୨୦୨୧କୁ ବିଦାୟ ଦେବା ପୂର୍ବରୁ ନିଶ୍ଚିତ ଦେଖନ୍ତୁ ଏହି ୩ ଫିଲ୍ମ

୨୦୨୧ର ଆରମ୍ଭ ଭାରତୀୟ ସିନେମା ପାଇଁ ବହୁତ ଭଲ ଥିଲା। ଦକ୍ଷିଣ ଭାରତୀୟ ଚଳଚ୍ଚିତ୍ରର କ୍ରେଜ୍ ମଧ୍ୟ କ୍ରମାଗତ ଭାବେ ବୃଦ୍ଧି ପାଉଛି। ବିଷୟବସ୍ତୁର ଗୁଣବତ୍ତା ହେତୁ ଲକ୍‌ଡାଉନ୍ ସମୟରେ ଦକ୍ଷିଣ ଭାରତୀୟ ଚଳଚ୍ଚିତ୍ରଗୁଡ଼ିକ ଓଟିଟିରେ ସର୍ବାଧିକ ଦେଖାଯାଇଥିଲା। ମାଷ୍ଟର, ଆନ୍ନାଥେ, ପୁଷ୍ପା ଭଳି ଫିଲ୍ମ ଦର୍ଶକଙ୍କୁ ଖୁବ ମନୋରଂଜନ କରିଛି। ଏସବୁ ଫିଲ୍ମ କେବଳ ଦକ୍ଷିଣ ଭାରତରେ ନୁହେଁ ସମଗ୍ର ଦେଶରେ ମଧ୍ୟ ହିଟ୍ ହୋଇଛି।

କାଦନ, ନରପ୍ପା, କୁରୁପ, ଅପ୍ପେନା, ଜଠୀ ରତ୍ନାଲୁ ସହିତ ଏମିତି ଅନେକ ଫିଲ୍ମ ଚଳିତ ବର୍ଷ ବହୁତ ଭଲ ବିଷୟବସ୍ତୁକୁ ନେଇ ତିଆରି ହୋଇଛି। ତେବେ ଆସନ୍ତୁ ସେହିସବୁ ଫିଲ୍ମଗୁଡ଼ିକ ମଧ୍ୟରୁ ୩ ଟି ବଛାବଛା ଫିଲ୍ମ ଉପରେ ନଜର ପକାଇବା, ଯାହାକୁ ୨୦୨୧କୁ ବିଦାୟ ଦେବା ପୂର୍ବରୁ ଦେଖିନେବା ଜରୁରୀ।

ଦୃଶ୍ୟମ୍‌ ୨:

୨୦୨୧ ସସ୍‌ପେନ୍ସ କ୍ରାଇମ୍ ଥ୍ରୀଲର ‘ଦୃଶ୍ୟମ୍‌ ୨’ ଚଳିତ ବର୍ଷର ସର୍ବୋତ୍ତମ ଫିଲ୍ମ ମଧ୍ୟରୁ ଗୋଟିଏ। ସୁପର୍‌ଷ୍ଟାର୍‌ ମୋହନଲାଲଙ୍କ ଅଭିନୀତ ଏହି ଫିଲ୍ମର କାହାଣୀକୁ ଖୁବ୍ ଭଲ ଭାବରେ ତିଆରି କରାଯାଇଥିଲା। ମାଲାୟାଲମ୍ ଫିଲ୍ମ ଇଣ୍ଡଷ୍ଟ୍ରି ଏହାର ସର୍ବୋତ୍ତମ ଚଳଚ୍ଚିତ୍ର ମାଧ୍ୟମରେ ବାରମ୍ବାର ପ୍ରମାଣ କରିଛି ଯେ ଏହା ସିନେମାର ନୂଆ ତରଙ୍ଗର ଏକ ମାନଦଣ୍ଡ।

ଦ ଗ୍ରେଟ୍ ଇଣ୍ଡିଆନ୍ କିଚନ୍:

‘ଦ ଗ୍ରେଟ୍ ଇଣ୍ଡିଆନ୍ କିଚେନ୍’ ଏମିତି ଏକ ଫିଲ୍ମ ଯାହାକୁ ଦେଖିବା ବିନା ବର୍ଷ ଶେଷ ହୋଇପାରିବ ନାହିଁ। ନିମିଷା ସଜୟାନ ଓ ସୂରଜ ଭେଞ୍ଜରାମୁଡୁଙ୍କ ଅଭିନୀତ ଏହି ଫିଲ୍ମରେ ଜଣେ ନବ ବିବାହିତା ମହିଳା (ନିମିଷା ସଜୟାନ)ଙ୍କ କାହାଣୀ ରହିଛି, ଯିଏ ତାଙ୍କ ସ୍ୱାମୀ (ସୂରଜ ଭେଞ୍ଜରାମୁଡୁ) ଓ ତାଙ୍କ ପରିବାର ପାଇଁ ଭଲ ପତ୍ନୀ ହେବାକୁ ସଂଘର୍ଷ କରୁଛି।

ଶ୍ରେଷ୍ଠ ଚଳଚ୍ଚିତ୍ର ପାଇଁ କେରଳ ରାଜ୍ୟ ଚଳଚ୍ଚିତ୍ର ପୁରସ୍କାର, ଜିଓ ବେବି ପାଇଁ ଶ୍ରେଷ୍ଠ ସ୍କ୍ରିନ୍ ପ୍ଲେ ପୁରସ୍କାର ଏବଂ ଟୋନୀ ବାବୁ ପାଇଁ ଶ୍ରେଷ୍ଠ ସାଉଣ୍ଡ୍‌ ଡିଜାଇନର୍ ପୁରସ୍କାର ପାଇଥିବା ଏହି ଫିଲ୍ମଟି ଜଣେ ମହିଳା ମଣିଷ ଭାବରେ କିପରି ନିଜର ବଂଶଗତ ଅଧିକାର ପାଇପାରିବ ଲଢେଇ କରୁଛି ତା’ ଉପରେ ଆଧାରିତ।।

ଜୟ ଭୀମ୍:

ସୂର୍ଯ୍ୟାଙ୍କ ଅଭିନୀତ ‘ଜୟ ଭୀମ’ କିଛି ବାସ୍ତବ ଘଟଣା ଉପରେ ଆଧାରିତ। ଏହି ଫିଲ୍ମର କାହାଣୀ ୧୯୯୫ର ଘଟଣା ଉପରେ ଆଧାରିତ। ଏହି ଫିଲ୍ମ ଦ୍ୱାରା ଏକ ଗାଁରେ ରହୁଥିବା ଇରୁଲାର ସମ୍ପ୍ରଦାୟ ସହିତ ଦର୍ଶକଙ୍କୁ ପରିଚିତ କରାଯାଇଛି। ଅଭିନେତ୍ରୀ ଲିଜୋମୋଲ ଜୋସ୍ ଏହି ଚଳଚ୍ଚିତ୍ରରେ ତାଙ୍କର ହୃଦୟସ୍ପର୍ଶୀ ଅଭିନୟ ଦ୍ୱାରା ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି।