Mukul Dev Passes Away: ସାନ ଭାଇର ଦେହାନ୍ତରେ ଶୋକରେ ରାହୁଲ୍ ଦେବ; ମନୋଜ ବାଜପେୟୀ କହିଲେ ଏ ଦୁଃଖ ଶବ୍ଦରେ ପ୍ରକାଶ କରିବା ଅସମ୍ଭବ

ହିନ୍ଦୀ ସିନେମା ଏହାର ଲୋକପ୍ରିୟ ଅଭିନେତା ମୁକୁଲ ଦେବଙ୍କ ଆକସ୍ମିକ ମୃତ୍ୟୁରେ ମର୍ମାହତ। ମୁକୁଲ ଦେବ 'ସନ୍ ଅଫ୍ ସର୍ଦ୍ଦାର', 'ଆର୍...ରାଜକୁମାର', 'ଜୟ ହୋ' ଭଳି ଚଳଚ୍ଚିତ୍ରରେ ତାଙ୍କର ଅଭିନୟର ପରିଚୟ ଦେଇଥିଲେ। ମାତ୍ର ୫୪ ବର୍ଷରେ ତାଙ୍କ ଦେହାନ୍ତ ସମସ୍ତ ବଲିଉଡ୍ ପ୍ରେମୀଙ୍କୁ ଦୁଃଖ ସାଗରରେ ଭସେଇ ଦେଇଛି।

ମୁକୁଲଙ୍କ ଦେହାନ୍ତରେ ବଡ଼ ଭାଇ ରାହୁଲ ଦେବଙ୍କ ଆଖିର ଲୁହ ବୋଲ ମାନୁନି। ସେ ଇନ୍‌ଷ୍ଟାଗ୍ରାମ୍‌ରେ ଏକ ଫଟୋ ଶେୟାର କରି ଶୋକ ପ୍ରକାଶ କରିବା ସହିତ ତାଙ୍କ ଅନ୍ତିମ ସଂସ୍କାର ବିଷୟରେ ସୂଚନା ଦେଇଛନ୍ତି। ଏହା ସହିତ ରାହୁଲ ଦେବ ଲେଖିଛନ୍ତି, “ଆମେ ଆପଣଙ୍କୁ ଜଣାଇ ଗଭୀର ଦୁଃଖ ଅନୁଭବ କରୁଛୁ ଯେ ଆମର ଭାଇ ମୁକୁଲ ଦେବଙ୍କ ଗତକାଲି ରାତିରେ ନୂଆଦିଲ୍ଲୀରେ ଦେହାନ୍ତ ହୋଇଛି। ତାଙ୍କ ପରିବାରରେ ତାଙ୍କ ଝିଅ ସିଆ ଦେବ ଅଛନ୍ତି। ତାଙ୍କ ଦେହାନ୍ତରେ ତାଙ୍କ ଭଉଣୀ ରଶ୍ମୀ କୌଶଲ, ରାହୁଲ ଦେବ ଏବଂ ପୁତୁରା ସିଦ୍ଧାନ୍ତ ଦେବ ତାଙ୍କୁ ଖୁବ୍ ଝୁରିହେବେ। ଆଜି ସନ୍ଧ୍ୟା ୫ଟାରେ ତାଙ୍କର ଅନ୍ତିମ ସଂସ୍କାର କରାଯିବ।”

ପୂର୍ବରୁ, ତାଙ୍କ ଘନିଷ୍ଠ ବନ୍ଧୁ ଏବଂ ଅଭିନେତ୍ରୀ ଦୀପଶିଖା ନାଗପାଲ ସୋସିଆଲ ମିଡିଆରେ ଏହି ଖବରକୁ ନିଶ୍ଚିତ କରିଥିଲେ। ଏକ ପୁରୁଣା ଫଟୋ ଶେୟାର କରି ସେ ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ଲେଖିଛନ୍ତି, "RIP"। ମୁକୁଲ ଦେବ ଶେଷ ଥର ପାଇଁ ଦିବ୍ୟା ଦତ୍ତଙ୍କ ବିପକ୍ଷରେ ହିନ୍ଦୀ ଚଳଚ୍ଚିତ୍ର 'ଆଣ୍ଟ ଦ ଏଣ୍ଡ୍‌'ରେ ନଜର ଆସିଥିଲେ।

