ସୋସିଆଲ୍ ମିଡିଆରେ ରାନୀ ମୁଖାର୍ଜୀଙ୍କୁ ଝାଡିଲେ ଲୋକେ; ଜାଣନ୍ତୁ କାହିଁକି

ନିକଟରେ ରାନୀ ମୁଖାର୍ଜୀ ଆଇପିଏସ୍ ଅଧିକାରୀ ମନୋଜ କୁମାର ଶର୍ମାଙ୍କ ଜୀବନୀ ଉପରେ ଆଧାରିତ ବିକ୍ରାନ୍ତ ମୈସୀ-ଷ୍ଟାରର ‘ଦ୍ୱାଦଶ ଫେଲ୍’ର ଉଦାହରଣ ଦେଇ ଭାରତ 'ଦୁନିଆର ସର୍ବୋତ୍ତମ ଚଳଚ୍ଚିତ୍ର ନିର୍ମାଣ କରେ' ବୋଲି କହିଛନ୍ତି।

ନିକଟରେ ଏକ ଏକ ରାଉଣ୍ଡ ଟେବୁଲ୍ ଆଲୋଚନା ବେଳେ ରାନୀ ଚଳଚ୍ଚିତ୍ର ନିର୍ମାତା ପୃଥ୍ୱୀ କୋନାନୁରଙ୍କ ଏକ ବିବୃତ୍ତିର ପ୍ରତିକ୍ରିୟା ଦେଇ କହିଛନ୍ତି ଯେ ଭାରତ 'ଦୁନିଆର ସର୍ବୋତ୍ତମ ଚଳଚ୍ଚିତ୍ର ନିର୍ମାଣ କରେ'। ଇରାନ ସିନେମା ଭାରତୀୟ ଚଳଚ୍ଚିତ୍ର ଅପେକ୍ଷା ଭଲ। ରାଣୀଙ୍କ ପ୍ରତିକ୍ରିୟାରେ ସେ X ରେ ସମାଲୋଚନାର ସମ୍ମୁଖୀନ ହୋଇଛନ୍ତି।

ପୃଥ୍ୱୀ କୋନାନୁରଙ୍କ ମତ:

ରାନୀ ମୁଖାର୍ଜୀ ହସ୍ତକ୍ଷେପ କରିବା ପୂର୍ବରୁ ପୃଥ୍ୱୀ କୋନାନୁର କହିଥିଲେ, "ମୁଁ ଲୋକମାନଙ୍କୁ ଇରାନ ଚଳଚ୍ଚିତ୍ର ଦେଖିବା ପାଇଁ କହୁଛି। ସେସବୁ ଦେଖନ୍ତୁ। ଆପଣ ଆମର ଚଳଚ୍ଚିତ୍ର ଏବଂ ସେମାନଙ୍କ ଚଳଚ୍ଚିତ୍ର ମଧ୍ୟରେ ଏକ ବଡ଼ ପାର୍ଥକ୍ୟ ଦେଖିପାରିବେ। ମୁଁ ଭାବୁଛି ଆମେ କୌଣସି ନା କୌଣସି କାରଣରୁ ପ୍ରକୃତରେ ଇରାନ ସିନେମାଠାରୁ ବହୁ ପଛରେ ଅଛୁ। ଏହା ଏକ ସଚ୍ଚୋଟ ମତ। ମୁଁ ଲୋକମାନଙ୍କୁ ଅନୁରୋଧ କରୁଛି ଯେ ଇରାନୀ ଚଳଚ୍ଚିତ୍ର ଦେଖନ୍ତୁ ଏବଂ ଜାଣନ୍ତୁ ସେମାନେ ବିଚାର ଦୃଷ୍ଟିରୁ କେତେ ଉନ୍ନତ, ହୁଏତ ଟେକ୍ନିକାଲ୍ ଦୃଷ୍ଟିରୁ ନୁହେଁ, କିନ୍ତୁ ବିଚାର ଦୃଷ୍ଟିରୁ ସେମାନେ ବହୁ ଆଗରେ।”

