LIVE TV
ଭାରତୀୟ ସିନେମା କ୍ଷେତ୍ରରେ ବର୍ତ୍ତମାନ ବଲିଉଡ୍ ଓ ସାଉଥ୍ ସିନେମାକୁ ନେଇ ଲଢେଇ ଜୋର ଧରିବାରେ ଲାଗିଛି। କିଛି ଦିନ ଧରି ସାଉଥ୍ ଫିଲ୍ମ ବକ୍ସ ଅଫିସ୍ରେ ହଇଚଇ ଖେଳଉଥିବା ବେଳେ ବଲିଉଡ୍ ଫିଲ୍ମ ଉଠିପାରୁନି। ଏନେଇ ଲୋକେ କହୁଛନ୍ତି ଯେ ସାଉଥ୍ ସିନେମା ବଲିଉଡ୍ଠାରୁ ବହୁ ଗୁଣାରେ ଉପରକୁ ଉଠିଗଲାଣି। ଏହି ମାମଲାରେ କଳାକାରମାନଙ୍କ ମଧ୍ୟରେ ମଧ୍ୟ ବାକ୍ ଯୁଦ୍ଧ ଦେଖିବାକୁ ମିଳୁଛି। କିଚ୍ଚା ସୁଦୀପଙ୍କ ଠାରୁ ଆରମ୍ଭ ହୋଇଥିବା ଏହି ବିବାଦରେ ଅଜୟ ଦେବଗନ, ସଲମାନ ଖାନ୍, ମହେଶ ବାବୁ, ଅକ୍ଷୟ କୁମାର ପ୍ରମୁଖ ସାମିଲ ଅଛନ୍ତି। ଏହି ବିବାଦରେ ଏବେ ରୋହିତ ଶେଟ୍ଟୀ ନିଜର ପ୍ରତିକ୍ରିୟା ଦେଇଛନ୍ତି।
ନିକଟରେ ରୋହିତ ଶେଟ୍ଟୀ ଏକ କାର୍ଯ୍ୟକ୍ରମରେ ଯୋଗ ଦେଇଥିଲେ। ଏହି ସମୟରେ ନିର୍ଦ୍ଦେଶକଙ୍କୁ ବଲିଉଡ୍ ଓ ସାଉଥ୍ ସିନେମା ଉପରେ ପଚରାଯାଇଥିଲା। ବଲିଉଡ୍ କେବେ ବି ଶେଷ ହେବ ନାହିଁ ବୋଲି ରୋହିତ ଶେଟ୍ଟୀ ଉତ୍ତରରେ କହିଛନ୍ତି। ସେ କହିଛନ୍ତି ଯେ “ଆପଣ ଯଦି ଇତିହାସକୁ ଦେଖିବେ... ୫୦ ଓ ୬୦ ଦଶକରେ 'ପ୍ୟାର୍ କିଏ ଜା' ଆସିଥିଲା। ଏହା ଏକ ରିମେକ୍ ଥିଲା। ଏହି ଫିଲ୍ମରେ ଶଶି କପୁରଙ୍କୁ ଦେଖିବାକୁ ମିଳିଥିଲା। ସେତେବେଳେ ଅମିତାଭ ବଚ୍ଚନ ଏବଂ ବିନୋଦ ଖାନ୍ନାଙ୍କ କ୍ୟାରିୟର ୮୦ ଦଶକର ଶୀର୍ଷରେ ଥିଲା, ସେତେବେଳେ ଏକ ବାଳକ ଆସିଥିଲା।”
