Neha Kakkar: ସାମ୍ନାକୁ ଆସିଲା ସତ; ୭୦୦ ଲୋକରେ ଗୀତ ଗାଇବାକୁ ମନା କରିଥିଲେ ନେହା କକ୍କର୍‌

ଗତ ମାସରେ ନେହା କକ୍କର ତାଙ୍କ ମେଲ୍‌ବର୍ଣ୍ଣ କନ୍‌ସର୍ଟକୁ ନେଇ ବହୁତ ବଡ ଖବରରେ ଥିଲେ। ନେହା ତାଙ୍କ କନ୍‌ସର୍ଟରେ ୨.୫ ଘଣ୍ଟା ବିଳମ୍ବରେ ପହଞ୍ଚିଥିଲେ ଏବଂ ପହଞ୍ଚିବା ମାତ୍ରେ ସେ ମଞ୍ଚ ଉପରେ କାନ୍ଦିବାକୁ ଲାଗିଲେ। ନେହା କହିଥିଲେ ଯେ ତାଙ୍କୁ ମେଲ୍‌ବର୍ଣ୍ଣ କନ୍‌ସର୍ଟର ଆୟୋଜକଙ୍କଠାରୁ ସମର୍ଥନ ମିଳି ନଥିଲା।

View this post on Instagram

A post shared by Neha Kakkar (@nehakakkar)

ଅଷ୍ଟ୍ରେଲିୟ ଇଭେଣ୍ଟ ପ୍ଲାନର ପେସ୍ ଡି ଏବଂ ବିକ୍ରମ ସିଂହ ରନ୍ଧାୱା ଏବେ ଆଗକୁ ଆସି ନେହା କକ୍କରଙ୍କ ଦାବିକୁ ମିଥ୍ୟା ବୋଲି କହିଛନ୍ତି।

ଏକ ସାକ୍ଷାତକାରରେ ରାପର୍ ଏବଂ ଇଭେଣ୍ଟ ହୋଷ୍ଟ୍‌ ପେସ୍ ଡି କହିଛନ୍ତି, “ମେଲବୋର୍ଣ୍ଣର ବିଟ୍ ପ୍ରଡକ୍ସନ୍ ନେହା କକ୍କରଙ୍କୁ କନ୍‌ସର୍ଟ ପାଇଁ ନିମନ୍ତ୍ରଣ କରିଥିଲା। ଏବେ ଯେତେବେଳେ ଉଭୟ ଟିମ ସାମ୍ନାକୁ ଆସି ଖୋଲାଖୋଲି କଥା ହେଉଛନ୍ତି, ତେବେ ଆମେ କାହିଁକି କରିପାରିବୁ ନାହିଁ? ଆମେ ସେଠାରେ ଥିଲୁ ଏବଂ ସବୁକିଛି ଦେଖିଛୁ।

ମୁଁ ଇଭେଣ୍ଟ୍ ଆୟୋଜକ ପ୍ରୀତ ପାବଲା ଭାଇଙ୍କ ସହ କଥା ହେଲି। ମୁଁ ତାଙ୍କୁ ସବୁକିଛି ପଚାରିଲି। ସେ ଜଣେ ବହୁତ ଭଲ ଏବଂ ସଚ୍ଚୋଟ ବ୍ୟକ୍ତି। ତା’ପରେ ମୁଁ ଜାଣିଲି ଯେ ସେ ଠିକ୍ ସମୟରେ ପହଞ୍ଚି ନଥିଲେ ଏବଂ ବିଳମ୍ବ କରୁଥିଲେ। ସେ ମୋତେ ବାରମ୍ବାର କହୁଥିଲେ ଯେ ‘ମୁଁ ଏବେ ଯିବି ନାହିଁ; ମୁଁ ଏହା କରିବି ନାହିଁ।”

ଅଧିକ ପଢ଼ନ୍ତୁ: ମଞ୍ଚକୁ ଯାଉ ଯାଉ ଲୋକେ କହିଲେ ଏମିତି; ଭୋ ଭୋ ହୋଇ କାନ୍ଦିଲେ ନେହା କକ୍କର

ନେହା ବିଳମ୍ବରେ ପହଞ୍ଚିଥିଲେ:

ବିକ୍ରମ ସିଂହ ରନ୍ଧାୱା ଏହି ଦାବିକୁ ସମର୍ଥନ କରି କହିଛନ୍ତି, “ଦର୍ଶକମାନେ ପ୍ରସ୍ତୁତ ଏବଂ ବହୁତ ଉତ୍ସାହିତ ଥିଲେ ଏବଂ ନେହା କକ୍କର ମଞ୍ଚକୁ ଆସିବା ନେଇ ଆଶାରେ ଥିଲେ। କିନ୍ତୁ ସେ ରାତି ୧୦ଟା ସୁଦ୍ଧା ମଞ୍ଚ ଉପକୁ ଆସି ନଥିଲେ।

