ମୂଳ ଚଳଚ୍ଚିତ୍ର ନିର୍ମାଣ କରିବାକୁ ବଲିଉଡ୍‌ବାଲା ସ୍ମାର୍ଟ ନୁହନ୍ତି ବୋଲି କହିଲେ KRK

ଆଜିକାଲି ବଲିଉଡ୍‌ରେ ଚଳଚ୍ଚିତ୍ରର ରିମେକ୍ ଏକ ସାଧାରଣ କଥା ହୋଇଗଲାଣି। ଆପଣମାନେ ଏହା ନିଶ୍ଚିତ ଜାଣିଥିବେ। ସେ ‘ଗୁମରାହ’ ହେଉ ଯାହା ‘ତଡମ’ର ରିମେକ୍ କିମ୍ବା ‘କିସି କା ଭାଇ କିସି କା ଜାନ’ ହେଉ ଯାହା ସାଉଥ୍‌ର ‘ବୀରମ୍‌’ର ରିମେକ୍। ଏହି ରିମେକ୍ ଟ୍ରେଣ୍ଡ୍‌କୁ ଦେଖି ଜଣେ ଅଭିନେତାଙ୍କ ରାଗ ପଞ୍ଚମକୁ ଉଠିଛି। KRK ଭାବରେ ଜଣାଶୁଣା କମଲ ଆର୍‌ ଖାନ୍‌ ଗୋଟିଏ ପରେ ଗୋଟିଏ ବଲିଉଡ୍‌ରେ ନିର୍ମିତ ରିମେକ୍‌ ଉପରେ ନିଜର ପ୍ରତିକ୍ରିୟା ଦେଇଛନ୍ତି। ଯାହାକୁ ନେଇ ଲୋକେ ପ୍ରତିକ୍ରିୟା ହେଉଥିବା ଦେଖାଯାଏ।

ନିଜ ମତ ନେଇ KRK ପ୍ରାୟତଃ ଚର୍ଚ୍ଚାରେ ରହିଥାନ୍ତି। ବର୍ତ୍ତମାନର କପିଲ ଶର୍ମାଙ୍କ ‘ଜ୍ୱିଗାଟୋ’ ହେଉ କି ଅଜୟ ଦେବଗନଙ୍କ ‘ଭୋଲା’, KRK ଙ୍କ ମତ ଚର୍ଚ୍ଚାକୁ ଆସିଛି। ସାଉଥ୍ ଚଳଚ୍ଚିତ୍ରରୁ ବଲିଉଡ୍‌ ରିମେକ୍ ଉପରେ ସେ ନିଜର ପ୍ରତିକ୍ରିୟା ଦେଇଛନ୍ତି। KRK ଲେଖିଛନ୍ତି, “ବଲିଉଡ୍‌ବାଲା କେବଳ କପି କରିବା ହିଁ ଜାଣନ୍ତି, ତେବେ ଅଭିନେତାମାନେ ରିମେକ୍ କରିବାକୁ ରାଜି ନହେଲେ ବଲିଉଡ୍‌ କିପରି ବଞ୍ଚିବ? କପିଉଡ୍‌ବାଲା ଏତେ ସ୍ମାର୍ଟ ନୁହନ୍ତି ଏକ ମୂଳ ଚଳଚ୍ଚିତ୍ର ନିର୍ମାଣ କରିବାକୁ। ଏଭଳି ପରିସ୍ଥିତିରେ ବଲିଉଡ୍‌ ଏହି ସମୟରେ ଏକ ବଡ ସମସ୍ୟାର ସମ୍ମୁଖୀନ ହେଉଛି।

Bollywood people know to copy only, So if Actors won’t agree to do remakes, then how will Bollywood survive? Copywood people are not that much intelligent that they can make original film. So Bollywood is in big problem right now.

— KRK (@kamaalrkhan) April 8, 2023

ଅଭିନେତାଙ୍କ ଏହି ଟ୍ୱିଟ୍‌କୁ ନେଇ ଲୋକମାନେ ମଧ୍ୟ ପ୍ରତିକ୍ରିୟା ପ୍ରକାଶ କରିଛନ୍ତି। ଜଣେ ଲେଖିଛନ୍ତି, କପିଉଡ୍ ଦର୍ଶକଙ୍କୁ ଦଶନ୍ଧି ଧରି ପାଗଳ କରିଆସୁଛି। ଆଉ ଜଣେ ଲେଖିଛନ୍ତି, “ଏହା ହିଁ ହେଉଛି। ଭାରତୀୟ ସିନେମାକୁ ଏକଜୁଟ୍‌ ହେବାର ସମୟ ଆସିଛି।”

ପ୍ରକାଶଥାଉ ଯେ ନିକଟରେ ଅକ୍ଷୟ କୁମାରଙ୍କ ‘ସେଲ୍‌ଫି’ ଏବଂ କାର୍ତ୍ତିକ ଆର୍ଯ୍ୟନଙ୍କ ‘ଶେହଜାଦା’ ମଧ୍ୟ ବକ୍ସ ଅଫିସ୍‌ରେ ଭଲ ପ୍ରଦର୍ଶନ କରିପାରି ନଥିଲା। ଏହା ସାଉଥ୍ ଫିଲ୍ମର ରିମେକ୍ ଥିଲା। ତେବେ ସଲମାନ ଖାନଙ୍କ ଅଭିନୀତ ‘କିସି କା ଭାଇ କିସି କୀ ଜାନ’ଙ୍କୁ ବକ୍ସ ଅଫିସରେ କ’ଣ କରୁଛି ତାହା ଦେଖିବା ବାକି ଅଛି। ଏହା ମଧ୍ୟ ସାଉଥ୍ ଫିଲ୍ମର ରିମେକ୍।