LIVE TV
ଭାରତୀୟ ଫିଲ୍ମ ଇଣ୍ଡଷ୍ଟ୍ରିଜ ରେ ଏବେ ଧୁମ ମଚାଇଛି ତେଲୁଗୁ ଫିଲ୍ମ ପୁଷ୍ପା । ମାତ୍ର ୨୬ ଦିନରେ ବକ୍ସ ଅଫିସ କଲେକ୍ସନ ୩୨୫ କୋଟି ଟଙ୍କା।ତେବେ ଏହି ଚଳଚ୍ଚିତ୍ର ରେ ପୋଲିସ ଅଫିସର ଗୋବିନ୍ଦାପ୍ପା ଭୂମିକାରେ ଅଭିନୟ କରିଥିବା ଅଭିନେତା ଏମ ରାମକ୍ରିଷ୍ଣା ହେଉଛନ୍ତି ଜଣେ ଓଡ଼ିଆ । ବରଗଡ଼ ଜିଲ୍ଲା ସର୍ଲା ଗ୍ରାମ ବାସିନ୍ଦା ଥିବା ହୁଏତ ଅନେକ ଙ୍କୁ ଜଣା ନ ଥିବ । ଚନ୍ଦନ କାଠ ତସ୍କର ଙ୍କ ଉପରେ ନିର୍ମିତ ପୁଷ୍ପା ଚଳଚିତ୍ରରେ ରେ ପୋଲିସ ଅଫିସର ଗୋବିନ୍ଦାପ୍ପା ଭୂମିକାରେ ଅଭିନୟ କରିଥିବା ଅଭିନେତା ଜଣକ ହେଉଛନ୍ତି ଏମ୍ ରାମକ୍ରୀଷ୍ଣା । ଆଉ ରାମକ୍ରିଷ୍ଣା ହେଉଛନ୍ତି ଜଣେ ଓଡ଼ିଶା।
ନିଜର ଅଭିନୟ ଓ ଦମଦାର ଡାଇଲାଗ ପାଇଁ ସେ ଏବେ ଚର୍ଚ୍ଚାରେ। ତେଲୁଗୁ ଫିଲ୍ମ ଇଣ୍ଡଷ୍ଟ୍ରିଜରେ ରାମକ୍ରୀଷ୍ଣାଙ୍କୁ ସମସ୍ତେ ଶତ୍ରୁ ବୋଲି ଡାକିଥାଆନ୍ତି ।ପୁଷ୍ପା ଚଳଚିତ୍ର ପୂର୍ବରୁ ବାହୁବଳି ୨ ରେ ମଧ୍ୟ ପିଣ୍ଡାରା ଭୂମିକାରେ ଜବରଦସ୍ତ ଅଭିନୟ କରି ବେଶ୍ ପ୍ରଶଂସା ସାଉଁଟି ଥିଲେ ରାମକ୍ରୀଷ୍ଣା ।ଆଗକୁ ଆହୁରି ଭଲ ଅଭିନୟ କରି ଗାଁ ପାଇଁ ଗୌରବ ଆଣିବ ବୋଲି କହିଛନ୍ତି ମା ଏମ୍ ସରୋଜିନୀ ଦେବୀ । ଅତାବିରା କୋଶଳା ସ୍କୁଲ ରୁ ହାଇସ୍କୁଲ ଶିକ୍ଷା ଗ୍ରହଣ କରିଥିବା ରାମକ୍ରୀଷ୍ଣା ଓରଫ ଶତ୍ରୁ ରେଭେନ୍ସା କଲେଜରେ ମାଇକ୍ରୋ ବାଇଲୋଜି ରେ ପାଠ ପଢିବା ପରେ ଅଭିନୟ ପାଇଁ ହାଇଦ୍ରାବାଦ ଚାଲିଯାଇଥିଲେ ।
Also Read
ପୁଷ୍ପା ,ବାହୁବଳୀ ଟୁ ବ୍ୟତୀତ ଲିଜେଣ୍ଡ, ଡି ଜେ, ରଙ୍ଗସ୍ତାଲମ ,ଅଗାଡୁ, ଗୋଦଲାକୁଣ୍ଡା ଗଣେଶ,ବାଲ୍ମିକୀ, କଡ଼ାଇ କୁଟ୍ଟୀ ସିଂହମ ପରି ୧୦ ରୁ ଉର୍ଦ୍ଧ୍ଵ ଫିଲ୍ମ ରେ ଅଭିନୟ କରି ସାରିଛନ୍ତି ରାମକ୍ରୀଷ୍ଣା । ତେବେ ପିଲାଟି ଦିନୁ ଅଭିନୟରେ ରୁଚି ରଖିଥିବା ରାମକ୍ରୀଷ୍ଣା ଜଣେ ମେଧାବୀ ଛାତ୍ର ମଧ୍ୟ । ତାଙ୍କୁ ବଡ଼ ପରଦାରେ ଦେଖି ବେଶ ଖୁସୀ ଅନୁଭବ କରୁଛନ୍ତି ସର୍ଲା ଗ୍ରାମର ବନ୍ଧୁ ଓ ପଡୋଶୀ ମାନେ । ବରଗଡ଼ ଜିଲ୍ଲାର ସର୍ଲା ପରି ଏକ ଅଖ୍ୟାତ ପଲ୍ଲୀ ରୁ ଯାଇ ଦକ୍ଷିଣ ଭାରତୀୟ ଫିଲ୍ମ ରେ ବଡ ବଡ ସିନେ ତାରକା ଙ୍କ ସହ କାମ କରିବା ନିଶ୍ଚିତ ଭାବେ ଅଂଚଳ ପାଇଁ ଗୌରବ ର ବିଷୟ ବୋଲି କହିଛନ୍ତି ତାଙ୍କର ବନ୍ଧୁ ଜି ଭି ରାଓ ।