ରୋହିତ ଶେଟ୍ଟୀ ଆହୁରି କହିଛନ୍ତି ଯେ “କମଲ ହାସନ 'ଏକ ଦୁଜେ' ଫିଲ୍ମର ଏକ ଅଂଶ ଥିଲେ, ଯାହା ହିଟ୍ ହୋଇଥିଲା। ଆମର ଏଥି ମଧ୍ୟ ୮୦ ଦଶକର ଦୁଇ ଜଣ ସୁପରଷ୍ଟାର୍ ଜୟା ପ୍ରଦା ଏବଂ ଶ୍ରୀଦେବୀ ଥିଲେ ଯେଉଁମାନେ ସାଉଥ୍ର ଥିଲେ। ଜିତେନ୍ଦ୍ରଙ୍କ ଯୁଗରେ 'ହିମତୱାଲା' ଠାରୁ 'ଜଷ୍ଟିସ୍ ଚୌଧରୀ' ଏବଂ 'ମୱାଲି' ପର୍ଯ୍ୟନ୍ତ ଏହିସବୁ ଫିଲ୍ମ ସାଉଥ୍ର ରିମେକ୍ ଥିଲା। ମଣିରତ୍ନମଙ୍କ ଦ୍ୱାରା 'ରୋଜା' ନିର୍ଦ୍ଦେଶିତ ଦେବା ପରେ ଏହି ଧାରା ବଦଳିଯାଇଥିଲା। ଆମର ପ୍ରସିଦ୍ଧ ସଂଗୀତ ନିର୍ଦ୍ଦେଶକ ଏ. ଆର୍. ରହମାନ ମଧ୍ୟ ସାଉଥ୍ରୁ ଆସିଛନ୍ତି।
ରୋହିତ ଶେଟ୍ଟୀ ବଲିଉଡ୍କୁ ନେଇ କହିଛନ୍ତି ଯେ ଯେତେବେଳେ ୮୦ ଦଶକରେ ଭିସିଆର୍ ଆସିଲା, ସେତେବେଳେ ସମସ୍ତେ କହୁଥିଲେ ଯେ ବଲିଉଡ୍ ଏବଂ ଥିଏଟର ଯୁଗ ସରିଯିବ। ଯେତେବେଳେ OTT ଆସିଲା ସେତେବେଳେ ବି ଲୋକେ କହିଲେ ବଲିଉଡ୍ର ଶେଷ ସମୟ ଆସିଗଲା। ମୁଁ ଭାବେ ଯେ 'ବଲିଉଡ୍ ସମାପ୍ତି'ର ଚିନ୍ତାଧାରା ଏକ ନିଶା ସେବନ ଭଳି, କିନ୍ତୁ ପ୍ରକୃତରେ ବଲିଉଡ୍ର କଦାପି ଶେଷ ହେବ ନାହିଁ।
ୱାର୍କ ଫ୍ରଣ୍ଟ୍ କଥା କହିଲେ, ରୋହିତ ଶେଟ୍ଟୀଙ୍କ ନିର୍ଦ୍ଦେଶିତ ଶେଷ ଫିଲ୍ମ ହେଉଛି 'ସୂର୍ଯ୍ୟବଂଶୀ' ଏବଂ ବର୍ତ୍ତମାନ ସେ 'ସର୍କସ'ର ସୁଟିଂରେ ବ୍ୟସ୍ତ ଅଛନ୍ତି। ରଣବୀର ସିଂଙ୍କ ସହ ପୂଜା ହେଗ୍ଡେ ଏବଂ ଜ୍ୟାକଲିନ ମଧ୍ୟ ଏହି ଫିଲ୍ମରେ ନଜର ଆସିବେ। ଏହା ବ୍ୟତୀତ ରୋହିତ ଶେଟ୍ଟୀ ତାଙ୍କର OTT ଡେବ୍ୟୁ ଘୋଷଣା କରିଛନ୍ତି। ସେ ଖୁବ୍ ଶୀଘ୍ର ‘ଇଣ୍ଡିଆନ୍ ପୋଲିସ୍ ଫୋର୍ସ’ ନାମକ ଏକ ୱେବ୍ ସିରିଜ୍ ଆଣିବାକୁ ଯାଉଛନ୍ତି, ଯେଉଁଥିରେ ସିଦ୍ଧାର୍ଥ ମଲହୋତ୍ରା ଏବଂ ଶିଳ୍ପା ଶେଟ୍ଟୀ ନଜର ଆସିବେ।
