ଭାଇରାଲ୍ ହେଲା ସଲମାନ-ଐଶ୍ୱର୍ଯ୍ୟାଙ୍କ ପୁରୁଣା ଭିଡିଓ; ଆପଣ ବି କହିବେ ପ୍ରକୃତ ପ୍ରେମୀ

ଯଦି ବଲିଉଡର ଚର୍ଚ୍ଚିତ ପ୍ରେମ କାହାଣୀ ଉପରେ କଥା ଉଠେ, ତେବେ ସଲମାନ ଖାନ ଏବଂ ଐଶ୍ୱର୍ଯ୍ୟା ରାୟଙ୍କ ପ୍ରେମ କାହାଣୀ ବାଦ ପଡିବ ନାହିଁ। ଗୋଟିଏ ସମୟରେ ଏହି ଦୁଇ ଷ୍ଟାର୍ ବଲିଉଡର ସବୁଠାରୁ ହିଟ୍ ଯୋଡି ଥିଲେ। ଫିଲ୍ମ 'ହମ୍‌ ଦିଲ୍‌ ଦେ ଚୁକେ ସନମ୍‌'ର ସୁଟିଂ ସମୟରେ ଉଭୟଙ୍କ ମଧ୍ୟରେ ଘନିଷ୍ଠତା ବଢିଥିଲା।

ଏହି ଚଳଚ୍ଚିତ୍ର ପରେ ଦୁହେଁ ପରସ୍ପରଙ୍କୁ ଡେଟ୍ କରିବା ଆରମ୍ଭ କରିଥିଲେ। ଉଭୟଙ୍କ ଯୋଡିକୁ ପ୍ରଶଂସକମାନେ ମଧ୍ୟ ବହୁତ ପସନ୍ଦ କରିଥିଲେ, କିନ୍ତୁ ଏହି ସମ୍ପର୍କ ଅଧିକ ଦିନ ରହିପାରିଲା ନାହିଁ। ଐଶ୍ୱର୍ଯ୍ୟାଙ୍କୁ ସଲମାନ ଖାନ ମରାପିଟା କରିବାର ଅଭିଯୋଗ କରିଥିଲେ ନାୟିକା। ପରେ ଐଶ୍ୱର୍ଯ୍ୟା ବଚ୍ଚନ ପରିବାରର ବୋହୂ ହୋଇଥିଲେ ମଧ୍ୟ ସଲମାନ ଆଜିଯାଏ ବାଡୁଅ ଅଛନ୍ତି।

ବର୍ତ୍ତମାନ ସଲମାନ ଖାନ ଏବଂ ଐଶ୍ୱର୍ଯ୍ୟା ରାୟଙ୍କ ଏକ ପୁରୁଣା ଭିଡିଓ ସୋସିଆଲ ମିଡିଆରେ ଭାଇରାଲ୍‌ ହେଉଛି। ଏହି ଭିଡିଓରେ, ଉଭୟ ଏକ କାର୍ଯ୍ୟରେ ଷ୍ଟେଜ୍ ପରଫର୍‌ମାନ୍ସ କରୁଥିବା ଦେଖାଯାଉଛନ୍ତି। ଏହି ଭିଡିଓରେ ସେମାନଙ୍କ ଭିତରେ ଥିବା ଭଲପାଇବା ସ୍ପଷ୍ଟ ବାରିହୋଇ ପଡୁଛି।

ଏହି ଭିଡିଓରେ ଆପଣ ସଲମାନ ଏବଂ ଐଶ୍ୱର୍ଯ୍ୟାଙ୍କୁ ସେମାନଙ୍କ ସୁପରହିଟ୍ ଫିଲ୍ମ ‘ହମ୍ ଦିଲ୍ ଦେ ଚୁକେ ସନମ’ର ଗୀତରେ ପ୍ରଦର୍ଶନ କରୁଥିବା ଦେଖିପାରିବେ। ଏହି ଭିଡିଓରେ ଉଭୟ ଜବରଦସ୍ତ ଏନର୍ଜି ସହିତ ପ୍ରଦର୍ଶନ କରୁଥିବା ଦେଖିବାକୁ ମିଳେ। କେବଳ ଏତିକି ନୁହେଁ, ଉଭୟଙ୍କ ମଧ୍ୟରେ ଚମତ୍କାର କେମେଷ୍ଟ୍ରୀ ମଧ୍ୟ ଦେଖାଯାଏ।

ଏହି ଭିଡିଓରେ ଲୋକଙ୍କ ଜବରଦସ୍ତ ପ୍ରତିକ୍ରିୟା ମଧ୍ୟ ଦେଖିବାକୁ ମିଳେ। ଭିଡିଓ ଉପରେ ମତ ଦେଇ ଜଣେ ଲେଖିଛନ୍ତି, “ଯଦି ସଲମାନ ଐଶ୍ୱର୍ଯ୍ୟାଙ୍କୁ ବିବାହ କରିଥାନ୍ତେ, ତେବେ ସେମାନେ ସର୍ବୋତ୍ତମ ଦମ୍ପତି ହୋଇଥାନ୍ତେ।” ସେହିପରି ଆଉ ଜଣେ ଲେଖିଛନ୍ତି, “ଏହି ଦୁଇଜଣଙ୍କ ମଧ୍ୟରେ ନିଶ୍ଚିତ କିଛି ଅଲଗା ଅଛି, ସେମାନେ ବିବାହ କରିବା ଉଚିତ”। ଏହି ସମୟରେ, ଆଉ ଜଣେ ଲେଖିଛନ୍ତି, “ପ୍ରକୃତ ପ୍ରେମୀଙ୍କର କେବେ ମିଳନ ହୁଏ ନାହିଁ। ଏହା ହେଉଛି ସତ୍ୟ।”