Raid 2 Four Days Collection: ଭଲ ରୋଜଗାର କରୁଛି ‘ରେଡ୍ ୨’, ଜାଣନ୍ତୁ ୪ ଦିନରେ କେତେ ହେଲାଣି ଆୟ

ବାଣୀ କପୁର ତାଙ୍କର ନୂଆ ଫିଲ୍ମ ‘ରେଡ୍ ୨’ ପାଇଁ ବହୁତ ଖୁସି ଅଛନ୍ତି। ଏଥିରେ ସେ ଅଜୟ ଦେବଗନଙ୍କ ସହ ନଜର ଆସିଛନ୍ତି। ଅଜୟ ଦେବଗନ ଏବଂ ବାଣୀ କପୁରଙ୍କ ଫିଲ୍ମ ‘ରେଡ୍ ୨’ ଚାରି ଦିନରେ ବକ୍ସ ଅଫିସରେ ୭୩.୮୩ କୋଟି ଟଙ୍କା ରୋଜଗାର କରିସାରିଲାଣି।

ଏହି ଫିଲ୍ମରେ ଅଜୟ ଦେବଗନଙ୍କ ପତ୍ନୀ ଭୂମିକାରେ ଅଭିନୟ କରିଛନ୍ତି ବାଣୀ କପୁର। ଏହାକୁ ନେଇ ଏକ ବଡ଼ କଥା କହିଛନ୍ତି ବାଣୀ କପୁର। ସେ କହିଛନ୍ତି, “ବକ୍ସ ଅଫିସରେ ସଫଳ ହେବା ସର୍ବଦା ଏକ ଆଶ୍ଚର୍ଯ୍ୟଜନକ ଏବଂ ଅବାସ୍ତବ ଅଭିଜ୍ଞତା। ଏଭଳି ଫିଲ୍ମର ଅଂଶ ହେବା, ଯାହା ଦର୍ଶକଙ୍କ ସହ ଜଡିତ, ମୋ ପାଇଁ ଗର୍ବର କଥା। ‘ରେଡ୍ ୨’କୁ ଯେଉଁ ପ୍ରତିକ୍ରିୟା ମିଳୁଛି ତାହା ହୃଦୟସ୍ପର୍ଶୀ ଏବଂ ଏହି ଯାତ୍ରାର ଏକ ଅଂଶ ହୋଇ ମୁଁ ଅତ୍ୟନ୍ତ କୃତଜ୍ଞ।”

ଅଧିକ ପଢ଼ନ୍ତୁ:‘ରେଡ୍-୨’ ଏବେଠୁ କଲାଣି କୋଟି କୋଟି ରୋଜଗାର୍; ଜାଣନ୍ତୁ କେବେ ରିଲିଜ୍

ଫିଲ୍ମରେ ବାଣୀ କପୁରଙ୍କ ଅଭିନୟକୁ ସବୁ ମହଲରୁ ପ୍ରଶଂସା କରାଯାଉଛି। ବାଣୀ ଆହୁରି କହିଛନ୍ତି, “ଫିଲ୍ମର କାହାଣୀ ବହୁତ ପ୍ରଭାବଶାଳୀ। ରାଜ କୁମାର ଗୁପ୍ତା ସାରଙ୍କ ଦୂରଦୃଷ୍ଟିପୂର୍ଣ୍ଣ ନିର୍ଦ୍ଦେଶନାରେ କାମ କରିବା ମୋ ପାଇଁ ଏକ ସମୃଦ୍ଧ ଅଭିଜ୍ଞତା। ଗଣମାଧ୍ୟମ, ସମାଲୋଚକ ଏବଂ ଦର୍ଶକଙ୍କଠାରୁ ଯେଉଁ ପ୍ରଶଂସା ମିଳୁଛି ସେଥିପାଇଁ ମୁଁ ହୃଦୟରୁ କୃତଜ୍ଞତା ଜଣାଉଛି। ଅଜୟ ସାର୍ ଏବଂ ରାଜ କୁମାର ଗୁପ୍ତା ସାର୍‌ଙ୍କ ସହ କାମ କରିବା ଜଣେ କଳାକାର ଭାବରେ ମତେ ଅନୁଭବ ହେଲା।”

ସେ ଆହୁରି ମଧ୍ୟ କହିଛନ୍ତି, “ରେଡ୍ ୨ ର ସଫଳତା ମୋ ପାଇଁ ବହୁତ ମହତ୍ତ୍ୱପୂର୍ଣ୍ଣ। ଦର୍ଶକଙ୍କ ସହ ଯୋଡ଼ି ହେଉଥିବା ପ୍ରତ୍ୟେକ ପ୍ରୋଜେକ୍ଟ ମୋତେ ଆହୁରି କଠିନ ପରିଶ୍ରମ କରିବାକୁ ପ୍ରେରଣା ଦିଏ।”

ବାଣୀ କପୁର ଏବଂ ଅଜୟ ଦେବଗନଙ୍କ ‘ରେଡ୍ ୨’ ମେ ୧ ତାରିଖରେ ସିନେମା ହଲରେ ମୁକ୍ତିଲାଭ କରିଛି। IMDbରେ ଫିଲ୍ମର ବଜେଟ୍ ପ୍ରାୟ ୯୦ କୋଟି ଟଙ୍କା ବୋଲି କୁହାଯାଉଛି। ଏହିପରି ଭାବରେ ଚଳଚ୍ଚିତ୍ରଟି ଧୀରେ ଧୀରେ ଆଗକୁ ବଢ଼ୁଛି। ଏହି ଫିଲ୍ମରେ ଅଜୟ ଦେବଗନ ଏବଂ ବାଣୀ କପୁରଙ୍କ ବ୍ୟତୀତ ରିତେଶ ଦେଶମୁଖ ଏବଂ ସୌରଭ ଶୁକ୍ଲା ମଧ୍ୟ ଅଭିନୟ କରିଛନ୍ତି।

ଅଧିକ ପଢ଼ନ୍ତୁ:ପହଲଗାମ ଆକ୍ରମଣରେ ହୋଇଥିବା ହିଂସାକୁ ନେଇ ଏମିତି କହିଲେ ରାଶି ଖାନ୍ନା