LIVE TV
ମୁମ୍ବାଇ: ନୋରା ଫତେହୀ ହେଉଛନ୍ତି ଜଣେ କାନାଡୀୟ ମଡେଲ-ନୃତ୍ୟଶିଳ୍ପୀ ଯିଏ ବର୍ତ୍ତମାନ ବଲିଉଡରେ କାମ କରୁଛନ୍ତି। ଜଣେ ବିଦେଶିନୀ ହୋଇଥିବାରୁ ଆଧୁନିକ ପୋଷାକରେ ନୋରାଙ୍କୁ ଦେଖିବା କୌଣସି ଆଶ୍ଚର୍ଯ୍ୟ କଥା ନୁହେଁ, କିନ୍ତୁ ଯେତେବେଳେ ସେ ଭାରତୀୟ ପୋଷାକରେ ଶାଢୀ ପିନ୍ଧିଥିବାର ଦେଖାଯାଆନ୍ତି ସେତେବେଳେ ସେ ନିଜ ସୌନ୍ଦର୍ଯ୍ୟରେ ଲୋକଙ୍କୁ ପାଗଳ କରିଦିଅନ୍ତି।
'ଦିଲବର' ଗର୍ଲ ନାମରେ ପ୍ରସିଦ୍ଧ ନୋରା ଫତେହୀ ଯେତେବେଳେ ନବବଧୁ ବେଶରେ ଶାଢୀ ପିନ୍ଧି ଫଟୋ ସେୟାର କରିଥିଲେ, ସେତେବେଳେ ତାଙ୍କ ଫଟୋଗୁଡିକ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଲା। ଇନ୍ଷ୍ଟାଗ୍ରାମ୍ରେ ଏହି ଫଟୋ ସେୟାର କରି ନୋରା କ୍ୟାପ୍ସନ୍ରେ ଲେଖିଛନ୍ତି ଯେ “ବିନ୍ତେ ଦିଲ୍ ମିସରିୟା ମେଁ”। ନୋରାଙ୍କ ଏହି ଲୁକ୍ ଦେଖି ପ୍ରଶଂସକମାନେ ଲଗାତର ମନ୍ତବ୍ୟ ଦେଇ ତାଙ୍କ ସୌନ୍ଦର୍ଯ୍ୟକୁ ପ୍ରଶଂସା କରୁଛନ୍ତି। ଏପରିକି ଜଣେ ମଧ୍ୟ ନୋରାଙ୍କୁ ସୋସିଆଲ୍ ମିଡିଆରେ ମତ ଦେଇ ପଚାରିଛନ୍ତି ଯେ “ତୁମେ ମୋତେ ବିବାହ କରିବ କି?”
Also Read
ନୋରା ଫତେହୀ କେବଳ ଯେ ଖାଲି ପିନ୍ଧିଛନ୍ତି ତାହା ନୁହେଁ, ବରଂ ସେ ନିଜ ମୁହଁକୁ ଓଢଣୀରେ ମଧ୍ୟ ଢାଙ୍କିଛନ୍ତି। ସତେ ଯେପରି ସେ ଜଣେ ସଂସ୍କାରୀ ଭାରତୀୟ ମହିଳା। ନୋରା ଆଇଭରୀ-ଗୋଲ୍ଡେନ୍ ରଙ୍ଗର ଏମ୍ବ୍ରୋଡୋରୀ ଥିବା ଲାଲ ବର୍ଡର ଶାଢୀ ପିନ୍ଧିଥିବା ବେଳେ ପ୍ରଚୁର ଅଳଙ୍କାର ପିନ୍ଧିଛନ୍ତି। ମଥାରେ ଏକ ବିନ୍ଦି ଲଗାଇ ଖୁବ ସୁନ୍ଦର ଦେଖାଯାଉଛନ୍ତି। ଏହା ଉପରେ ମନ୍ତବ୍ୟ ଦେଇ ଜଣେ ପ୍ରଶଂସକ ଲେଖିଛନ୍ତି ଯେ “ସୁନ୍ଦର, ସୁଶୀଳ ନାରୀର ସ୍ୱରୂପ”।
ଏହା ନୁହେଁ ଯେ ନୋରା ପ୍ରଥମ ଥର ପାଇଁ ଶାଢୀ ପିନ୍ଧିଛନ୍ତି, ଏହା ପୂର୍ବରୁ ମଧ୍ୟ ସେ ଶାଢୀରେ ନିଜର ସୌନ୍ଦର୍ଯ୍ୟକୁ ପ୍ରଦର୍ଶନ କରିଥିଲେ। 'ସାକୀ-ସାକୀ', 'କମାରିୟା' ପରି ସୁପର୍ହିଟ୍ ଆଇଟମ୍ ଗୀତରେ ନାଚି ଲୋକପ୍ରିୟ ହୋଇଥିବା ନୋରା ଫତେହୀ ଜଣେ ଅତି ଷ୍ଟାଇଲିସ୍ ଅଭିନେତ୍ରୀ ଭାବେ ଜଣାଶୁଣା। ସେ ସବୁ ପ୍ରକାରର ପୋଷାକରେ ସୁନ୍ଦର ଦେଖାଯାଆନ୍ତି।
ଶାଢୀରେ ନୋରା ଫତେହୀତେବେ ଅଧା ଖଣ୍ଡିଆ ହିନ୍ଦୀ କହୁଥିବା ନୋରା ଫତେହୀଙ୍କୁ ଶାଢୀରେ ଦେଖିବା ତାଙ୍କ ପ୍ରଶଂସନମାନଙ୍କୁ ଖୁବ୍ ଭଲ ଲାଗିଛି। ସେଥିପାଇଁ ତାଙ୍କୁ ଶାଢୀରେ ଦେଖି ପ୍ରଶଂସକମାନେ ତାଙ୍କ ରାଜକୀୟ ଲୁକ୍ରେ ଦିବାନା ହୋଇଯାଇଛନ୍ତି।
ଫିଲ୍ମ 'ଷ୍ଟ୍ରିଟ୍ ଡାନ୍ସର୍ ୩ଡି' ରେ ନୋରା ଫତେହିଙ୍କୁ ଦେଖିବାକୁ ମିଳିଥିଲା । ଆଜିକାଲି ସେ ଡ୍ୟାନ୍ସ ରିଅଲିଟି ସୋ 'ଡ୍ୟାନ୍ସ ଦିୱାନେ ୩'ରେ ଜଜ୍ ଭାବରେ ନଜର ଆସୁଛନ୍ତି। ଧର୍ମେଶ ୟେଲାଣ୍ଡେ, ତୁଷାର କପୁର ଏବଂ ଶୋ ହୋଷ୍ଟ ଭାରତୀ ସିଂ-ହର୍ଷ ଲିବାଞ୍ଚିଆଙ୍କ ସହ ଶୋ’ରେ ମଜା କରୁଥିବା ଦେଖିବାକୁ ମିଳିଛି। ଆଜିକାଲି ନୋରା ଫତେହୀ ତାଙ୍କର ବହୁ ପ୍ରତୀକ୍ଷିତ ଚଳଚ୍ଚିତ୍ର 'ଭୁଜ୍: ଦି ପ୍ରାଇଡ୍ ଅଫ୍ ଇଣ୍ଡିଆ'କୁ ନେଇ ବେଶ ଚର୍ଚ୍ଚାରେ ଅଛନ୍ତି।