ଅଧିକ ପଢ଼ନ୍ତୁ:ବଲିଉଡ୍‌କୁ ପୁଣି ଏକ ଦୁଃଖ; ଚାଲିଗଲେ 'ସନ୍ ଅଫ୍ ସର୍ଦ୍ଦାର'ର ଏହି ଫେମସ୍ ଅଭିନେତା

ଟିଭି ଧାରାବାହିକ 'ମୁମ୍‌କିନ୍' ରୁ ନିଜ କ୍ୟାରିଅର୍ ଆରମ୍ଭ କରିଥିବା ମୁକୁଲ ଦେବ 'ସନ୍ ଅଫ୍ ସର୍ଦ୍ଦାର' ଭଳି ଫିଲ୍ମରେ ନିଜର ଚମତ୍କାର ଅଭିନୟ ସହିତ ଏକ ଛାପ ସୃଷ୍ଟି କରିଥିଲେ। ସେ ହିନ୍ଦୀ, ପଞ୍ଜାବୀ ଏବଂ ଦକ୍ଷିଣ ଭାରତୀୟ ଚଳଚ୍ଚିତ୍ର ସହିତ ଛୋଟ ପରଦାରେ ମଧ୍ୟ ବହୁତ ଆଗକୁ ଆସିଥିଲେ।

ପରଦାରେ ତାଙ୍କର ଚରିତ୍ରଗୁଡ଼ିକ ସ୍ପଷ୍ଟବାଦୀ ଏବଂ ପ୍ରଭାବଶାଳୀ ଥିଲେ, କିନ୍ତୁ ବାସ୍ତବ ଜୀବନରେ ମୁକୁଲ ଦେବ ଜଣେ ଅତ୍ୟନ୍ତ ନିରବ ଏବଂ ଶାନ୍ତ ବ୍ୟକ୍ତି ଭାବରେ ଜଣାଶୁଣା। ତାଙ୍କ ପତ୍ନୀ ଶିଳ୍ପା ଦେବ ବହୁ ବର୍ଷ ପୂର୍ବରୁ ତାଙ୍କଠାରୁ ଅଲଗା ହେବା ପରେ ସେ ମୁମ୍ବାଇରେ ଏକା ରହୁଥିଲେ।

ମୁକୁଲଙ୍କ ଘନିଷ୍ଠ ବନ୍ଧୁ ଏବଂ ସହ-ଅଭିନେତା ବିନ୍ଦୁ ଦାରା ସିଂହ କହିଛନ୍ତି ଯେ ତାଙ୍କ ପିତାମାତାଙ୍କ ମୃତ୍ୟୁ ପରେ ମୁକୁଲ ଲୋକଙ୍କଠାରୁ ନିଜକୁ ଦୂରେଇ ନେଇଥିଲେ। ସେ ସାମାଜିକ ସମ୍ପର୍କରୁ ବିଚ୍ଛିନ୍ନ ହୋଇଯାଉଥିଲେ ଏବଂ ସାମ୍ପ୍ରତିକ ସମୟରେ ତାଙ୍କ ସ୍ୱାସ୍ଥ୍ୟାବସ୍ଥା ମଧ୍ୟ କ୍ରମାଗତ ଭାବରେ ଖରାପ ହେଉଥିଲା। ତଥାପି, ତାଙ୍କ ମୃତ୍ୟୁର ସଠିକ୍ କାରଣ ଜଣାପଡ଼ି ନାହିଁ।

Rest in peace my brother #MukulDev ! The time spent with you will always be cherished and #SonOfSardaar2 will be your swansong where you will spread joy and happiness to the viewers and make them fall down laughing ! pic.twitter.com/oyj4j7kqGU

— Vindu Dara Singh (@RealVinduSingh) May 24, 2025

ମୁକୁଲଙ୍କ ସହ କାମ କରିଥିବା ଅଭିନେତ୍ରୀ ଦୀପଶିଖା ନାଗପାଲ କହିଛନ୍ତି, “ତାଙ୍କ ସହ କ'ଣ ହୋଇଥିଲା ସେ ବିଷୟରେ କିଛି ଜଣା ନଥିଲା। ମୁଁ ଏବେ ବି ଏହି ଖବରକୁ ବିଶ୍ୱାସ କରିପାରୁ ନାହିଁ। ସକାଳେ ଉଠି ପ୍ରଥମେ ଏହି ଖବର ପଢିଲି। ମୁଁ ଭାବିଲି ଏହା ଫେକ୍ ଖବର ହୋଇପାରେ।”

