ଆସୁଛି ଐଶ୍ୱର୍ଯ୍ୟାଙ୍କ 'ପୋନ୍ନିୟିନ୍ ସେଲ୍‌ଭନ୍'; ‘ବାହୁବଳୀ’କୁ କାଟିବ

ମଣିରତ୍ନମଙ୍କ ବହୁ ପ୍ରତୀକ୍ଷିତ ଫିଲ୍ମ 'ପୋନ୍ନିୟିନ୍ ସେଲ୍‌ଭନ୍'ର ଟ୍ରେଲର ସାମ୍ନାକୁ ଆସିଛି। ଏହି ଫିଲ୍ମଟି ଦୀର୍ଘ ଦିନ ଧରି ଚର୍ଚ୍ଚାରେ ରହିଆସିଛି। ଏହାର ପ୍ରତ୍ୟେକ ଚରିତ୍ର ଦର୍ଶକଙ୍କ ମଧ୍ୟରେ ଏକ ଭିନ୍ନ ଉତ୍ସାହ ସୃଷ୍ଟି କରିଛି। ଏହାର ରିଲିଜ୍ ପାଇଁ ପ୍ରଶଂସକ ଏବଂ ଦର୍ଶକ ଆଗ୍ରହର ସହିତ ଅପେକ୍ଷା କରିଛନ୍ତି।

ବର୍ତ୍ତମାନ ଫିଲ୍ମର ଦମଦାର ଟ୍ରେଲର୍‌ ଲୋକଙ୍କ ଏହି ଉତ୍ସାହକୁ ଆହୁରି ବଢାଇ ଦେଇଛି। ୩.୨୩ ମିନିଟ୍‌ର ଏହି ଭିଡିଓରେ ପ୍ରତ୍ୟେକ ଚରିତ୍ରଙ୍କ ଝଲକ ଦେଖିବାକୁ ମିଳୁଛି। ଏଥିରେ ସିଂହାସନ ପାଇଁ ଏକ ଭୟଙ୍କର ଯୁଦ୍ଧ ହୋଇଛି। ତାମିଲ, ତେଲୁଗୁ, ମାଲାୟାଲମ୍, ହିନ୍ଦୀ ଏବଂ କନ୍ନଡରେ ଏହାର ଟ୍ରେଲର୍‌ ରିଲିଜ୍ ହୋଇଛି। ଏହାର ଟ୍ରେଲର୍‌ ଏତେ ଧମାକାଦାର ହୋଇଛି ଯେ ଏହାକୁ ଦେଖିବା ପରେ ଲୋକେ 'ବାହୁବଳୀ'କୁ ମଧ୍ୟ ଭୁଲିଯିବେ।

ମଣିରତ୍ନମଙ୍କ ଐତିହାସିକ ଡ୍ରାମା ଫିଲ୍ମ 'ପୋନ୍ନିୟିନ୍ ସେଲ୍‌ଭନ୍' ଦଶମ ଶତାବ୍ଦୀର ଚୋଳ ରାଜବଂଶର ଗୌରବମୟ ଇତିହାସକୁ ଚିତ୍ରଣ କରିଛି। ଏଥିରେ ଐଶ୍ୱର୍ଯ୍ୟା ରାୟ ବଚ୍ଚନ ରାନୀ ନନ୍ଦିନୀ ଭୂମିକାରେ ଅଛନ୍ତି। ସେ ଏହି ଚରିତ୍ରରେ ବହୁତ ସୁନ୍ଦର ଦେଖାଯାଉଛନ୍ତି। ତାଙ୍କ ଚରିତ୍ର ଏବଂ ସୌନ୍ଦର୍ଯ୍ୟକୁ ଦେଖି ଆପଣ 'ଦେବଦାସ'ର ପାରୋକୁ ମନେ ପକେଇବେ।

ଏଥିରେ ତାଙ୍କ ଲୁକ୍ 'ଯୋଦ୍ଧା ଆକବର', 'ଦେବଦାସ' ଭଳି ଫିଲ୍ମରେ ଦେଖିବାକୁ ମିଳିଥିଲା। ଅଭିନେତ୍ରୀଙ୍କୁ ଏହି ଫିଲ୍ମରେ ଡବଲ୍ ରୋଲ୍‌ରେ ଦେଖିବାକୁ ମିଳିବ। ଗୋଟିଏ ପଟେ ସେ ରାଜକୁମାରୀ ରାଣୀ ନନ୍ଦିନୀ ଭାବରେ ପ୍ରତିଶୋଧ ନେବା ଲକ୍ଷ୍ୟ ରେ ଥିବା ବେଳେ ଅନ୍ୟ ଏକ ଚରିତ୍ରରେ ସେ ଐତିହାସିକ ନାଟକରେ ମନ୍ଦାକିନୀ ଦେବୀ ଭୂମିକାରେ ଅଭିନୟ କରୁଥିବା ନଜର ଆସିବେ। ତାଙ୍କ ବ୍ୟତୀତ ଏହି ଫିଲ୍ମରେ ସୋଭିତା ଧୁଲିପାଲା ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି।

ସୋଭିତାଙ୍କୁ ଏଥିରେ ରାଣୀ ଭନାଥୀ ଭୂମିକାରେ ଦେଖିବାକୁ ମିଳିବ। ଦୁଇ ହିରୋଇନ୍‌ଙ୍କ ଝଲକ ଏଥିରେ ଦେଖିବାକୁ ମିଳିବ। ଏହା ସହିତ ସାଉଥ୍‌ ଷ୍ଟାର୍‌ ବିକ୍ରମ ମଧ୍ୟ ଏକ ଗ୍ରାଣ୍ଡ୍‌ ଷ୍ଟାଇଲ୍‌ରେ ଯୁଦ୍ଧ କରୁଥିବା ଦେଖିବାକୁ ମିଳିବ। ଏହାର ସମସ୍ତ ଚରିତ୍ର ଫିଲ୍ମ ରିଲିଜ୍ ପାଇଁ ଦର୍ଶକଙ୍କ ମଧ୍ୟରେ ଉତ୍ସାହ ସୃଷ୍ଟି କରୁଛନ୍ତି।

ଟ୍ରେଲର୍‌ରେ ଆପଣ ଆଉ ଏକ କୌତୁହଳପୂର୍ଣ୍ଣ ଜିନିଷ ମଧ୍ୟ ଦେଖିବାକୁ ପାଇବେ ଯେଉଁଥିରେ ଆପଣ କମଲ ହାସନ, ଅନିଲ କପୁର, ପୃଥ୍ୱୀରାଜ ସୁକୁମାରନ, ରାଣା ଡଗୁବାତୀ ଏବଂ ଜୟନ୍ତ କୈକିନିଙ୍କ ସ୍ୱର ଶୁଣିବାକୁ ପାଇବେ। ସେମାନେ ବିଭିନ୍ନ ଭାଷାରେ ଫିଲ୍ମରେ ସ୍ୱର ଦେଇଛନ୍ତି। ହିନ୍ଦୀ ଟ୍ରେଲର୍‌ରେ ଆପଣ ପ୍ରଥମେ ଅନିଲ କପୁରଙ୍କ ସ୍ୱର ଶୁଣିବେ, ଯିଏ ଫିଲ୍ମକୁ ଦର୍ଶକଙ୍କ ସହ ପରିଚିତ କରାନ୍ତି।

ପ୍ରକାଶଥାଉ ଯେ ବିକ୍ରମ ଏବଂ ଐଶ୍ୱର୍ଯ୍ୟା ରାୟ ବଚ୍ଚନଙ୍କ ଅଭିନୀତ ଫିଲ୍ମ 'ପୋନ୍ନିୟିନ୍ ସେଲ୍‌ଭନ୍' ଦୁଇଟି ଭାଗରେ ମୁକ୍ତିଲାଭ କରିବ। ବର୍ତ୍ତମାନ ଏହାର ପ୍ରଥମ ଭାଗ ଶେଷ ହୋଇଛି, ଯାହାର ଟ୍ରେଲର୍‌ ଲଞ୍ଚ୍‌ କରାଯାଇଛି। କୁହାଯାଉଛି ଯେ ଏହାର ପ୍ରଥମ ଭାଗ ୫୦୦କୋଟି ଟଙ୍କା ବଜେଟ୍‌ରେ ପ୍ରସ୍ତୁତ ହୋଇଛି। ଐଶ୍ୱର୍ଯ୍ୟା ରାୟ ବଚ୍ଚନଙ୍କ ବ୍ୟତୀତ ଚିୟାନ ବିକ୍ରମ, କାର୍ଥି, ଜୟମ ରବି, ତ୍ରିଶା, ଐଶ୍ୱର୍ଯ୍ୟା ଲକ୍ଷ୍ମୀ, ଲାଲ ଏବଂ ଶୋଭିତା ଧୁଲିପାଲା ଏହି ଫିଲ୍ମରେ ମୁଖ୍ୟ ଭୂମିକାରେ ନଜର ଆସିବେ।

ଏହି ଫିଲ୍ମର ସଙ୍ଗୀତକୁ ଏଆର୍ ରହମାନ ରଚନା କରିଥିବା ବେଳେ ରବି ବର୍ମନଙ୍କ ଦ୍ୱାରା ସୁଟିଂ କରାଯାଇଛି। ଏହା ଲାଇକା ପ୍ରଡକସନ୍ସ ଦ୍ୱାରା ନିର୍ମିତ ହୋଇଛି। ଏହି ଫିଲ୍ମ IMAX ପ୍ରେକ୍ଷାଳୟରେ ପ୍ରଦର୍ଶିତ ପ୍ରଥମ ତାମିଲ ଚଳଚ୍ଚିତ୍ର ହେବ।