ନେହା କକ୍କରଙ୍କ କନ୍‌ସର୍ଟ ସନ୍ଧ୍ୟା ୭:୩୦ରେ ଆରମ୍ଭ ହେବାର ଥିଲା, କିନ୍ତୁ ସେ ନିର୍ଦ୍ଧାରିତ ସମୟର ଅଢ଼େଇ ଘଣ୍ଟା ବିଳମ୍ବରେ ପହଞ୍ଚିଥିଲେ। ତେଣୁ ଜନତା ବିରକ୍ତ ଏବଂ କ୍ରୋଧିତ ହୋଇଗଲେ। ଅଷ୍ଟ୍ରେଲିଆର ଲୋକମାନେ ସେମାନଙ୍କ ସମୟକୁ ମୂଲ୍ୟ ଦିଅନ୍ତି। ଲୋକମାନେ ସେମାନଙ୍କ ପରିବାର ସହିତ ବୁଝାମଣା କରି ଆସିଥିଲେ। କେତେକ ଲୋକ ୩୦୦ ଅଷ୍ଟ୍ରେଲିଆନ ଡଲାରରେ ଟିକେଟ୍ କିଣିଥିଲେ - ଯାହା ପ୍ରାୟ ୧୫,୦୦୦ରୁ ୧୬,୦୦୦ ଟଙ୍କା ସହିତ ସମାନ।

View this post on Instagram

A post shared by Neha Kakkar (@nehakakkar)

କାହିଁକି ହେଲା ବିଳମ୍ବ:

ପେସ୍ ଡି ଏହା ମଧ୍ୟ ପ୍ରକାଶ କରିଛନ୍ତି ଯେ ଆୟୋଜକମାନଙ୍କୁ କୁହାଯାଇଥିଲା ଯେ ନେହା ମାତ୍ର ୭୦୦ ଲୋକଙ୍କ ଭିଡ଼ ସମ୍ମୁଖରେ ପ୍ରଦର୍ଶନ କରିବେ ନାହିଁ। ସ୍ଥାନଟି ପୂର୍ଣ୍ଣ ନ ହେବା ପର୍ଯ୍ୟନ୍ତ ସେ ପ୍ରଦର୍ଶନ କରିବେ ନାହିଁ।

ଅନ୍ୟପକ୍ଷରେ ନେହା ଆୟୋଜକଙ୍କ ଉପରେ ଟଙ୍କା ନ ଦେବା, ତାଙ୍କ ବ୍ୟାଣ୍ଡ୍‌ ଟିମ୍‌ ପାଇଁ ଖାଦ୍ୟ, ହୋଟେଲ କିମ୍ବା ପାଣି ବ୍ୟବସ୍ଥା ନ କରିବା ଏବଂ ଶୋ ବିଷୟରେ ତାଙ୍କୁ ଜଣାଇବାରେ ବିଫଳ ହେବା ଅଭିଯୋଗ କରିଥିଲେ। ସେ ଦାବି କରିଥିଲେ ଯେ ଟଙ୍କା ନଦେବାରୁ ସାଉଣ୍ଡ ଚେକ୍‌ରେ ବିଳମ୍ବିତ ହୋଇଥିଲା।

ଏବେ ପେସ୍ ଡି ଏହି ଅଭିଯୋଗକୁ ଖଣ୍ଡନ କରିଛନ୍ତି ଏବଂ କହିଛନ୍ତି, “ଏହା ଏତେ ବଡ଼ ଶୋ' ଥିଲା, ପୂରା ଟେକ୍ ରାଇଡର୍ ପ୍ରସ୍ତୁତ ଥିଲେ। ଓପେନିଂ ଆକ୍ଟ ଥିଲା ଏବଂ ସମସ୍ତେ ପ୍ରଦର୍ଶନ କରିଥିଲେ। ତାଙ୍କର ମାଇକ୍ ଏବଂ ସମ୍ପୂର୍ଣ୍ଣ ସେଟ୍‌ଅପ୍ ସମ୍ପୂର୍ଣ୍ଣ ପ୍ରସ୍ତୁତ ଥିଲା। ତେଣୁ ସେ ଯାହା କହୁଛନ୍ତି ତାହା ସତ ମନେ ହେଉନାହିଁ କାରଣ ଆମେ ନିଜ ଆଖିରେ ଦେଖିଛୁ ଯେ ସବୁକିଛି ଠିକ୍ ଭାବରେ ସେଟ୍‌ଅପ୍ କରାଯାଇଥିଲା।”

ଅଧିକ ପଢ଼ନ୍ତୁ:ସୀମା ହାଇଦରଙ୍କୁ ପାକିସ୍ତାନ ପଠାଯିବା ଉଚିତ ନୁହେଁ, ସେ ଏବେ ଭାରତର ବୋହୂ: ରାଖୀ ସାୱନ୍ତ