India makes the best films in the world - Rani Mukerji

Do you agree? pic.twitter.com/nxsl6nJfBI

— No Name (@__NameNo__) January 7, 2024

ରାନୀ ମୁଖାର୍ଜୀଙ୍କ କାଉଣ୍ଟର ଜବାବ:

ମୁଁ ଏଠାରେ ଏନେଇ କିଛି କହିବାକୁ ଚାହେଁ, ଯେହେତୁ ସେ କହନ୍ତି ଯେ ଆମେ ଅନ୍ୟ ଲୋକଙ୍କ ସିନେମାରୁ ଶିଖିବା ଉଚିତ। ମୁଁ ବିଶ୍ୱାସ କରେ ଯେ ଭାରତୀୟ ସିନେମା ଦୁନିଆରେ ସର୍ବୋତ୍ତମ, ତେଣୁ ମୁଁ ଏଥିରେ ସହମତ ନୁହେଁ। ମୁଁ ପ୍ରକୃତରେ ଦୁଃଖିତ ଯେ ଯଦି ଆପଣ ସେ ସବୁ ଚଳଚ୍ଚିତ୍ର ବିଷୟରେ କହିବାକୁ ଚାହାଁନ୍ତି, ମୁଁ ଭାବୁଛି ଆପଣ ନିଶ୍ଚିତ ଭାବରେ ‘ଦ୍ୱାଦଶ ଫେଲ୍’ ଦେଖିବା ଉଚିତ।

ଏହ ବିଦୁ ବିନୋଦ ଚୋପ୍ରାଙ୍କ ଦ୍ୱାରା ନିର୍ମିତ ଏକ ଦମଦାର ଚଳଚ୍ଚିତ୍ର ଏବଂ ଏହା ଭାରତ ବିଷୟରେ କହିଛି... ସବୁକିଛି ଅତି ଚମତ୍କାର ଭାବରେ ପ୍ରଦର୍ଶିତ ହୋଇଛି... ମୁଁ ଭାବୁଛି ଆମେ ଭାରତରେ ସବୁଠାରୁ ବିବିଧ ଚଳଚ୍ଚିତ୍ର ନିର୍ମାଣ କରୁ। ଯେତେବେଳେ ଆପଣ ଭାରତ ବାହାରର ଚଳଚ୍ଚିତ୍ର ବିଷୟରେ କହୁଛନ୍ତି, ତେବେ ସେଥିରେ ଭାରତ ପରି ବିବିଧତା ନାହିଁ।

ମୁଁ ବିଶ୍ୱାସ କରେ ଯେ ଭାରତୀୟ ସିନେମାରେ ଦେବା ଭଳି ବହୁତ କିଛି ଅଛି ଏବଂ ଏହା ବାସ୍ତବରେ ଦୁନିଆର ସର୍ବୋତ୍ତମ... ମୁଁ ଭାରତୀୟ ସିନେମାକୁ ଦୁନିଆର ଅନ୍ୟ ସିନେମା ସହିତ ତୁଳନା କରିବାକୁ ଚାହେଁ ନାହିଁ କାରଣ ଆମ ପାଖରେ ସବୁଠାରୁ ସତ ଓ ମାଟିର କାହାଣୀ ଅଛି।”

ରାନୀଙ୍କ ବିବୃତ୍ତି ଉପରେ ପ୍ରତିକ୍ରିୟା:

ଜଣେ X ବ୍ୟବହାରକାରୀ ଟ୍ୱିଟ୍ କରିଛନ୍ତି, ଅନେକ ଇରାନ ଚଳଚ୍ଚିତ୍ର ଦେଖି ନାହାଁନ୍ତି, କିନ୍ତୁ ମୁଁ ନିଶ୍ଚିତ ଯେ କୌଣସି ପ୍ରଶଂସିତ ଚଳଚ୍ଚିତ୍ରରେ ନାୟକକୁ ପୁରା ସମୟ ଧୂସର ଚେହେରାରେ ଦେଖା ଯାଇ ନାହିଁ, ଯେପରି ‘ଦ୍ୱାଦଶ ଫେଲ୍’ରେ ‘ଖରାପ’ ଭାବେ ଦେଖାଯାଇଛି।”

