• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Pramod Behera

ବଲିଉଡ୍‌ର ଚୁଲ୍‌ବୁଲି ନାୟିକା କାଜୋଲ ସବୁବେଳେ ଚର୍ଚ୍ଚାରେ ଥାଆନ୍ତି। କାଜୋଲ ଦୀର୍ଘ ବର୍ଷ ଧରି ଇଣ୍ଡଷ୍ଟ୍ରି ସହିତ ଜଡିତ ହେବାର ଅନେକ ବର୍ଷ ହୋଇଯାଇଥିଲେ ବି କାଜୋଲଙ୍କ ଲୋକପ୍ରିୟତା କମି ନାହିଁ। ଖୋଲା କଥାବାର୍ତ୍ତା ଏବଂ ଖୁସି ମିଜାଜରେ ରହୁଥିବା କାଜୋଲଙ୍କୁ ଆଜି ୪୮ ବର୍ଷ ହୋଇଯାଇଛି। ତାଙ୍କ ଜନ୍ମଦିନ ଅବସରରେ ଆସନ୍ତୁ ଜାଣିନେବା ତାଙ୍କ ପ୍ରେମ କାହାଣୀକୁ ନେଇ ଅଜୟ ଦେବଗନଙ୍କ ସହ ଜଡିତ ଏକ ରୋଚକ କଥା।

କାଜୋଲ ଏବଂ ଅଜୟଙ୍କ ପ୍ରେମ କାହାକୁ ଅଛପା ନାହିଁ। ପରଦାରେ ସମସ୍ତେ ଏହି ଯୋଡିଙ୍କ କମାଲ ଦେଖିଛନ୍ତି। କିନ୍ତୁ ଆପଣ ଜାଣନ୍ତି କି ଏପରି ଏକ ସମୟ ଥିଲା ଯେତେବେଳେ କାଜୋଲ ଅଜୟଙ୍କୁ ଆଦୌ ପସନ୍ଦ କରୁ ନଥିଲେ। ଏହି ସମୟରେ, କାଜୋଲ ତାଙ୍କ ପ୍ରେମ ଜୀବନର ଟିପ୍ସ ଅଜୟଙ୍କ ଠାରୁ ନେଉଥିଲେ। ଆପଣ ଜାଣି ଆଶ୍ଚର୍ଯ୍ୟ ହେବେ ଯେ କାଜୋଲଙ୍କୁ ପ୍ରେମ ଟିପ୍ସ ଦେବାବେଳେ ଅଜୟ ନିଜେ ହିଁ ତାଙ୍କୁ ଭଲ ପାଉଥିଲେ।

କେମିତି ହେଲା ପ୍ରେମ:

କାଜୋଲ ଥରେ ଏକ ସାକ୍ଷାତକାରରେ କହିଥିଲେ ଯେ ସେ ତାଙ୍କ କ୍ୟାରିଅରର ପ୍ରାରମ୍ଭରେ ଅନ୍ୟ କାହା ସହିତ ଡେଟ୍‌ କରୁଥିଲେ। ସେହି ସମୟରେ ସେ ପ୍ରାୟ ସମୟ ତାଙ୍କ ପ୍ରେମ ପାଇଁ ଅଜୟଙ୍କ ଠାରୁ ଟିପ୍ସ ନେଉଥିଲେ। କିନ୍ତୁ କିଛି ଦିନ ପରେ ସେମାନଙ୍କର ବ୍ରେକଅପ୍ ହୋଇଗଲା। ସେହି ସମୟରେ ଅଜୟ ସେମାନଙ୍କୁ ପ୍ୟାଚ୍ କରିବାକୁ ଚେଷ୍ଟା କରୁଥିଲେ। କିନ୍ତୁ ଏହି ଚେଷ୍ଟା ଭିତରେ ତାଙ୍କ ହୃଦୟ କାଜୋଲଙ୍କ ଆଡକୁ ଢଳିଥିଲା। ଏହା ପରେ ଏହି ଦୁଇ ତାରକା ପରସ୍ପରକୁ ଡେଟିଂ କରିବା ଆରମ୍ଭ କଲେ।

ଅଜୟଙ୍କୁ ପସନ୍ଦ କରୁ ନଥିଲେ କାଜୋଲ:

କାଜୋଲ ଏବଂ ଅଜୟ ପ୍ରଥମେ ୧୯୯୫ରେ ଫିଲ୍ମ ‘ହଲ୍‌ଚଲ୍‌’ରେ ଏକାଠି କାମ କରିଥିଲେ। ଏହି ଫିଲ୍ମର ସୁଟିଂ ସମୟରେ ଅଜୟ ଚୁପ୍‌ଚାପ୍ ବସୁଥିଲେ। କାଜୋଲ କିନ୍ତୁ ଗପିବାକୁ ବହୁତ ପସନ୍ଦ କରୁଥିଲେ। ତେଣୁ ସେ ଯେତେବେଳେ ତାଙ୍କ ସହ କଥା ହେବାକୁ ଚେଷ୍ଟା କରୁଥିଲେ ଅଜୟ ଅଧିକ କଥା ହେଉ ନଥିଲେ। ଏହି କାରଣରୁ, କାଜୋଲ ଅଜୟଙ୍କ ଉପରେ ରାଗୁଥିଲେ ଆଉ ନାପସନ୍ଦ କରୁଥିଲେ। କିନ୍ତୁ ଧୀରେ ଧୀରେ ଦୁହେଁ ଭଲ ବନ୍ଧୁ ହେଲେ ଏବଂ ୧୯୯୯ ମସିହାରେ ବିବାହ କଲେ।

ଇଣ୍ଡଷ୍ଟ୍ରିରେ ୩୦ ବର୍ଷ:

ନିକଟରେ କାଜୋଲ ଫିଲ୍ମ ଇଣ୍ଡଷ୍ଟ୍ରିରେ ୩୦ ବର୍ଷ ପୂରଣ କରିଥିଲେ। ସେ ୧୯୯୨ରେ ‘ବେଖୁଦୀ’ ସହ ଅଭିନୟ ଜୀବନ ଆରମ୍ଭ କରିଥିଲେ। ଏହି ବିଶେଷ ଅବସରରେ ସେ ଏକ ଭିଡିଓ ଶେୟାର କରିଥିଲେ ଯେଉଁଥିରେ ତାଙ୍କ କ୍ୟାରିୟରର କେତେକ ଲୋକପ୍ରିୟ ଚଳଚ୍ଚିତ୍ରର ଫଟୋ ଥିଲା। ତାଙ୍କ ସ୍ୱାମୀ ତଥା ଅଭିନେତା ଅଜୟ ଦେବଗନ ମଧ୍ୟ ସୋସିଆଲ ମିଡିଆରେ ଏକ ସୁନ୍ଦର ନୋଟ୍ ଶେୟାର କରି ତାଙ୍କୁ ଅଭିନନ୍ଦନ ଜଣାଇଥିଲେ।

ଅଜୟ ‘ତନ୍ହାଜୀ’ ଫିଲ୍ମର ଏକ ଫଟୋ ସେୟାର କରି କ୍ୟାପ୍‌ସନ୍‌ରେ ଲେଖିଥିଲେ ଯେ ସିନେମାରେ ୩୦ ବର୍ଷ ହୋଇଗଲା କିନ୍ତୁ ଏହା କେବଳ ଆରମ୍ଭ। ଏବେ ଆହୁରି ଅଧିକ ଫିଲ୍ମ ଆସିବାକୁ ଅଛି।