ପୁଣି ଫ୍ୟାନ୍ସଙ୍କ ହୃଦୟ ଜିତିଲେ ରାମଚରଣ, RRR ଫିଲ୍ମରେ କାମ କରିଥିବା ବ୍ୟକ୍ତିଙ୍କୁ ବାଣ୍ଟିଲେ ଗୋଲ୍ଡ କଏନ୍‌

ସୁପହିଟ୍ ତେଲଗୁ ଫିଲ୍ମ RRRକୁ ନେଇ ଏବା ସାରା ଦେଶରେ ଚର୍ଚ୍ଚା । ଏହି ସୁପର ହିଟ୍‌ ଆକ୍ସନ ଫିଲ୍ମ ପଛରେ ଅନେକ ଲୋକଙ୍କ ପରିଶ୍ରମ ରହିଛି । ଫିଲ୍ମର ଡାଇରେକ୍ଟର,ପ୍ରଡ୍ୟୁସର, ଆକ୍ଟରଙ୍କଠାରୁ ଆରମ୍ଭ କରି ପ୍ରଡୋକସନ୍ ହାଉସ ପର୍ଯ୍ୟନ୍ତ ସମସ୍ତେ ଏହି ଫିଲ୍ମ ନିର୍ମାଣରେ ଜି-ଜାନ୍‌ ଲଗାଇଦେଇଥିଲେ ।

ଏହାରି ମଧ୍ୟରେ ଫିଲ୍ମର ସୁପରଷ୍ଟାର ରାମ ଚରଣକୁ ନେଇ ଏକ ଖବର ସାମ୍ନାକୁ ଆସିଛି । ଲକ୍ଷ ଲକ୍ଷ ଦର୍ଶକଙ୍କ ହୃଦୟ ଜିତିଥିବା ରାମଚରଣ ଏବେ କିଛି ଏମିତି କରିଛନ୍ତି ଯାହା ହୁଏତ ଆପଣଙ୍କ ହୃଦୟକୁ ବି ଛୁଇଁପାରେ ।

RRRର ଫିଲ୍ମ ଏତେ ମାତ୍ରାର ସଫଳତା ପାଇଥିବାରୁ ଏହି ଖୁସିରେ ଫିଲ୍ମର ମୁଖ୍ୟ ଅଭିନେତା ରାମଚରଣ ଚଳଚିତ୍ରରେ କାମ କରିଥିବା ପ୍ରତ୍ୟେକଟି ବ୍ୟକ୍ତିଙ୍କୁ ୧୦ ଗ୍ରାମ ଓଜନର ସୁନା ଗୋଲ୍ଡ କଏନ୍‌ ଉପହାର ସାଦୃଶ୍ୟ ଦେଇଛନ୍ତି । ଫିଲ୍ମ ପ୍ରତି ସମସ୍ତଙ୍କ କଠିନ ପରିଶ୍ରମ ଓ ମନୋବଳ ପାଇଁ ଆଜି RRR ଏତେ ମାତ୍ରାରେ ସଫଳତା ପାଇପାରିଛି ବୋଲି କହିଛନ୍ତି ରାମଚରଣ ।

(ଗୋଲ୍ଡ କେନ୍‌ର ପଛ ପାର୍ଶ୍ୱ)

ଏହି ଗୋଲ୍ଡ କଏନ୍‌‌ର ଗୋଟିଏ ପାର୍ଶ୍ୱରେ ରାମଚରଣ ଓ ଅନ୍ୟ ଏକ ପାର୍ଶ୍ୱରେ RRR ଲେଖାହୋଇଛି ।

(ଗୋଲ୍ଡ କେନ୍‌ର ଆଗ ପାର୍ଶ୍ୱ)

ସୂଚନା ଅନୁସାରେ, ସୁପରଷ୍ଟାର ରାମଚରଣ ନିଜ ଘରକୁ ଯିବା ପୂର୍ବରୁ ଚଳଚିତ୍ରରେ କାମ କରିଥିବା ୩୫ ଜଣ ଟେକକ୍ନିସିଆନ୍‌‌ଙ୍କୁ ଗୋଲ୍ଡ କଏନ୍‌ ବାଣ୍ଟିଛନ୍ତି । ସମସ୍ତଙ୍କୁ ହଠାତ୍‌ ଗୋଲ୍ଡ କଏନ୍‌ ଦେଇ ସେ ଆଶ୍ଚର୍ଯ୍ୟ କରିଦେଇଛନ୍ତି । କେବଳ ଏତିକି ନୁହେଁ ସେ ଏହି ଗୋଲ୍ଡ କଏନ୍‌ ବାଣ୍ଟି ପୁଣି ଥରେ ଅନେକ ଲୋକଙ୍କ ମନ କିଣିପାରିଛନ୍ତି ।

ଚଳଚିତ୍ରରେ ମୁଖ୍ୟ ଭୂମିକା ନିଭାଇଥିବା ରାମଚରଣ ଓ ଜୁନିୟର ଏନ୍‌ଟିଆର୍‌‌ଙ୍କ ଦମ୍‌‌ଦାର୍ ଆକ୍ଟିଂ ପାଇଁ ଗ୍ଲୋବାଲ ବକ୍ସ ଅଫିସରେ ଏହି ଫିଲ୍ମଟି ସୁପରହିଟ୍ ହେଇପାରିଛି । କେବଳ ଏତିକି ନୁହେଁ ଫିଲ୍ମଟି କେବଳ ଭାରତରେ ନୁହେଁ ବରଂ ବିଶ୍ୱବ୍ୟାପୀ ସଫଳତା ପାଇପାରିଛି ।

ଏନେଇ ଗତକାଲି ଫିଲ୍ମ ଟ୍ରେଡ୍‌ ଆନାଲିଷ୍ଟ ମନୋବାଲା ବିଜୟ ଫିଲ୍ମର ବକ୍ସ ଅଫିସ କଲେକକ୍ସନ ବିଷୟରେ ଟୁଇଟ୍ କରି ଜଣାଇଛନ୍ତି । ଟୁଇଟ୍‌ରେ ସେ ଲେଖିଛନ୍ତି ଯେ,ଫିଲ୍ମ ରିଲିଜ୍ ହେବାଠାରୁ ଆରମ୍ଭ କରି ଆଜି ପର୍ଯ୍ୟନ୍ତ ବକ୍ସ ଅଫିସରେ ୯୩୯.୪୧ କୋଟି ଟଙ୍କା ସଂଗ୍ରହ କରିସାରିଛି ।

#RRR WW Box Office

Week 1 - ₹ 709.36 cr
Week 2
Day 1 - ₹ 41.53 cr
Day 2 - ₹ 68.17 cr
Day 3 - ₹ 82.40 cr
Day 4 - ₹ 20.34 cr
Day 5 - ₹ 17.61 cr
Total - ₹ 939.41 cr

Becomes the 1st ever movie to fetch ₹100 cr share in Nizam.

— Manobala Vijayabalan (@ManobalaV) April 6, 2022