• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Pramod Behera

ରାହୁଲ ଦେବଙ୍କ ପତ୍ନୀଙ୍କ ମୃତ୍ୟୁ ପରେ ସେ ଏବେ ସିଙ୍ଗଲ୍ ଫାଦର ହୋଇଯାଇଛନ୍ତି। ନିକଟରେ ସେ ସିଙ୍ଗଲ୍ ଫାଦର ଭାବରେ ନିଜର ସମସ୍ୟାକୁ ନେଇ ସୋସିଆଲ୍ ମିଡିଆରେ ଶେୟାର କରିଛନ୍ତି। ୨୦୦୯ରେ ତାଙ୍କ ପତ୍ନୀ ରୀନା ଦେବଙ୍କ ଦେହାନ୍ତ ପରେ ସେ ତାଙ୍କ ପୁଅ ସିଦ୍ଧାର୍ଥ ଦେବଙ୍କୁ ନିଜେ ଲାଳନ ପାଳନ କରୁଛନ୍ତି।

ଏକ ସାକ୍ଷାତକାରରେ ରାହୁଲ ଦେବ କହିଛନ୍ତି ଯେ ସେ ତାଙ୍କ ପୁଅ ପାଇଁ ଉଭୟ ମା’ ଓ ବାପା ହେବାକୁ ଚେଷ୍ଟା କରୁଥିବାରୁ ସେ ନିଜକୁ ଅସୁରକ୍ଷିତ ମନେ କରୁଛନ୍ତି। ସେ ଏହା ମଧ୍ୟ କହିଛନ୍ତି ଯେ ଫିଲ୍ମରେ ଦେଖାଯାଇଥିବା ପରି ବିଧୂର ହେବା ଏତେ ସହଜ ନୁହେଁ।

ରାହୁଲ୍ କହିଛନ୍ତ ଯେ "ବାପା-ମାଆ ହେବା ଏତେ ସହଜ ନୁହେଁ। ପିଲାମାନଙ୍କୁ ଲାଳନପାଳନ କରିବାରେ ମହିଳାମାନଙ୍କର ଏକ ପ୍ରମୁଖ ଭୂମିକା ରହିଛି, ସେମାନେ ପିଲାମାନଙ୍କୁ କିପରି ବୁଝନ୍ତି, କେବଳ ତାଙ୍କ ଠାରେ ହିଁ ଥାଏ। ଯେଉଁ ପ୍ରକାର ଧୈର୍ଯ୍ୟ ଦରକାର, ମୁଁ ଚେଷ୍ଟା କଲି। ମୋତେ ଉଭୟ ମା ଓ ପିତା ହେବାକୁ ଚେଷ୍ଟା କରିବାକୁ ପଡୁଥିଲା। ଯେତେବେଳେ ମୁଁ ସ୍କୁଲ୍‌ରେ ଅଭିଭାବକ-ଶିକ୍ଷକ ବୈଠକକୁ ଯାଉଥିଲି ଯେତେବେଳେ, ମୁଁ ଅଧିକାଂଶ ମା’ ମାନଙ୍କୁ ଦେଖୁଥିଲି। ସେତେବେଳେ ମୁଁ ନିଜକୁ ଖୁବ ଅସୁରକ୍ଷିତ ମନେ କରୁଥିଲି।"

ସେ ଆହୁରି ମଧ୍ୟ କହିଛନ୍ତି, "ଏହା ଅତ୍ୟନ୍ତ ଯନ୍ତ୍ରଣାଦାୟକ। ଏଥିରୁ ମୁଁ ବହୁତ କିଛି ମନେ ପକେଇବାକୁ ଚାହୁଁ ନାହିଁ। ଯାହା ମୋ ସହିତ ହୋଇଛି ଏମିତି ଆଉ କାହା ସହ ନ ହେଉ। ଫିଲ୍ମରେ ଏହା ସହଜ ମନେହୁଏ। ଫିଲ୍ମରେରେ ଏହା ଦେଖାଯାଏ ଯେ କାହାର ପତ୍ନୀଙ୍କ ମୃତ୍ୟୁ ହୋଇଯାଏ। ସେ କିନ୍ତୁ ପୁଣି ଏକ ନୂଆ ଜୀବନ ଆରମ୍ଭ କରିଦିଅନ୍ତି। କିନ୍ତୁ ବାସ୍ତବରେ ଏହା ସହଜ ନୁହେଁ।”

ରାହୁଲ ମଧ୍ୟ ମୁଗ୍ଧା ଗୋଡ୍‌ସେଙ୍କ ସହ ତାଙ୍କ ସମ୍ପର୍କକୁ ନେଇ କହିଛନ୍ତି। ଉଭୟଙ୍କ ବୟସରେ ୧୪ ବର୍ଷର ପାର୍ଥକ୍ୟ ଅଛି। ରାହୁଲ ଏବଂ ମୁଗ୍ଧା ଆଠ ବର୍ଷରୁ ଅଧିକ ସମୟ ଧରି ଡେଟିଂ କରୁଛନ୍ତି। ମୁଗ୍ଧା ଖୁବ ଶିଘ୍ର ଉପେନ୍ଦ୍ର, ଶ୍ରିୟା ସରନ ଏବଂ କିଚ୍ଚା ସୁଦୀପଙ୍କ ସହ କନ୍ନଡ ଫିଲ୍ମ ‘କବ୍ଜା’ରେ ନଜର ଆସିବେ।

Other Stories