• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Pramod Behera

ନିଜ ଖତରନାକ୍ ଖଳନାୟକ ଅଭିନୟ ଯୋଗୁଁ ରାହୁଲ ଦେବ ବେଶ ଜଣାଶୁଣା। ସେ ଅନେକ ଫିଲ୍ମ ଓ ଟିଭି ଶୋ’ରେ ନିଜ ଅଭିନୟର ଦକ୍ଷତା ଦେଖେଇଛନ୍ତି। ତେବେ, ୨୦୦୯ ମସିହାରେ ତାଙ୍କ ପତ୍ନୀଙ୍କ ମୃତ୍ୟୁ ପରେ ପିଲାର ଯତ୍ନ ନେବା ନେଇ ସେ ଇଣ୍ଡଷ୍ଟ୍ରିରୁ ନିଜକୁ ଦୂରେଇ ରଖିଥିଲେ।

ଚାରି ବର୍ଷ ପରେ, ଯେତେବେଳେ ତାଙ୍କ ପୁଅ କଲେଜ ଗଲା, ଅଭିନେତା ବି-ଟାଉନ୍‌କୁ ଫେରିବାକୁ ସ୍ଥିର କଲେ। କିନ୍ତୁ ଫେରିବା ପରେ ସେ ଦେଖିଲେ ଯେ ତାଙ୍କ ପାଇଁ କୌଣସି କାମ ନାହିଁ। ଏମିତି କ୍ଷେତ୍ରରେ ସେ ବିଗ୍ ବସ୍ ୧୦ରେ ପ୍ରତିଯୋଗୀ ହେବାକୁ ନିଷ୍ପତ୍ତି ନେଇଥିଲେ ଏବଂ ବଲିଉଡ୍‌କୁ ପ୍ରତ୍ୟାବର୍ତ୍ତନ କରିଥିଲେ।

ବର୍ତ୍ତମାନ ସେ ପ୍ରକାଶ କରିଛନ୍ତି ଯେ, ବିଗ୍ ବସ୍‌ରେ ଭାଗ ନେବା ଛଡା ତାଙ୍କର କୌଣସି ବିକଳ୍ପ ନଥିଲା। ଯେତେବେଳେ ସେ ବିଗ୍ ବସ୍‌ର ଅଫର୍ ପାଇଲେ, ସେତେବେଳେ ତାଙ୍କ ହାତରେ କୌଣସି କାମ ନ ଥିଲା। ତାଙ୍କ ସଂଘର୍ଷକୁ ନେଇ ରାହୁଲ କହିଛନ୍ତି, “ଏତେ ପରିଶ୍ରମ କରିବା ପରେ ବି ମୋତେ ବିଗ୍ ବସ୍ କରିବାକୁ ପଡ଼ିଲା।”

ମୋ ପାଇଁ କୌଣସି କାମ ନ ଥିବାରୁ ମୁଁ ‘ବିଗ୍ ବସ୍ ୧୦’ ରେ ଅଂଶଗ୍ରହଣ କରିଥିଲି। ମୁଁ ଏଥିପାଇଁ କାହାକୁ ଦାୟୀ କରିବି ନାହିଁ, କାରଣ ଆମ କ୍ଷେତ୍ରର ଅବସ୍ଥା ବହୁତ ଶୀଘ୍ର ବଦଳିଯାଏ। ଆଉ ସାଢେ ଚାରି ବର୍ଷ ଏକ ଦୀର୍ଘ ସମୟ।"

ଏହି ସମୟରେ ରାହୁଲ ଇଣ୍ଡଷ୍ଟ୍ରିରେ ଥିବା ତାଙ୍କର କିଛି ବନ୍ଧୁଙ୍କୁ ମଧ୍ୟ କୃତଜ୍ଞତା ଜଣାଇଥିଲେ। ଇଣ୍ଡଷ୍ଟ୍ରିରେ ଥିବା ମୋର ବନ୍ଧୁମାନଙ୍କ ପାଖରେ ମଧ୍ୟ ମୁଁ କୃତଜ୍ଞ, ଯେଉଁମାନେ ମୋତେ ସମର୍ଥନ କରିଥିଲେ ଏବଂ ମୋତେ ସାହାଯ୍ୟ କରିବାକୁ ମୋ ନିକଟକୁ ଆସିଥିଲେ।

ସେମାନଙ୍କ ପ୍ରତି କୃତଜ୍ଞତା ଜଣାଇ ସେ କହିଛନ୍ତି, "ଯଦି କେହି ଜଣେ ବ୍ୟକ୍ତି ଅଛନ୍ତି ଯାହାକୁ ମୁଁ ଦାୟୀ କରେ, ତେବେ ସେ କେବଳ ମୋର ଗୁରୁ। ଯଦି ସେ ମୋତେ ଫେରିବାକୁ କହି ନଥାନ୍ତେ, ମୁଁ ଏଠାକୁ ଫେରି ନ ଥା'ନ୍ତି।” ସମର୍ଥନ ପାଇଁ ସେ ଅତୁଲ କସ୍‌ବେକର୍‌ଙ୍କୁ ଧନ୍ୟବାଦ ଜଣାଇଛନ୍ତି।

ହଟଷ୍ଟାର୍‌ର ଐତିହାସିକ ନାଟକ ‘ଦି ଏମ୍ପାୟର୍‌’ରେ ତାଙ୍କୁ ଏକ ଚମତ୍କାର ସୁଯୋଗ ଦେଇଥିବାରୁ ଚଳଚ୍ଚିତ୍ର ନିର୍ମାତାମାନଙ୍କୁ ମଧ୍ୟ ସେ ଧନ୍ୟବାଦ ଜଣାଇଛନ୍ତି। ତାଙ୍କ କ୍ୟାରିୟର ବିଷୟରେ କହିବାକୁ ଗଲେ ରାହୁଲ ଚାମ୍ପିଅନ୍, ଓମ୍‌କାରା, ଅରସଙ୍ଗମ୍, ତୋରବାଜ୍ ଏବଂ ରାତ୍‌ ବାକି ହୈ ଭଳି ଫିଲ୍ମରେ କାମ କରିଛନ୍ତି। ଏହା ବ୍ୟତୀତ ତାଙ୍କୁ ଟିଭି ଶୋ’ ‘ଦେବୋ କେ ଦେବ… ମହାଦେବ’ରେ ମଧ୍ୟ ଦେଖିବାକୁ ମିଳିଥିଲା। ରାହୁଲଙ୍କୁ ଏବେ କନ୍ନଡ ଫିଲ୍ମ ‘କବ୍ଜା’ରେ କିଚ୍ଚା ସୁଦୀପଙ୍କ ବିପକ୍ଷରେ ଦେଖିବାକୁ ମିଳିବ। ଏହି ଫିଲ୍ମଟି ଆର୍‌ ଚନ୍ଦ୍ରଙ୍କ ଦ୍ୱାରା ଲିଖିତ ଏବଂ ନିର୍ଦ୍ଦେଶିତ ହୋଇଥିବା ବେଳେ ଏଥିରେ ଉପେନ୍ଦ୍ର ଏବଂ ଶ୍ରୀୟା ସରନ ମଧ୍ୟ ଅଭିନୟ କରିଛନ୍ତି।