LIVE TV
ନିର୍ଦ୍ଦେଶକ ନୀତେଶ ତିୱାରୀଙ୍କ ଫିଲ୍ମ 'ରାମାୟଣ'କୁ ନେଇ ବହୁ ଚର୍ଚ୍ଚା ହେଡଲାଇନରେ ରହିଆସିଛି। ଏହି ଫିଲ୍ମରେ ରଣବୀର କପୁର ଏବଂ ସାଇ ପଲ୍ଲଭୀ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ। ଏହି ଫିଲ୍ମରେ ରଣବୀର ପ୍ରଭୁ ରାମ ଏବଂ ସାଇ ମାତା ସୀତା ଭୂମିକାରେ ନଜର ଆସିବେ।
ଫିଲ୍ମର ସେଟ୍ରୁ ଅନେକ କଳାକାରଙ୍କ ଫଟୋ ପ୍ରକାଶ ପାଇଥିବାବେଳେ ବର୍ତ୍ତମାନ ରଣବୀର ଏବଂ ସାଇଙ୍କ କିଛି ଫଟୋ ଭାଇରାଲ୍ ହେବାରେ ଲାଗିଛି। ଏହି ଫଟୋଗୁଡ଼ିକରେ ଉଭୟ ତାରକା ପ୍ରଭୁ ରାମ ଏବଂ ମାତା ସୀତାଙ୍କ ଭୂମିକାରେ ନଜର ଆସିଛନ୍ତି।
ଦର୍ଶକ ଉତ୍ସାହର ସହିତ ନୀତେଶ ତିୱାରୀଙ୍କ 'ରାମାୟଣ'କୁ ଅପେକ୍ଷା କରିଛନ୍ତି। ଦର୍ଶକମାନେ ଫିଲ୍ମ ସହିତ ଜଡିତ ପ୍ରତ୍ୟେକ ଅପଡେଟ୍ ଜାଣିବାକୁ ଆଗ୍ରହୀ। ରିପୋର୍ଟ ଅନୁଯାୟୀ ଫିଲ୍ମର ସୁଟିଂ ଆରମ୍ଭ ହୋଇଛି। ତେବେ କେଉଁଠାରେ ସୁଟିଂ ହେଉଛି ତାହା ଏପର୍ଯ୍ୟନ୍ତ କେହି ଜାଣି ନାହାଁନ୍ତି। ଏହାରି ଭିତରେ କିନ୍ତୁ ଫିଲ୍ମର ଅନେକ କଳାକାରଙ୍କ ଫଟୋ ପ୍ରକାଶ ପାଇଛି।
Also Read
Superstar RANBIR KAPOOR and SAI PALLAVI on the sets of RAMAYANA as RAM & SITA.
— Advait (@Advait_RK) April 27, 2024
Biggest Project of Indian Cinema🔥🔥🔥😍😍😍 pic.twitter.com/TsZ0fzNS8N
ଖବର ଅନୁଯାୟୀ ଲାରା ଦତ୍ତା ଏହି ଫିଲ୍ମରେ କୈକେୟୀ ଭୂମିକାରେ ନଜର ଆସିବେ। ବର୍ତ୍ତମାନ ଟିଭିର ରାମ, ଅରୁଣ ଗୋଭିଲ ଏହି ଫିଲ୍ମରେ ଦଶରଥ ଭୂମିକାରେ ଅଭିନୟ କରିବେ। ଉଭୟଙ୍କ ଫଟୋ ସୋସିଆଲ ମିଡିଆରେ ଖୁବ୍ ଭାଇରାଲ୍ ହୋଇଥିଲା।
@niteshtiwari22 sir please restrict mobiles on sets! Fans like us are viraling leaked pics of #Ramayana movie. Please take strict action against leaks🙏🏻 pic.twitter.com/m7X6d6DmM1
— K R I S H N A (@WakeupRanbir) April 4, 2024
ଦଶରଥ ଏବଂ କୈକେୟୀଙ୍କ ପରେ ଏବେ ଭଗବାନ ରାମ ଏବଂ ମାତା ସୀତାଙ୍କ ଫଟୋ ଭାଇରାଲ ହେବାରେ ଲାଗିଛି। ରଣବୀରଙ୍କ ରାମ ଅବତାର ଏବଂ ସାଇ ସୀତା ଭୂମିକାରେ ଖୁବ ସୁନ୍ଦର ଲାଗୁଛନ୍ତି। ତେବେ ବର୍ତ୍ତମାନ ଏହି ଫଟୋଗୁଡ଼ିକ ବିଷୟରେ କୌଣସି ସୂଚନା ପ୍ରକାଶ କରାଯାଇ ନାହିଁ।
ରଣବୀର କପୁର ଏବଂ ସାଇ ପଲ୍ଲଭୀଙ୍କ ଏହି ଫଟୋ ସୁଟିଂ ସମୟର କି ଲୁକ୍ ଟେଷ୍ଟ୍ ପାଇଁ ନିଆଯାଇଛି ତାହା ଜଣାପଡିନାହିଁ। ଉଭୟ କଳାକାରଙ୍କ ଏହି ଫଟୋ ସୋସିଆଲ ମିଡିଆରେ ବହୁତ ପସନ୍ଦ କରାଯାଉଛି। ଉଭୟଙ୍କ ସୌମ୍ୟତା ରାମ ଏବଂ ସୀତାଙ୍କ ଚରିତ୍ରରେ ଦୃଶ୍ୟମାନ ହେଉଛି।
