LIVE TV
ଗୁଜୁରାଟ ଜେଲରେ ଥିବା ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇ ସ୍ୱୀକାର କରିଛି ଯେ ଏନ୍ସିପି ନେତା ବାବା ସିଦ୍ଦିକିଙ୍କ ହତ୍ୟା ପାଇଁ ସେ ଦାୟୀ। ବଲିଉଡ୍ ସେଲିବ୍ରିଟିମାନଙ୍କ ସହ ବାବା ସିଦ୍ଦିକିଙ୍କର ଘନିଷ୍ଠ ସମ୍ପର୍କ ଥିଲା। ଏଥିସହ ସେ ସୁପର୍ଷ୍ଟାର୍ ସଲମାନ ଖାନଙ୍କ ସହ ଅତି ନିକଟତର ମଧ୍ୟ ଥିଲେ। ସିଦ୍ଦିକିଙ୍କ ହତ୍ୟା ପରେ ସଲମାନ ଖାନଙ୍କ ସୁରକ୍ଷାକୁ କଡାକଡି କରାଯାଇଛି।
ଏହାରି ଭିତରେ ଚଳଚ୍ଚିତ୍ର ନିର୍ମାତା ରାମ ଗୋପାଳ ବର୍ମା ଏକ ଚାଞ୍ଚଲ୍ୟକର ବୟାନ୍ ଦେଇଛନ୍ତି। ଏହି ଖବରରେ ଥିବା ଲରେନ୍ସଙ୍କ ବିଷୟରେ ସେ ଯାହା କହିଛନ୍ତି ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେବା ଭଳି। ସେ କହିଛନ୍ତି ଯେ ଫିଲ୍ମ ଷ୍ଟାର୍ଙ୍କ ଅପେକ୍ଷା ଲରେନ୍ସ ବିଷ୍ଣୋଇ ଅଧିକ ସୁନ୍ଦର ଲାଗୁଛନ୍ତି।
Also Read
ରାମ ଗୋପାଳ ବର୍ମା କହିଛନ୍ତି ଯେ ସେ ଜାଣିଥିବା ସବୁ ଫିଲ୍ମ ଷ୍ଟାର୍ଙ୍କ ଅପେକ୍ଷା ଲରେନ୍ସ ଭଲ ଦେଖାଯାଉଛନ୍ତି। ସେ X ରେ ଏଭଳି କହିଥିବା ବେଳେ ପ୍ରଶଂସକମାନେ ଏହା ଉପରେ ନିଜ ନିଜ ପ୍ରତିକ୍ରିୟା ପ୍ରକାଶ କରିଛନ୍ତି। ଅନେକ ସୋସିଆଲ ମିଡିଆ ବ୍ୟବହାରକାରୀ ନିର୍ଦ୍ଦେଶକଙ୍କୁ ଗ୍ୟାଙ୍ଗଷ୍ଟର ବାୟୋପିକ୍ରେ ସଲମାନ ଖାନଙ୍କୁ ଭିଲେନ ଭାବରେ ନେବାକୁ କହିଛନ୍ତି।
ରାମ ଗୋପାଳ ଭର୍ମା ସୋସିଆଲ ମିଡିଆ ପ୍ଲାଟଫର୍ମରେ ନିଜର ମତାମତ ଦେବାକୁ କେବେ ବି ପଛଘୁଞ୍ଚା ଦିଅନ୍ତି ନାହିଁ। ଏଥର ପ୍ରସିଦ୍ଧ ଚଳଚ୍ଚିତ୍ର ନିର୍ମାତା କହିଛନ୍ତି ଯେ ଯଦି ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇଙ୍କ ଉପରେ ବାୟୋପିକ୍ ତିଆରି ହୁଏ, ତେବେ ବିଷ୍ଣୋଇଙ୍କ ଅପେକ୍ଷା ଅଧିକ ଭଲ ଦେଖାଯାଉଥିବା ବଲିଉଡ୍ ଷ୍ଟାର୍ ମିଳିବେ ନାହିଁ।
If a film is based on the BIGGEST GANGSTER , no film maker will cast a guy who looks like DAWOOD IBRAHIM or CHOTA RAJAN ..But here , I don’t know a single FILM STAR who is more GOOD LOOKING than B pic.twitter.com/jbZubaTtzY
