LIVE TV
ୟୁକ୍ରେନ୍-ଋଷ୍ ଯୁଦ୍ଧ ସପ୍ତମ ଦିନରେ ପହଞ୍ଚିଛି। ରାଜଧାନୀ କିଭ ଏବଂ ଖାର୍କିଭ ସମେତ ଅନେକ ପ୍ରମୁଖ ସହରକୁ ଟାର୍ଗେଟ୍ କରାଯାଉଛି। ଏହାରି ଭିତରେ ୟୁକ୍ରେନ୍ରୁ ଆସୁଥିବା ବାହାରୁଥିବା ଚିତ୍ରଗୁଡ଼ିକ ଅତ୍ୟନ୍ତ ହୃଦୟ ବିଦାରକ। ତେବେ ଋଷ୍ ବିରୋଧରେ ଲଢିବା ନେଇ ସେନାରେ ଯୋଗଦେବାକୁ ୟୁକ୍ରେନ୍ ସରକାର ୧୮ ରୁ ୬୦ ବର୍ଷ ବୟସର ପୁରୁଷମାନଙ୍କୁ କହିଛନ୍ତି। ଏହି ସମୟରେ ସୋସିଆଲ ମିଡିଆରେ ପୂର୍ବତନ ମିସ୍ ୟୁକ୍ରେନ୍ ଆନାସ୍ତାସିଆ ଲେନାଙ୍କର କିଛି ଫଟୋ ଭାଇରାଲ ହେବାରେ ଲାଗିଛି, ଯେଉଁଥିରେ ସେ ବନ୍ଧୁକ ଧରିଥିବାର ନଜର ଆସିଛନ୍ତି।
ପୂର୍ବତନ ମିସ୍ ୟୁକ୍ରେନ୍ ଆନାସ୍ତାସିଆ ଲେନାAlso Read
ଋଷ୍ର ସେନା ଖେରସନଙ୍କୁ କାବୁ କରି ଖାର୍କିଭ ଅଭିମୁଖେ ଦ୍ରୁତ ବେଗରେ ଗତି କରୁଛି। ୟୁକ୍ରେନ୍ ସରକାରଙ୍କ ଅନୁରୋଧ ପରେ ପୂର୍ବତନ ମିସ୍ ୟୁକ୍ରେନ୍ ଆନାସ୍ତାସିଆ ଲେନା ମଧ୍ୟ ତାଙ୍କ ଅଫିସିଆଲ୍ ଇନ୍ଷ୍ଟାଗ୍ରାମ୍ରେ ଶେୟାର କରିଛନ୍ତି। ଆନାସ୍ତାସିଆ ଲେନା ଅନେକ ପୋଷ୍ଟ କରିଛନ୍ତି, ଯେଉଁଥିରେ ସେ ଋଷ୍ର ଯୁଦ୍ଧ ବିରୁଦ୍ଧରେ ଠିଆ ହୋଇଥିବା ସ୍ପଷ୍ଟ ଦେଖାଯାଉଛନ୍ତି। ଲେନା ଏହି ଫଟୋଗୁଡ଼ିକ ମାଧ୍ୟମରେ ଜଣେଇବାକୁ ଚାହୁଁଛନ୍ତି ଯେ ୟୁକ୍ରେନ୍ର ମହିଳାମାନେ ଖୁବ ଶକ୍ତିଶାଳୀ।
ଆନାସ୍ତାସିଆ କ୍ୟାପ୍ସନ୍ରେ ସ୍ପଷ୍ଟ କରିଛନ୍ତି ଯେ ‘ଯିଏ ବି ଦଖଲ କରିବାର ଉଦ୍ଦେଶ୍ୟରେ ୟୁକ୍ରେନ୍ ସୀମାରେ ପ୍ରବେଶ କରିବ, ତାଙ୍କୁ ହତ୍ୟା କରାଯିବ।’ ଏହା ସହିତ, ଆନାସ୍ତାସିଆ ଏହି ପୋଷ୍ଟ୍ ସହିତ #standwithukraine #handsoffukraine ହ୍ୟାସ୍ଟ୍ୟାଗ୍ ମଧ୍ୟ ଦେଇଛନ୍ତି। ଏହି ପୋଷ୍ଟ୍ରେ ଲୋକମାନେ ସେମାଙ୍କ ମନ୍ତବ୍ୟ ମାଧ୍ୟମରେ ଉତ୍ସାହିତ କରୁଥିବା ଦେଖାଯାଏ।
ୟୁକ୍ରେନ୍କୁ ଧ୍ୱଂସ କରିବାକୁ ଲକ୍ଷରେ ଥିବା ଋଷ୍ ବିରୁଦ୍ଧରେ ବର୍ତ୍ତମାନ ସାଧାରଣ ନାଗରିକମାନେ ମଧ୍ୟ ବାହାରିଛନ୍ତି। କିନ୍ତୁ ଏହି ଭାଇରାଲ ଖବର ପଛରେ ଥିବା ସତ୍ୟ ଆଉ କିଛି ରହିଛି। ଫେବୃଆରୀ ୨୩ ରେ ଲେନା ଏହି ଫଟୋ ଶେୟାର କରିଥିଲେ। କିନ୍ତୁ ଫେବୃଆରୀ ୨୭ରେ ସେ ଇନ୍ଷ୍ଟାଗ୍ରାମ୍ରେ ସ୍ପଷ୍ଟ କରିଛନ୍ତି ଯେ ଏହି ଫଟୋ କେବଳ ଲୋକଙ୍କୁ ପ୍ରେରଣା ଦେବା ପାଇଁ ପୋଷ୍ଟ୍ କରାଯାଇଛି।
ବୋଲ୍ଡ ଅବତାରରେ ଆନାସ୍ତାସିଆ ଲେନାସେ ତାଙ୍କ ସ୍ପଷ୍ଟୀକରଣରେ କହିଛନ୍ତି ଯେ ସେ ଜଣେ ସୈନିକ ନୁହଁନ୍ତି, କେବଳ ଜଣେ ସାଧାରଣ ମଣିଷ। ସେ ଜଣେ ବ୍ୟକ୍ତି ଯିଏ ନିଜ ଦେଶକୁ ଭଲ ପାଆନ୍ତି। ସେ ଯୁଦ୍ଧ କରୁନାହାଁନ୍ତି। ୨୦୧୫ରେ ଆନାସ୍ତାସିଆ ଲେନାଙ୍କୁ ମିସ୍ ୟୁକ୍ରେନ୍ ଟାଇଟଲ୍ ପ୍ରଦାନ କରାଯାଇଥିଲା। ଅନେକ ଲୋକ ସୋସିଆଲ ମିଡିଆରେ ଆନାସ୍ତାସିଆକୁ ଅନୁସରଣ କରନ୍ତି। ତେବେ ପ୍ରଶଂସକମାନେ ତାଙ୍କ ବୋଲ୍ଡ ଷ୍ଟାଇଲ୍ ପାଇଁ ତାଙ୍କୁ ଜାଣନ୍ତି।