ଅନ୍ୟ ଜଣେ କହିଛନ୍ତି, "ଯେତେବେଳେ ଲୋକମାନେ ନିଜ ଦେଶ ବାହାରର ପର୍ଯ୍ୟାପ୍ତ ପରିମାଣର ଚଳଚ୍ଚିତ୍ର ଦେଖନ୍ତି ନାହିଁ, ସେତେବେଳେ ଏହା ଘଟେ। ରାନୀ ମୁଖାର୍ଜୀ କହୁଥିବା ଗୋଟିଏ ବି କଥାର କିଛି ମାନେ ନାହିଁ।" ଅନ୍ୟ ଜଣେ ଟୁଇଟ୍ କରି କହିଛନ୍ତି, "ଭାରତ ସର୍ବୋତ୍ତମ ଏବଂ ଆମେ ଭଲ ଚଳଚ୍ଚିତ୍ର ନିର୍ମାଣ କରୁ ଏହାର କିଛି ଅର୍ଥ ନାହିଁ। ଅନ୍ୟମାନେ ଆମ ବିଷୟରେ ଏହା କହିବା ଉଚିତ। ଏହା ଆଡମ୍ବରପୂର୍ଣ୍ଣ ମନେହୁଏ।"

lol the audacity of casually countering the argued brilliance of Iranian cinema with "12th fail" https://t.co/AvPABaYNoy

— Angshuman Choudhury (@angshuman_ch) January 8, 2024

ଆଉ ଜଣେ ଟୁଇଟ୍ କରି କହିଛନ୍ତି ଯେ ରାଉଣ୍ଡ ଟେବୁଲରୁ ରାନୀ ମୁଖାର୍ଜୀଙ୍କ ମତରେ ବାସ୍ତବ ହାସ୍ୟାସ୍ପଦ କଥା ହେଉଛି ଏହାର ମୁଖ୍ୟ ଉଦାହରଣ ହେଲେ ସତ୍ୟଜିତ୍ ରାୟ, ଯାହାଙ୍କ ପାଖରେ ଭାରତୀୟ ସିନେମାକୁ ଘୃଣା କରିବା ଛଡା ଆଉ କିଛି ନ ଥିଲା, ଯାହା ରାନୀ କରୁଛନ୍ତି।”

Rani Mukerji bulldozed her way in that discussion. Okay so if Indian films are the best in the world, has she at least seen the works of Rima Das and Prithvi Konanur?

— Aseem Chhabra (@chhabs) January 10, 2024

ରାନୀଙ୍କ ଯୁକ୍ତିକୁ ପ୍ରତିହତ କରି ଆଉ ଜଣେ ବ୍ୟକ୍ତି ଏହା ମଧ୍ୟ କହିଛନ୍ତି, "ଆମେ ସବୁ ପ୍ରକାର ଚଳଚ୍ଚିତ୍ର ନିର୍ମାଣ କରୁ, କିନ୍ତୁ ଏହାର ଅର୍ଥ ନୁହେଁ ଯେ ଆମେ ଦୁନିଆର ଶ୍ରେଷ୍ଠ ଅଟୁ। ଯଦି ରାନୀ ଯାହା କୁହନ୍ତି ତାହା ସତ, ତେବେ ଆମର ଚଳଚ୍ଚିତ୍ରକୁ ଆନ୍ତର୍ଜାତୀୟ ସ୍ତରକୁ ଆଣିବାକୁ ଏତେ ସଂଘର୍ଷ କରିବାକୁ କାହିଁକି ପଡୁଛି? ସର୍କିଟ ? ଆମର ଅଧିକାଂଶ ଚଳଚ୍ଚିତ୍ର ଶସ୍ତା ଏବଂ ସାଧାରଣ ଅଟେ।"