— Ram Gopal Varma (@RGVzoomin) October 15, 2024
ନିର୍ଦ୍ଦେଶକ X ରେ ନିଜର ଏହି ବିଚାରକୁ ଶେୟାର କରି ଗ୍ୟାଙ୍ଗଷ୍ଟରଙ୍କ ଏକ ଫଟୋ ପୋଷ୍ଟ କରିଛନ୍ତି। ଏଥିରେ ସେ ଗମ୍ଭୀର ଦେଖାଯାଥିବା ବେଳେ ଏକ କଳା ଏବଂ କମଳା ରଙ୍ଗର ହୁଡି ଜ୍ୟାକେଟ୍ ପିନ୍ଧିଥିବାର ଦେଖାଯାଆନ୍ତି।
ଜଣେ ବ୍ୟକ୍ତି ନିର୍ଦ୍ଦେଶକଙ୍କ ପୋଷ୍ଟ୍ ଉପରେ ଲେଖି କହିଛନ୍ତି, “ଆର୍ଜିଭି ନିର୍ଦ୍ଦେଶକ ଏବଂ ବିଷ୍ଣୋଇ ହେଉଛନ୍ତି ହିରୋ, ଏଠାରେ ଭିଲେନ୍ କିଏ... ସଲମାନ?” ଆଉ ଏକ ଟ୍ୱିଟ୍ରେ ଲେଖାଯାଇଛି, “ସଲମାନ ଖାନଙ୍କୁ ଲରେନ୍ସ ଭାବରେ କାଷ୍ଟିଂ କରିବା ସବୁଠାରୁ ବଡ ବିଡ଼ମ୍ବନା ହେବ।” ଅନ୍ୟ ଜଣେ ପ୍ରଶଂସକ ଲେଖିଛନ୍ତି, “କ’ଣ ହେଇଛି ସାର୍, ଫୋନ୍ ଆସିଗଲା କି ? ହଠାତ୍ ପ୍ରେମରେ ପଡିଗଲେ।”
I wish @BeingSalmanKhan will give a SUPER COUNTER THREAT to B or otherwise , it will look like a COWARDICE of the TIGER STAR ..S K owes it to his fans to rise up as the BIGGER SUPER HERO in comparison to B
— Ram Gopal Varma (@RGVzoomin) October 15, 2024
ରାମ ଗୋପାଳ ବର୍ମା ବିଷ୍ଣୋଇଙ୍କ ଲୁକ୍ ବିଷୟରେ ଟ୍ୱିଟ୍ କରିବାର କିଛି ମିନିଟ୍ ପରେ ସେ ଅନ୍ୟ ଏକ ଟ୍ୱିଟ୍ ଶେୟାର କରିଛନ୍ତି ଯେଉଁଠାରେ ସେ ସଲମାନ ଖାନଙ୍କୁ ଗ୍ୟାଙ୍ଗଷ୍ଟର୍କୁ 'ସୁପର କାଉଣ୍ଟର ଧମକ' ଦେବାକୁ ଅନୁରୋଧ କରିଛନ୍ତି। ସେ X ରେ ଲେଖିଛନ୍ତି, “ଖାସ୍ ସଲମାନ ଖାନ ବିଷ୍ଣୋଇଙ୍କୁ ଏକ ସୁପର କାଉଣ୍ଟର ଧମକ ଦିଅନ୍ତେ। ନ ହେଲେ ଏହା ଟାଇଗର ଷ୍ଟାରଙ୍କ ଭୀରୁପଣ ପରି ଲାଗିବ।”
୧୯୯୮ରେ ରାଜସ୍ଥାନରେ କୃଷ୍ଣକାୟ ହରିଣ ଶିକାର ମାମଲାରେ ଲରେନ୍ସ ସଲମାନଙ୍କୁ ଧମକ ଦେଇଥିଲେ। ସେ ବାରମ୍ବାର ସୁପରଷ୍ଟାରଙ୍କୁ ଖୋଲା ଧମକ ଦେଇଥିଲେ ଏବଂ ତାଙ୍କୁ ସର୍ବସାଧାରଣରେ କ୍ଷମା ମାଗିବାକୁ କହିଥିଲେ। କିନ୍ତୁ ତାଙ୍କ ଅନୁସାରେ କାମ ହୋଇନି।
