LIVE TV
ପୱନ କଲ୍ୟାଣ ଏବଂ ସାଇ ଧର୍ମ ତେଜଙ୍କ 'ବ୍ରୋ' ବକ୍ସ ଅଫିସରେ ହଇଚଇ ଖେଳେଇ ଦେଇଛି। ଫିଲ୍ମ ପ୍ରଥମ ଦିନରେ ଏକ ଜବରଦସ୍ତ ଓପେନିଙ୍ଗ୍ କରିଛି। ଫିଲ୍ମକୁ ପ୍ରଥମ ଦିନରେ ବକ୍ସ ଅଫିସରେ ଅନେକ ଦର୍ଶକ ମିଳିଛନ୍ତି। ଏକ ରିପୋର୍ଟରୁ ଜଣାପଡିଛି ଯେ, ସପ୍ତାହ ଶେଷରେ ଫିଲ୍ମର ଆୟ ଆହୁରି ବୃଦ୍ଧି ପାଇବ ବୋଲି ଆଶା ମଧ୍ୟ କରାଯାଉଛି।
'ବ୍ରୋ'ର ବକ୍ସ ଅଫିସ୍ ରୋଜଗାର:
ମିଶ୍ରିତ ସମୀକ୍ଷା ପରେ ବି ପୱନ କଲ୍ୟାଣ ଏବଂ ସାଇ ଧର୍ମ ତେଜଙ୍କ 'ବ୍ରୋ' ବକ୍ସ ଅଫିସରେ ଏକ ବଡ଼ ହିଟ୍ ହୋଇଛି। ଫିଲ୍ମ ପ୍ରଥମ ଦିନରେ ବକ୍ସ ଅଫିସରେ ୩୦ କୋଟି ଟଙ୍କା ରୋଜଗାର କରିଛି। ଆସନ୍ତା ସପ୍ତାହ ଶେଷରେ ଏହି ଫିଲ୍ମ ଅଧିକ ରୋଜଗାର କରିବ ବୋଲି ଆଶା କରାଯାଉଛି। ତେଲୁଗୁ ବେଲ୍ଟରେ 'ବ୍ରୋ'ର ମୋଟ ଦଖଲ ୭୬.୭୭% ରହିଥିବା ଜଣାଯାଇଛି।
Also Read
ପୱନ କଲ୍ୟାଣ ଏବଂ ସାଇ ଧର୍ମ ତେଜଙ୍କ ଏହି ଫିଲ୍ମ ୨୮ ଜୁଲାଇରେ ମୁକ୍ତିଲାଭ କରିଛି। 'ବ୍ରୋ'ରେ ପ୍ରିୟା ପ୍ରକାଶ ୱାରିୟର୍, କେତିକା ଶର୍ମା ଏବଂ ଅନ୍ୟମାନେ ଅଭିନୟ କରିଛନ୍ତି। ବଲିଉଡ ଅଭିନେତ୍ରୀ ଉର୍ବଶୀ ରୌତେଲା ମଧ୍ୟ ଏହି ଫିଲ୍ମରେ ଏକ କେମିଓ କରିଛନ୍ତି।
ପୱନ କଲ୍ୟାଣଙ୍କୁ ଶେଷ ଥର ପାଇଁ ୨୦୨୨ରେ ଆସିଥିବା ଫିଲ୍ମ 'ଭୀମଲା ନାୟକ'ରେ ଦେଖିବାକୁ ମିଳିଥିଲା। ଆଗକୁ ତାଙ୍କୁ 'ଉସ୍ତାଦ ଭଗତ ସିଂହ', 'ଓଜି' ଏବଂ 'PSPK 29' ରେ ଦେଖିବାକୁ ମିଳିବ। ଅନ୍ୟପକ୍ଷରେ ନିକଟରେ ସାଇ ଧର୍ମ ତେଜ୍ ତେଲୁଗୁ ହରର୍ ଫିଲ୍ମ ‘ବିରୁପାକ୍ଷ’ରେ ନଜର ଆସିଥିଲେ। ଏଥିରେ ସଂଯୁକ୍ତା ମେନନ୍, ରବି କୃଷ୍ଣା, ବ୍ରହ୍ମାଜୀ, ସୁନୀଲଙ୍କୁ ମଧ୍ୟ ଦେଖିବାକୁ ମିଳିଥିଲା। ‘ବ୍ରୋ’କୁ ନେଇ ବର୍ତ୍ତମାନ ପ୍ରଶଂସକଙ୍କ ମଧ୍ୟରେ ବହୁତ ଉତ୍ସାହ ରହିଛି। ଥିଏଟରର ଅନେକ ଭିଡିଓ ମଧ୍ୟ ଭାଇରାଲ ହେବାରେ ଲାଗିଛି ଯେଉଁଥିରେ ଲୋକମାନେ ଥିଏଟରରେ ପପ୍ କର୍ଣ୍ଣ ଏବଂ ନୋଟ୍ ଉଡାଉଥିବାର ଦେଖିବାକୁ ମିଳେ।