View this post on Instagram

A post shared by Dipshikkha Nagppal (@deepshikha.nagpal)

ସେ ଆହୁରି କହିଛନ୍ତି, “ଆମେ ଗତ ଛଅ-ସାତ ମାସ ଧରି ଯୋଗାଯୋଗରେ ନଥିଲୁ। ମୁଁ ଟିଭି କାମରେ ବ୍ୟସ୍ତ ହୋଇଗଲି ଏବଂ କାମ ପାଇଁ ମୁମ୍ବାଇ ଏବଂ ଦିଲ୍ଲୀ ଦୌଡୁଥିଲି। ଦିଲ୍ଲୀରେ ତାଙ୍କର ଅଫିସ୍ ଅଛି। ସେ ତାଙ୍କ ମାଆ ଏବଂ ଝିଅ ସହିତ ସେଠାରେ ରହୁଥିଲେ। ମୁଁ ଯେତେବେଳେ  ମୁମ୍ବାଇ ଆସୁଥିଲି, ଆମେ ସବୁବେଳେ ଦେଖା କରୁଥିଲୁ।”

ଦୀପଶିଖାଙ୍କ କହିବା ଅନୁସାରେ, “ଜଣେ ଚମତ୍କାର ଅଭିନେତା ହେବା ସହିତ, ସେ ଜଣେ ସୁନ୍ଦର ବ୍ୟକ୍ତି ମଧ୍ୟ ଥିଲେ। ସେ ଜୀବନରେ ସବୁବେଳେ ଖୁସି ଥିଲେ। ଆମେ ଦୁଇଟି ଫିଲ୍ମରେ କାମ କରିଥିଲୁ। ତାଙ୍କ ସହିତ କାମ କରିବା ସବୁବେଳେ ମଜାଦାର ଥିଲା। ସେ ମୋ ପାଇଁ ସବୁବେଳେ ଜୀବିତ ରହିବେ। ତାଙ୍କ ବିୟୋଗରେ ଶିଳ୍ପର ଏକ ବଡ଼ କ୍ଷତି ହୋଇଛି।”

ଅଭିନେତା ମନୋଜ ବାଜପେୟୀ ମୁକୁଲ ଦେବଙ୍କ ମୃତ୍ୟୁରେ ଶୋକ ପ୍ରକାଶ କରି ସୋସିଆଲ ମିଡିଆରେ ପୋଷ୍ଟ କରିଛନ୍ତି। ଏହି ପୋଷ୍ଟରେ ଅଭିନେତା ଲେଖିଛନ୍ତି, “ମୁଁ ଯାହା ଅନୁଭବ କରୁଛି ତାହା ଶବ୍ଦରେ ପ୍ରକାଶ କରିବା ଅସମ୍ଭବ।

View this post on Instagram

A post shared by Manoj Bajpayee (@bajpayee.manoj)

ମୁକୁଲ ଜଣେ ଭାଇ ପରି ଥିଲେ, ଜଣେ ଅପାର ଆଗ୍ରହୀ କଳାକାର। ବହୁତ ଶୀଘ୍ର, ବହୁତ କମ ବୟସରେ ଚାଲିଗଲେ। ତାଙ୍କ ପରିବାର ଏବଂ ଏହି କ୍ଷତିରେ ଶୋକ କରୁଥିବା ସମସ୍ତଙ୍କୁ ଏହି ଦୁଃଖ ସହ୍ୟ କରିବାକୁ ଶକ୍ତି ମିଳୁ।”

ଅଧିକ ପଢ଼ନ୍ତୁ:Y+ ସୁରକ୍ଷା ପରେ ବି ଜଣେ ଯୁବତୀ ସଲମାନ ଖାନଙ୍କ ଫ୍ଲାଟ୍‌କୁ ପଶିଲେ; ପଚାରିବାରୁ କହିଲେ ଏମିତି