ମାନୁନଥିଲେ ପାର୍ଥସାରଥୀ, ବାନ୍ଧି ନେଲା ବଡଗଡ଼ ଥାନା ପୋଲିସ

ଓଲିଉଡ୍ ଅଭିନେତା ପାର୍ଥସାରଥୀ ରାୟ ଗିରଫ । NBW ଆଧାରରେ ବଡଗଡ଼ ଥାନା ପୋଲିସ ତାଙ୍କୁ ଗିରଫ କରିଛି । କୋର୍ଟ ନିୟମ ଖିଲାପ କରିଥିବାରୁ ଗିରଫ ନିର୍ଦ୍ଦେଶ ଦେଇଥିଲେ JMFC କୋର୍ଟ । ପାର୍ଥଙ୍କ ବିରୋଧରେ ଜାରି ହୋଇଥିଲା ଜାମିନବିହୀନ ଗିରଫ ପରୱାନା । ତେଣୁ ପୋଲିସ ପାର୍ଥଙ୍କୁ ଏବେ ଗିରଫ କରିଛି । ଏନବିଡବ୍ଲ୍ୟୁ ବଳରେ ତାଙ୍କୁ ଗିରଫ କରାଯାଇଥିବା ସୂଚନା ମିଳିଛି । ଓଡ଼ିଆ ଟେଲିଭିଜନ ଆଗଧାଡ଼ିର ନାୟକ ହେଉଛନ୍ତି ପାର୍ଥ । ସେ ଅନେକ ଧାରାବାହିକରେ ଅଭିନୟ କରିଛନ୍ତି । ତା’ ସହ କିଛି ଚଳଚ୍ଚିତ୍ରରେ ମଧ୍ୟ ତାଙ୍କ ଅଭିନୟ ଦେଖିବାକୁ ମିଳିଛି ।

ପାର୍ଥଙ୍କ ବିରୋଧରେ ହତ୍ୟା ଧମକ ଓ ଭିଡିଓ ଭାଇରାଲ ଭଳି ସଙ୍ଗୀନ ଅଭିଯୋଗ ଆସିଥିଲା । ଖାରବଳ ନଗର ଥାନାରେ ଦୀର୍ଘ ଦିନ ଧରି ଅଭିଯୋଗ ହୋଇଥିଲା । ସେହି ମାମଲାର ଶୁଣାଣି ପାଇଁ କୋର୍ଟଙ୍କ ପକ୍ଷରୁ ବାରମ୍ବାର ସମନ ଆସିଥିଲେ ମଧ୍ୟ ହାଜର ହୋଇନଥିଲେ ପାର୍ଥସାରଥୀ । ତେଣୁ କୋର୍ଟ ତାଙ୍କ ବିରୋଧରେ ଜାମିନବିହୀନ ଗିରଫ ପରୱାନା ଜାରି କରିଥିଲେ । ଫଳରେ ଏବେ ପାର୍ଥସାରଥୀ ରାୟଙ୍କୁ ଗିରଫ କରିଛି ବଡଗଡ଼ ଥାନା ପୋଲିସ ।

ଅଭିଯୋଗ ଅନୁସାରେ, ଜଣେ ଯୁବତୀଙ୍କୁ ଏସିଡ୍ ଆକ୍ରମଣର ଅଭିଯୋଗ ଥିଲା। ଏଥିରେ ୧୦ରୁ ଅଧିକ ଅଭିଯୁକ୍ତ ଗିରଫ ହୋଇଥିଲେ। ତେବେ ଏହି ମାମଲା ଲିଙ୍କ୍ ର କିଛି ଭିଡିଓ ଭାଇରାଲ୍, ଅପହରଣ ଉଦ୍ୟମ, ହତ୍ୟା ଉଦ୍ୟମ ମାମଲା ପାର୍ଥଙ୍କ ବିରୋଧରେ ଆଣିଥିଲେ ଯୁବତୀ। ଏନେଇ କୋର୍ଟରେ ମାମଲା ଥିଲା। ଯାହାର ଶୁଣାଣିକୁ ଖିଲାପ କରିଥିବା ଅଭିଯୋଗ ପାର୍ଥଙ୍କ ବିରୋଧରେ ଥିଲା।