/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)
/odishatv-khabar/media/member_avatars/uploadimage/library/16_9/16_9_1/IMAGE_1626676223.jpg )
/odishatv-khabar/media/post_attachments/uploadimage/library/16_9/16_9_0/IMAGE_1727083009.jpg)
Riya singha won miss india universe 2024 title
ମିସ୍ ୟୁନିଭର୍ସ ଇଣ୍ଡିଆ ୨୦୨୪ର ଗ୍ରାଣ୍ଡ ଫାଇନାଲ୍ ରାଜସ୍ଥାନର ଜୟପୁରରେ ଅନୁଷ୍ଠିତ ହୋଇଯାଇଛି। ଏହି ପ୍ରତିଯୋଗିତାରେ ନିର୍ଦ୍ଦେଶକ ନିଖିଲ ଆନନ୍ଦ, ଉର୍ବଶୀ ରୌତେଲା, ଭିଏତନାମ ଷ୍ଟାର୍ ଗୁୟେନ୍ କୁଇନ୍, ଫ୍ୟାଶନ୍ ଫଟୋଗ୍ରାଫର ରିୟାନ୍ ଫର୍ଣ୍ଣାଣ୍ଡିସ୍ ଏବଂ ବ୍ୟବସାୟୀ ରାଜୀବ ଶ୍ରୀବାସ୍ତବ ବିଚାରପତି ଭାବେ ସାମିଲ ହୋଇଥିଲେ।
ରିୟା ସିଙ୍ଘା ମିସ୍ ୟୁନିଭର୍ସ ଇଣ୍ଡିଆର ମୁକୁଟ ଜିତିଛନ୍ତି। ଏହି ପ୍ରତିଯୋଗିତାରେ ସମସ୍ତ ଅଂଶଗ୍ରହଣକାରୀଙ୍କୁ ପଛରେ ପକାଇ ସେ ଏହି ଟାଇଟଲ୍ ଜିତିଛନ୍ତି। ଏହି ପ୍ରତିଯୋଗିତାରେ ସେ ୫୧ ଜଣ ସୁନ୍ଦରୀଙ୍କୁ ପଛରେ ପକାଇ ଦେଇଛନ୍ତି। ଉର୍ବଶୀଙ୍କ ସମେତ ଅନ୍ୟ ବିଚାରପତିମାନେ ତାଙ୍କ ବିଜୟକୁ ନେଇ ଶୁଭେଚ୍ଛା ଦେଇଛନ୍ତି ଆଉ ରିୟା ମଧ୍ୟ ବହୁତ ଖୁସି ଥିବା ଦେଖାଯାଇଛି।
ଅଧିକ ପଢ଼ନ୍ତୁ: ଏବେ ରିଲିଜ୍ ହେବନି ‘ପୁଷ୍ପା-୨’; ଜାଣନ୍ତୁ ପରଦାକୁ ଆସୁଛି କେବେ ?
ପ୍ରତିବର୍ଷ ଆୟୋଜିତ ଏହି ପ୍ରତିଯୋଗିତାରେ ଜିତିବା ପରେ ରିୟା ବର୍ତ୍ତମାନ ଆନ୍ତର୍ଜାତୀୟ ସ୍ତରରେ ଆୟୋଜିତ ହେବାକୁ ଥିବା ମିସ୍ ୟୁନିଭର୍ସ ପ୍ରତିଯୋଗିତାରେ ଭାରତର ପ୍ରତିନିଧିତ୍ୱ କରିବେ। ବଲିଉଡ୍ର ଜଣାଶୁଣା ଅଭିନେତ୍ରୀ ଉର୍ବଶୀ ରୌତେଲା ତାଙ୍କୁ ବିଜେତା ଭାବରେ ମୁକୁଟ ପିନ୍ଧାଇଛନ୍ତି। ୧୦ ବର୍ଷ ପୂର୍ବେ ସେ ମଧ୍ୟ ଏହି ଟାଇଟଲ୍ ଜିତିଥିଲେ। ଉର୍ବଶୀ ୨୦୧୫ରେ ମିସ୍ ୟୁନିଭର୍ସ ଇଣ୍ଡିଆର ମୁକୁଟ ଜିତିଥିଲେ।
