LIVE TV
ଅଭିନେତା ନୱାଜୁଦ୍ଦିନ ସିଦ୍ଦିକି ଆଜିକାଲି ତାଙ୍କର ଅନେକ ଚଳଚ୍ଚିତ୍ରର ସୁଟିଂରେ ବ୍ୟସ୍ତ ଅଛନ୍ତି। ଅଭିନେତାଙ୍କ ପାଖରେ କୌଣସି ଚଳଚ୍ଚିତ୍ରର ଅଭାବ ନାହିଁ। ନିକଟରେ ସେ ତାଙ୍କ କ୍ୟାରିୟରର ପ୍ରଥମ ଦିନକୁ ନେଇ କଥା ହୋଇଛନ୍ତି। ସେ କହିଛନ୍ତି ଯେ ତାଙ୍କ ସଫଳତା ପୂର୍ବରୁ ସେ କଥାବାର୍ତ୍ତା କରିବାକୁ ନିଜକୁ ଅସୁରକ୍ଷିତ ମନେ କରୁଥିଲେ ଏବଂ ସଂକୋଚ ଅନୁଭବ କରୁଥିଲେ। ବର୍ତ୍ତମାନ, ସେ କାମ ମାଗିବାକୁ ପସନ୍ଦ କରୁ ନାହାନ୍ତି ଏବଂ ନିଜର ପ୍ରକଳ୍ପ ନିର୍ମାଣ ପାଇଁ ନିଜ ସାମଗ୍ରୀ ବିକ୍ରି କରିବାକୁ ମଧ୍ୟ ପ୍ରସ୍ତୁତ।
ନିକଟରେ ଏକ ସାକ୍ଷାତକାରରେ ନୱାଜୁଦ୍ଦିନ କହିଛନ୍ତି ଯେ ସେ ଏପରି ଲୋକପ୍ରିୟ ଅଭିନେତା ହେବେ ବୋଲି ସେ କେବେ ଭାବି ନ ଥିଲେ। ସେ କହିଛନ୍ତି, “ମୁଁ କେବେ ଭାବି ନ ଥିଲି ଯେ ମୁଁ ଏହି କାମ କରିବାକୁ ସମର୍ଥ ହେବି, କାରଣ ମୁଁ ଟିକିଏ ଶାନ୍ତ ଥିଲି। ମୁଁ ଜଣେ ଟ୍ୟୁବ୍ଲାଇଟ୍ ଥିଲି।”
ସେ କହିଛନ୍ତି ଯେ ୨୦୦୫ ଓ ୨୦୦୬ ପାଖାପାଖି କିଛି ଉନ୍ନତି ହୋଇଥିଲା, ଯେତେବେଳେ ତାଙ୍କୁ ଅଧିକ କାମ ମିଳିବା ଆରମ୍ଭ ହେଲା। ସେ କହିଛନ୍ତି ଯେ “ଯେତେବେଳେ ମୁଁ ପ୍ରକୃତରେ ରାଗିଯାଏ, କଥା କହିବାକୁ ଝୁଣ୍ଟେ। ଏମିତି ୨୦୦୫ ଏବଂ ୨୦୦୬ରେ ଚାଲୁଥିଲା। ବୋଧହୁଏ ଏହା ଅସୁରକ୍ଷିତତା କାରଣରୁ ହେଉଥିଲା ଏବଂ ପରେ ଯେତେବେଳେ ମୋ ଜୀବନରେ କିଛି ହାସଲ କଲି ଏହା ଚାଲିଗଲା।”
Also Read
'ଗ୍ୟାଙ୍ଗସ୍ ଅଫ୍ ୱାସେପୁର', 'ଦ ଲଞ୍ଚବକ୍ସ', 'ବଜରଙ୍ଗୀ ଭାଇଜାନ୍' ଏବଂ 'ମାଞ୍ଝୀ: ଦ ମାଉଣ୍ଟେନ୍ ମ୍ୟାନ୍' ଭଳି ଚଳଚ୍ଚିତ୍ର ମାଧ୍ୟମରେ ହିଁ ନୱାଜୁଦ୍ଦିନ ସିଦ୍ଦିକି ବଲିଉଡରେ ଖ୍ୟାତି ଅର୍ଜନ କରିଛନ୍ତି। ତାଙ୍କର ସଫଳତା ସତ୍ତ୍ୱେ, ସେ ଏମିତି ମଧ୍ୟ କହିଛନ୍ତି, ଯଦି ସୁଯୋଗ କେବେ ଅଭାବ ପଡେ ବି ତେବେ ସେ କାମ ମାଗିବାକୁ ସହଜ ଅନୁଭବ କରିବେ ନାହିଁ।
ସେ କହିଛନ୍ତି, “ଯଦି ମତେ ଆସନ୍ତାକାଲି କାମ ନ ମିଳେ, ତେବେ କାହା ପାଖକୁ ଯାଇ କାମ ମାଗିବା ମୋ ପାଖେ ଶକ୍ତି ମଧ୍ୟ ନାହିଁ। ମୁଁ ଆପଣଙ୍କ ପାଖକୁ ଆସି କହିପାରିବି ନାହିଁ ମୋତେ କାମ ଦିଅ। ମୁଁ ମୋ ଘର, ଜୋତା ଏବଂ ସବୁକିଛି ବିକ୍ରି କରିଦେବି ଏବଂ ନିଜ ବଳରେ ଏକ ଫିଲ୍ମ ତିଆରି କରିବି। ମୁଁ ଏ ବିଷୟରେ ବହୁତ ନିଶ୍ଚିତ। ମୁଁ ମୋ ଜୀବନରେ ଏହା କରିପାରିବି ନାହିଁ। ମୋ ପାଇଁ ଅଭିନୟ ଗୁରୁତ୍ୱପୂର୍ଣ୍ଣ, କିନ୍ତୁ ଚଳଚ୍ଚିତ୍ରରେ ଅଭିନୟ କରିବା ନୁହେଁ। ମୁଁ ଏହାକୁ ରାସ୍ତାରେ, ଟ୍ରେନ୍ କିମ୍ବା ବସ୍ରେ ବି କରିବି।”
ନୱାଜୁଦ୍ଦିନ ସିଦ୍ଦିକିଙ୍କ ଆଗାମୀ ଚଳଚ୍ଚିତ୍ର ବିଷୟରେ କହିବାକୁ ଗଲେ ଅଭିନେତା-ନିର୍ଦ୍ଦେଶକ ରସିଖ ଖାନଙ୍କ 'ସେକ୍ସନ୍ ୧୦୮' ରେ ଅରବାଜ ଖାନ ଏବଂ ରେଜିନା କେସେଣ୍ଡ୍ରାଙ୍କ ସହ ସ୍କ୍ରିନ୍ ସ୍ପେସ୍ ଶେୟାର୍ କରିବେ। ଏହି ଚଳଚ୍ଚିତ୍ରଟି ୦୨ ଫେବୃଆରୀ ୨୦୨୪ରେ ମୁକ୍ତିଲାଭ କରିବାକୁ ଯାଉଛି।
