LIVE TV
ମନୋରଂଜନର ଦୁନିଆ ପାଇଁ କୌଣସି ଭୌଗୋଳିକ ସୀମା ବାଧକ ନୁହେଁ। ଏହା ଏସବୁରୁ ଉର୍ଦ୍ଧ୍ୱରେ। ଏହି କାରଣରୁ ଅନେକ ଭାରତୀୟ ତାରକା ବିଦେଶୀ ଚଳଚ୍ଚିତ୍ରରେ ନିଜ ଭାଗ୍ୟ ପରୀକ୍ଷା କରୁଥିବାବେଳେ ଅନେକ ବିଦେଶୀ ଅଭିନେତା ମଧ୍ୟ ବଲିଉଡରେ ଭାଗ୍ୟ ପରୀକ୍ଷା କରିବାକୁ ଆସନ୍ତି।
ବିଦେଶୀ ମୂଳର ଅନେକ ତାରକା ବଲିଉଡ୍ରେ ଅନେକ ନାଁ ଅର୍ଜନ କରିଛନ୍ତି। ପଡୋଶୀ ଦେଶ ପାକିସ୍ତାନର ଅନେକ ତାରକା ମଧ୍ୟ ବଲିଉଡ୍ ଚଳଚ୍ଚିତ୍ରରେ ଅଭିନୟ କରି ଚକ୍ମା ଦେଖେଇଛନ୍ତି। ଅନେକ ଅଭିନେତ୍ରୀ ମଧ୍ୟ ମୁଖ୍ୟ ଭୂମିକାରେ ଅଭିନୟ କରିଛନ୍ତି। ସେମାନେ କିଏ ଆସନ୍ତୁ ଜାଣିବା...
Also Read
ସଲମା ଆଗା:
ନିକାହରେ ସଲମା ଆଗା
ଅଭିନେତ୍ରୀ ସଲମା ଆଗା ପାକିସ୍ତାନରେ ଜନ୍ମଗ୍ରହଣ କରି ବ୍ରିଟେନରେ ବଢିଥିଲେ। ସେ ରୋମାଣ୍ଟିକ ଚଳଚ୍ଚିତ୍ର 'ହିର ରଞ୍ଜା'ରେ ଅଭିନୟ କରି ସମସ୍ତଙ୍କ ହୃଦୟକୁ ଜିତିଥିଲେ। ସେ ୧୯୮୨ରେ ବିଆର୍ ଚୋପ୍ରାଙ୍କ ଚଳଚ୍ଚିତ୍ର ‘ନିକାହ’ରେ ବଲିଉଡରେ ଡେବ୍ୟୁ କରିଥିଲେ। ସେ ଏଥିରେ କିଛି ଗୀତ ମଧ୍ୟ ଗାଇଥିଲେ, ଯେଉଁଥିପାଇଁ ସେ ଶ୍ରେଷ୍ଠ ମହିଳା ପ୍ଲେବ୍ୟାକ୍ ଗାୟକ ପୁରସ୍କାର ମଧ୍ୟ ପାଇଥିଲେ। ଏହା ବ୍ୟତୀତ ସଲମା ଅନେକ ରୋମାଣ୍ଟିକ ଫିଲ୍ମରେ ମଧ୍ୟ କାମ କରିଥିଲେ। ଏଥିମଧ୍ୟରେ 'କସମ ପୈଦା କରନେ ବାଲେ କୀ', 'ସଲମା', 'ପାଞ୍ଚ ଫୌଲାଦା' ଆଦି ରହିଛି।
ମହିରା ଖାନ:
ରଇସ୍ରେ ମହିରା ଖାନଅଭିନେତ୍ରୀ ମାହିରା ଖାନ ନିଜ ଆକ୍ଟିଂ ଡେବ୍ୟୁ ପାକିସ୍ତାନୀ ଫିଲ୍ମ 'ବୋଲ୍'ରେ ଆତିଫ ଅସଲମଙ୍କ ବିପକ୍ଷରେ ଅଭିନୟ କରିଥିଲେ। ସେ ଅନେକ ପାକିସ୍ତାନୀ ଚଳଚ୍ଚିତ୍ରରେ କାମ କରିବା ପରେ ଶାହରୁଖ ଖାନଙ୍କ ଅଭିନୀତ ‘ରଇସ୍’ ରେ ବଲିଉଡ ଡେବ୍ୟୁ କରିଥିଲେ। ଏହି ଚଳଚ୍ଚିତ୍ରର ସଫଳତା ପରେ ଅଭିନେତ୍ରୀ ଆଉ କୌଣସି ବଲିଉଡ ଫିଲ୍ମରେ ଅଭିନୟ କରିନଥିଲେ; କାରଣ ୨୦୧୬ ଉରି ଆକ୍ରମଣ ପରେ ସମସ୍ତ ପାକିସ୍ତାନୀ ଅଭିନେତାଙ୍କୁ ଭାରତରେ ନିଷିଦ୍ଧ କରାଯାଇଥିଲା।
