LIVE TV
ମୁମ୍ବାଇ : ମନୋରଞ୍ଜନ ସହିତ ଜ୍ଞାନକୁ ବିକାଶ କରୁଥିବା ପ୍ରସିଦ୍ଧ ଟିଭି ଶୋ 'କୌନ ବନେଗା କରୋଡପତି'ର ୧୩ ତମ ସିଜନ ଖୁବ ଶୀଘ୍ର ଆରମ୍ଭ ହେବାକୁ ଯାଉଛି। ଏହି ସିଜନର ପ୍ରୋମୋ ବହୁତ ଚମତ୍କାର ଏବଂ ହୃଦୟସ୍ପର୍ଶୀ ହୋଇଛି। ଏହି ଶୋ’ରେ ଗ୍ରାମବାସୀ କିପରି ଜିତିବାକୁ ପ୍ରସ୍ତୁତ ହୁଅନ୍ତି, ଏହି ପ୍ରୋମୋରେ ଏକ ଆକର୍ଷଣୀୟ ଢଙ୍ଗରେ ଦେଖାଯାଇଛି। ଯଦିଓ ଏହି ଶୋ’ ପୂର୍ବରୁ ଦର୍ଶକଙ୍କ ଠାରୁ ବହୁତ ଭଲ ପାଇବା ପାଇଛି, କିନ୍ତୁ ସୋ’ର ଏହି ପ୍ରୋମୋ ଲୋକଙ୍କ ଆଗ୍ରହକୁ ଦ୍ୱିଗୁଣିତ କରିଦେଇଛି। ଏହା ବ୍ୟତୀତ, ଏଥର ପ୍ରିୟ ଲାଇଫ୍ ଲାଇନ୍ ଅଡିଏନ୍ସ ପୋଲ୍ ପୁଣି ଦେଖାଯିବ। ଗତ ସିଜନ୍ରେ ଦର୍ଶକଙ୍କୁ ଶୋ’ ସମୟରେ ବସିବାକୁ ଦିଆଯାଇ ନ ଥିଲା, ତେଣୁ ଏହାକୁ ହଟାଇ ଦିଆଯାଇଥିଲା। ତେବେ ଅଗଷ୍ଟ ୨୩ରୁ ରାତି ୯ଟାରେ ଅମିତାଭ ବଚ୍ଚନ ପୁଣିଥରେ ତାଙ୍କ ଚିରାଚରିତ ଶୈଳୀରେ ପ୍ରଶ୍ନ ପଚାରୁଥିବାର ନଜର ଆସିବେ।
ଶୋ’ର ଫର୍ମାଟ୍ ଅନୁଯାୟୀ, ପ୍ରତି ଶୁକ୍ରବାର ବିଭିନ୍ନ କ୍ଷେତ୍ରର ସେଲିବ୍ରିଟିମାନଙ୍କୁ 'କୌନ୍ ବନେଗା କରୋଡପତି'କୁ ନିମନ୍ତ୍ରଣ କରାଯାଏ। ଗଣମାଧ୍ୟମ ରିପୋର୍ଟ ଅନୁଯାୟୀ, ଏଥର ସିଜିନ-୧୩ର ପ୍ରଥମ ଶୁକ୍ରବାର ଅମିତାଭ ବଚ୍ଚନଙ୍କ ସାମ୍ନାରେ ହଟ୍ ସିଟ୍ରେ ପ୍ରସିଦ୍ଧ କ୍ରିକେଟର ସୌରଭ ଗାଙ୍ଗୁଲି ଏବଂ ବୀରେନ୍ଦ୍ର ସେହୱାଗଙ୍କୁ ଦେଖିବାକୁ ମିଳିବ, ଯଦିଓ ଶୋ’ ନିର୍ମାତା ଏପର୍ଯ୍ୟନ୍ତ କୌଣସି ସ୍ପଷ୍ଟ ସୂଚନା ଘୋଷଣା କରିନାହାଁନ୍ତି।
Also Read
ସେହିପରି ସୋନି ଟିଭିର ଏକ ପ୍ରୋମୋରେ ଶୋ’ର ଅନ୍-ଏୟାର ତାରିଖ ପ୍ରକାଶ ପାଇଛି। ଏହି ପ୍ରୋମୋରେ ଅମିତାଭ ବଚ୍ଚନ କହିଛନ୍ତି ଯେ “ଆଦର, ଆଦାବ, ଅଭିନନ୍ଦ, କୃତଜ୍ଞତା…ସହିତ ମୁଁ ଅମିତାଭ ବଚ୍ଚନଙ୍କୁ ଆପଣମାନଙ୍କୁ ନମସ୍କାର କରୁଛି ଏବଂ ଆଜିଠାରୁ ତ୍ରୟୋଦଶ ଜ୍ଞାନ ଅଭିଯାନର ଶୁଭାରମ୍ଭ ଘୋଷଣା କରୁଛି। ଆରମ୍ଭ ହେବ ଜ୍ଞାନଦାର, ଧନଦାର, ଏବଂ ଶାନଦାର୍ 'କୌନ୍ ବନେଗା କରୋଡପତି'।
ପ୍ରକାଶଥାଉ ଯେ ୨୦୦୦ ମସିହାରେ ଆରମ୍ଭ ହୋଇଥିବା କେବିସି ଶୋ’ ଏଥର ୨୧ ବର୍ଷ ହୋଇଯିବ। ପ୍ରତ୍ୟେକ ଥର ଶୋ’ରେ କିଛି ନା କିଛି ନୂଆ ଯୋଡା ଯାଇଥାଏ ଯାହା ଦର୍ଶକଙ୍କ ମୁହଁରେ ଆସିଥାଏ।
ସିନେମା 'ଦଙ୍ଗଲ' ଏବଂ 'ଛିଛୋର'ର ନିର୍ଦ୍ଦେଶନା ଦେଇଥିବା ନୀତୀଶ ତିୱାରୀ ଏହି ସିଜନରେ ନିର୍ଦ୍ଦେଶନା ଦେଉଛନ୍ତି। ସେ 'କେବିସି ୧୩'ର ପ୍ରମୋଶନରେ ଏକ କ୍ଷୁଦ୍ର ଚଳଚ୍ଚିତ୍ର 'ସମ୍ମାନ' ନିର୍ମାଣ କରିଛନ୍ତି ଏବଂ ଏହାକୁ ତିନୋଟି ଭିନ୍ନ ଭାଗରେ ଲଞ୍ଚ କରାଯାଇଥିଲା, ଏବେ ଏହାକୁ ଏକାଠି ଦେଖାଯାଉଛି।
