଆଦେଶ ପାଳନ କରିଥିଲେ ମଧ୍ୟ ତାଙ୍କ ଭିସା ବାତିଲ ହୋଇଛି।
Also Read
ଅଧିକ ପଢନ୍ତୁ : ବଲିଉଡ୍ରେ ଅସଫଳତା ପରେ ଚାଲିଗଲେ ବାଂଲାଦେଶ, ହୋଇଗଲେ ସୁପର୍ଷ୍ଟାର୍; ହେଲେ ପରେ…
ଭିସା ପ୍ରତ୍ୟାଖ୍ୟାନ ନେଇ ସଞ୍ଜୟଙ୍କ ପ୍ରତିକ୍ରିୟା:
ଟାଇମ୍ସ ଅଫ୍ ଇଣ୍ଡିଆରେ ପ୍ରକାଶିତ ଏକ ଖବର ଅନୁଯାୟୀ ସଞ୍ଜୟ ଦତ୍ତ ବ୍ରିଟେନ ଭିସା ପ୍ରତ୍ୟାଖ୍ୟାନ ହୋଇଥିବା ନେଇ ନିଜର ପ୍ରତିକ୍ରିୟା ଦେଇଛନ୍ତି। ସୁପରଷ୍ଟାର କହିଛନ୍ତି, “ବ୍ରିଟେନ କର୍ତ୍ତୃପକ୍ଷ ଯାହା କଲେ ତାହା ଠିକ୍ ନୁହେଁ। ପ୍ରଥମରୁ, ସେ ମୋତେ ଭିସା ଦେଇଥିଲେ ଏବଂ ସେତେବେଳେ ସବୁକିଛି ପେ’ କରାଯାଇଥିଲା। ସବୁକିଛି ଠିକ୍ଠାକ୍ ଥିଲା। କିନ୍ତୁ ଏକ ମାସ ପରେ, ସେମାନେ ମୋର ଭିସା ବାତିଲ କଲେ। ମୁଁ ତାଙ୍କୁ ସମସ୍ତ ଆବଶ୍ୟକୀୟ ଡକ୍ୟୁମେଣ୍ଟ୍ ଦେଇଥିଲି। ତେବେ ସେମାନେ ମୋତେ ପ୍ରଥମେ କାହିଁକି ଭିସା ଦେଲେ? ଏବଂ ସେମାନଙ୍କ ନିୟମକୁ ମନେପକେଇବା ପାଇଁ ତାଙ୍କୁ କାହିଁକି ଏକ ମାସ ସମୟ ଲାଗିଲା?”
ସଞ୍ଜୟ ଦତ୍ତ ପ୍ରକାଶ କରିଛନ୍ତି ଯେ ସେ ଏକ ମାସ ପୂର୍ବରୁ ତାଙ୍କ ଭିସା ଗ୍ରହଣ କରିଥିଲେ, ସେ ସମସ୍ତ ବୁକିଂ ମଧ୍ୟ କରିଥିଲେ, କିନ୍ତୁ ପରେ ଏହାକୁ କାହିଁକି ପ୍ରତ୍ୟାଖ୍ୟାନ କରାଯାଇଥିଲା। ଯେତେବେଳେ ସଞ୍ଜୟ ଦତ୍ତଙ୍କୁ ଫିଲ୍ମ 'ସନ୍ ଅଫ୍ ସର୍ଦ୍ଦାର ୨' ରେ ତାଙ୍କର ବିଶେଷ ଭୂମିକା ବିଷୟରେ ପଚରାଯାଇଥିଲା, ସେ କହିଥିଲେ ଯେ “ମୁଁ ଏହା ବିଷୟରେ ଜାଣି ନାହିଁ।”
ଅଧିକ ପଢନ୍ତୁ : Katrina Kaif: ଫିଲ୍ମ ଦୁନିଆ ଛାଡିଦେବେ କି କ୍ୟାଟ୍ରିନା କୈଫ୍; କହିଲେ ‘ଘରେ ରହି ପିଲାର ଲାଳନ ପାଳନ କରିବି’
ସେ ଆହୁରି ମଧ୍ୟ କହିଛନ୍ତି ଯେ “ମତେ ଲାଗୁ ନାହିଁ ଯେ ମୁଁ କିଛି ମିସ୍ କରିଛି ବୋଲି। ତଥାପି, ସେମାନେ (ବ୍ରିଟେନର ଅଧିକାରୀ) ଯାହା କରିଛନ୍ତି ତାହା ଭୁଲ ଅଟେ। ମୁଁ ଜଣେ ଆଇନ ପାଳନ କରୁଥିବା ନାଗରିକ ଏବଂ ମୁଁ ପ୍ରତ୍ୟେକ ଦେଶର ନିୟମକୁ ସମ୍ମାନ କରେ। ତଥାପି ମୁଁ ବୁଝିପାରୁ ନାହିଁ ଏହା କାହିଁକି ହେଲା?”
କାହିଁକି ହେଲା ଭିସା ବାତିଲ:
ତେବେ ସଞ୍ଜୟ ଦତ୍ତଙ୍କ ଭିସା ବାତିଲ ହେବାର କାରଣ ବହୁ ପୁରୁଣା। ଏହି ମାମଲା ଏକ ୩୧ ବର୍ଷ ପୁରୁଣା ମାମଲା ସହିତ ଜଡିତ। ଏପ୍ରିଲ୍ ୧୯୯୩ରେ ସଞ୍ଜୟଙ୍କୁ TADA ଏବଂ ଆର୍ମସ୍ ଆକ୍ଟ ଅନୁଯାୟୀ ଗିରଫ କରାଯାଇଥିଲା। ପରେ ୧୯୯୩ ବମ୍ବେ ବିସ୍ଫୋରଣରେ ଅନ୍ୟ ଅଭିଯୁକ୍ତଙ୍କଠାରୁ କିଣାଯାଇଥିବା ବେଆଇନ ଅସ୍ତ୍ରଶସ୍ତ୍ର ରଖିବା ପାଇଁ ସେ ଆର୍ମସ୍ ଆକ୍ଟ ଉଲ୍ଲଂଘନ କରି ଦୋଷୀ ସାବ୍ୟସ୍ତ ହୋଇଥିଲେ।
ସେତେବେଳେ ତାଙ୍କୁ ୫ ବର୍ଷ କାରାଦଣ୍ଡରେ ଦଣ୍ଡିତ କରାଯାଇଥିଲା। ମାର୍ଚ୍ଚ ୨୦୧୩ରେ, ସୁପ୍ରିମକୋର୍ଟ ତାଙ୍କର ପାଞ୍ଚ ବର୍ଷର ଦଣ୍ଡାଦେଶ ଶୁଣାଇଥିଲେ ଏବଂ ଅନେକ ଥର ଜାମିନ ପାଇବା ପରେ ସେ ୨୦୧୬ରେ ଜେଲ ଦଣ୍ଡ ଶେଷ କରିଥିଲେ। ଏହି ସମୟ ମଧ୍ୟରେ ସଞ୍ଜୟ ଦତ୍ତଙ୍କ ଉପରେ ମଧ୍ୟ କୌଣସି ସ୍ଥାନକୁ ଯିବାକୁ ବାରଣ କରାଯାଇଥିଲା। ତାଙ୍କର ଭିସା ଏଠାରୁ ବାତିଲ କରାଯାଇଥିଲା, ଯେଉଁଥିପାଇଁ ସଞ୍ଜୟ ଦତ୍ତ ପରେ ବ୍ରିଟେନ୍ ଭିସା ପାଇଁ ଅନେକ ଥର ଆବେଦନ କରିଛନ୍ତି।