ANI ସହିତ ବାର୍ତ୍ତାଳାପ ସମୟରେ ରିୟା କହିଛନ୍ତି ଯେ ସେ ନିଜକୁ ଏହି ଟାଇଟଲ୍ର ଯୋଗ୍ୟ ବୋଲି ଭାବନ୍ତି। ସେ କହିଛନ୍ତି ଯେ ଏହି ପ୍ରତିଯୋଗିତାରେ ଜିତିବା ପାଇଁ ସେ ବହୁତ ପରିଶ୍ରମ କରିଛନ୍ତି। ଏଥିସହ ସେ କହିଛନ୍ତି ଯେ ପୂର୍ବ ବିଜେତାମାନେ ତାଙ୍କୁ ଏହି ଟାଇଟଲ୍ ଜିତିବା ପାଇଁ ବହୁତ ପ୍ରେରଣା ମଧ୍ୟ ଦେଇଥିଲେ।
ଅହମ୍ମଦାବାଦ ନିବାସୀ ରିୟାଙ୍କୁ ବର୍ତ୍ତମାନ ମାତ୍ର ୧୯ ବର୍ଷ। ତାଙ୍କ ବାପାଙ୍କ ନାଁ ବ୍ରିଜେଶ ସିଙ୍ଘା ହୋଇଥିବା ବେଳେ ମାଆଙ୍କ ନାଁ ରୀତା ସିଙ୍ଘା, ଯିଏ ବ୍ୟବସାୟ ଜଗତରେ ଅଛନ୍ତି। ରିୟା GLS ବିଶ୍ୱବିଦ୍ୟାଳୟ ଗୁଜୁରାଟର ଆମ୍ବାସଡର ଏବଂ ଏହାର ଛାତ୍ର ମଧ୍ୟ। ସେ ବର୍ତ୍ତମାନ ମେକ୍ସିକୋରେ ଆୟୋଜିତ ହେବାକୁ ଥିବା ମିସ୍ ୟୁନିଭର୍ସ ୨୦୨୪ ପ୍ରତିଯୋଗିତାରେ ଭାରତର ପ୍ରତିନିଧିତ୍ୱ କରିବେ।
ଇନ୍ଷ୍ଟାଗ୍ରାମ୍ରେ ରିୟା ସବୁବେଳେ ସକ୍ରିୟ। ୪୬ ହଜାରରୁ ଅଧିକ ଲୋକ ତାଙ୍କୁ ଫଲୋ କରନ୍ତି। ସେ ତାଙ୍କର ଅନେକ ଫଟୋ ଏବଂ ରିଲ୍ ଇନ୍ଷ୍ଟାଗ୍ରାମ୍ରେ ପୋଷ୍ଟ କରିଛନ୍ତି, ଯାହାକୁ ବହୁ ସଂଖ୍ୟାରେ ଲୋକ ପସନ୍ଦ କରିଛନ୍ତି। ତାଙ୍କ ସୋସିଆଲ ମିଡିଆ ହ୍ୟାଣ୍ଡେଲରେ ଲେଖାଯାଇଥିବା ବାୟୋରେ ସେ ନିଜକୁ ଜଣେ ଅଭିନେତ୍ରୀ ଭାବରେ ବର୍ଣ୍ଣନା କରିଛନ୍ତି।
୨୦୨୦ ମସିହାରେ, ୧୬ ବର୍ଷ ବୟସରେ, ସେ ମଡେଲିଂ ଦୁନିଆରେ ପ୍ରବେଶ କରିଥିଲେ। ଏହା ବ୍ୟତୀତ ସେ ଡିଭା ମିସ୍ ଟିନ୍ ଗୁଜୁରାଟର ଟାଇଟଲ୍ ଜିତି ଅନେକ ହେଡଲାଇନ୍ ପ୍ରସ୍ତୁତ କରିଥିଲେ। ସେ ସ୍ପେନ୍ରେ ଆୟୋଜିତ ମିସ୍ ଟିନ୍ ୟୁନିଭର୍ସ ୨୦୨୩ରେ ଷଷ୍ଠ ସ୍ଥାନ ପାଇଥିଲେ।
A post shared by Miss Universe India (@missuniverseindiaorg)
/odishatv-khabar/media/media_files/2025/09/22/khabar-advertise-banner-2025-09-22-13-15-01.jpeg)