ମୀରା:
ବଲିଉଡ୍ରେ ମୀରା
ପାକିସ୍ତାନୀ ଅଭିନେତ୍ରୀ ତଥା ଟିଭି ଉପସ୍ଥାପିକା ମୀରା ଉର୍ଦ୍ଦୁ, ପଞ୍ଜାବୀ ଏବଂ ହିନ୍ଦୀ ଚଳଚ୍ଚିତ୍ରରେ ଅଭିନୟ କରିଛନ୍ତି। ସେ ୧୯୯୫ରେ କ୍ୟାରିୟର ଆରମ୍ଭ କରିଥିଲେ। ସେ ୨୦୦୫ ମସିହାରେ ବଲିଉଡ ଫିଲ୍ମ 'ନଜର'ରେ ଡେବ୍ୟୁ କରିଥିଲେ। ଏହା ପରେ ସେ 'କସକ', 'ପାଞ୍ଜ ଘଣ୍ଟେ ମେ ପାଞ୍ଚ କରୋଡ୍', 'ଭଡାସ' ଇତ୍ୟାଦି ଅନେକ ହିନ୍ଦୀ ଚଳଚ୍ଚିତ୍ରରେ ଅଭିନୟ କରିଥିଲେ।
ବୀନା ମଲିକ୍:
ବୋଲ୍ଡ ଅବତାରରେ ପାକିସ୍ତାନୀ ଅଭିନେତ୍ରୀ ବୀଣା ମଲିକ୍ପାକିସ୍ତାନର ରାୱଲପିଣ୍ଡିରେ ଜନ୍ମ ହୋଇଥିବା ଜାହିଦା ମଲିକଙ୍କୁ ବୀନା ମଲିକ ମଧ୍ୟ କୁହାଯାଏ। ୨୦୦୦ ମସିହାରେ ସେ 'ତେରେ ପ୍ୟାର୍ ମେ' ଚଳଚ୍ଚିତ୍ର ସହିତ ଅଭିନୟ ଆରମ୍ଭ କରିଥିଲେ, ଯାହା ଏକ ହିଟ୍ ବୋଲି ପ୍ରମାଣିତ ହୋଇଥିଲା। ଏହା ପରେ ସେ ଏକ ପାକିସ୍ତାନୀ ଟିଭି ସୋ’ରେ ହୋଷ୍ଟିଂ କରିଥିଲେ। ତେବେ ସେ ରିଅଲିଟି ସୋ 'ବିଗ୍ ବସ୍'ରେ ଭାଗ ନେବା ପରେ ଲୋକପ୍ରିୟ ହୋଇଥିଲେ। ସେ ଜଣେ ଆଇଟମ୍ ଡ୍ୟାନ୍ସର ଭାବରେ ବଲିଉଡରେ କ୍ୟାରିଅର୍ ଆରମ୍ଭ କରିଥିଲେ ଓ ପରେ ବଲିଉଡ ଫିଲ୍ମ 'ଦାଲ ମେ କୁଛ କାଲା ହୈ' ରେ ଅଭିନୟ ଆରମ୍ଭ କରିଥିଲେ।
ସାରା ଲରେନ୍ସ:
ପାକିସ୍ତାନୀ ଅଭିନେତ୍ରୀ ସାରା ଲରେନ୍ସ
ହିନ୍ଦୀ ଏବଂ ଉର୍ଦ୍ଦୁ ଚଳଚ୍ଚିତ୍ରରେ ଅଭିନୟ ପାଇଁ ଜଣାଶୁଣା ପାକିସ୍ତାନୀ ମୂଳ ଅଭିନେତ୍ରୀ ସାରା ହୁସେନ୍ ବା ସାରା ଲରେନ୍ସ ପାକିସ୍ତାନୀ ଟିଭି ଶୋ 'ରାବିୟା ଜିନ୍ଦା ରହେଗୀ' ରୁ ଅଭିନୟ ଜୀବନ ଆରମ୍ଭ କରିଥିଲେ। ଏହା ପରେ ସେ ୨୦୧୦ରେ ପୂଜା ଭଟ୍ଟଙ୍କ ସହ ଫିଲ୍ମ 'କଜରାରେ'ରେ ଡେବ୍ୟୁ କରିଥିଲେ। ସେ 'ମର୍ଡର ୩', 'ଇସ୍କ କ୍ଲିକ୍', 'ଫ୍ରଡ୍ ସୈୟାଁ', 'ବରଖା' ଭଳି ଅନେକ ଚଳଚ୍ଚିତ୍ରରେ ନଜର ଆସିଛନ୍ତି।
