କାର୍ତ୍ତିକ ଆର୍ଯ୍ୟନଙ୍କ ଏମିତି ଶକ୍ତିଶାଳୀ ଫିଜିକ୍ ଦେଖି ଆପଣ ଆଶ୍ଚର୍ଯ୍ୟ ହେବେ

ବଲିଉଡ ଅଭିନେତା କାର୍ତ୍ତିକ ଆର୍ଯ୍ୟନ କିଛି ଦିନ ହେବ ତାଙ୍କର ବହୁ ପ୍ରତୀକ୍ଷିତ ଫିଲ୍ମ 'ଚନ୍ଦୁ ଚାମ୍ପିଅନ୍' ପାଇଁ ଚର୍ଚ୍ଚାରେ ଅଛନ୍ତି। ଏହାର ରିଲିଜ୍ ପାଇଁ ବେଶି ଦିନ ବାକି ନାହିଁ। ଖୁବ ଶୀଘ୍ର ଏହା ପ୍ରେକ୍ଷାଳୟକୁ ଆସୁଛି। ବର୍ତ୍ତମାନ ଏହାର ଫାଷ୍ଟ୍ ପୋଷ୍ଟର ରିଲିଜ୍ ହୋଇଛି।

କାର୍ତ୍ତିକ ଆର୍ଯ୍ୟନ ପ୍ରଶଂସକଙ୍କୁ ସୋସିଆଲ ମିଡିଆରେ ଏହି ଫିଲ୍ମ ପୋଷ୍ଟରର ଝଲକ ଦେଖାଇଛନ୍ତି, ଯେଉଁଥିରେ ସେ ଏକ ଭିନ୍ନ ଅବତାରରେ ନଜର ଆସିଛନ୍ତି। ତାଙ୍କର ଦମଦାର ଚେହେରାକୁ ନେଇ ଏବେ ଜମେଇକି ଚର୍ଚ୍ଚା ହେଉଛି।

କାର୍ତ୍ତିକ ଆର୍ଯ୍ୟନ୍ ତାଙ୍କ ଇନ୍‌ଷ୍ଟାଗ୍ରାମ୍‌ ହ୍ୟାଣ୍ଡେଲରେ 'ଚନ୍ଦୁ ଚାମ୍ପିଅନ୍'ର ପୋଷ୍ଟର ଶେୟାର କରିଛନ୍ତି, ଯେଉଁଥିରେ ତାଙ୍କ ଚେହେରା ଆଶାଠାରୁ ସମ୍ପୂର୍ଣ୍ଣ ବାହାରେ। ଏହା ଅତ୍ୟନ୍ତ ଚକିତ ଏବଂ ଅନନ୍ୟ ଯେପରି ଅନ୍ୟମାନଙ୍କ ପାଖରେ ନାହିଁ। ପୋଷ୍ଟରରେ କାର୍ତ୍ତିକ ଆର୍ଯ୍ୟନ୍ ଜଣେ ରେସ୍‌ଲର୍ ଭାବରେ ଏକ ଲେଙ୍ଗୁଟି ପିନ୍ଧିଥିବାର ନଜର ଆସିଛନ୍ତି। ସେ ଦୌଡୁଥିବା ମଧ୍ୟ ନଜର ଆସନ୍ତି।

ଅଧିକ ପଢ଼ନ୍ତୁ: ରଣବୀରଙ୍କ 'ରାମାୟଣ'ର ବଜେଟ୍ ଶୁଣିଲେ ଉଡିଯିବ ହୋସ୍; ଜାଣନ୍ତୁ କେତେ କୋଟି ଖର୍ଚ୍ଚ

ଏହି ଫାଷ୍ଟ୍ ଲୁକ୍‌ରେ କାର୍ତ୍ତିକ ଆର୍ଯ୍ୟନ୍ ଅତ୍ୟନ୍ତ ଆତ୍ମବିଶ୍ୱାସୀ ଲାଗୁଥିବା ବେଳେ ପୂରା ଖୋଲାଖୋଲି ଭାବେ ସାମ୍ନାକୁ ଆସିଛନ୍ତି। ଏହି ଚଳଚ୍ଚିତ୍ରରେ ତାଙ୍କର ଭୂମିକା ପାଇଁ ସେ ଓଜନ ହ୍ରାସ କରିଛନ୍ତି ଏବଂ ଏକ ଶକ୍ତିଶାଳୀ ଫିଜିକ୍ ତିଆରି କରିଛନ୍ତି, ଯାହା ପୋଷ୍ଟରରେ ସ୍ପଷ୍ଟ ଦେଖାଯାଉଛି।

ପୋଷ୍ଟରରେ କାର୍ତ୍ତିକ ଆର୍ଯ୍ୟନଙ୍କୁ ଏହି ଅବତାରରେ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି। ଫାଷ୍ଟ୍ ଲୁକ୍ ପୋଷ୍ଟର ଦେଖି ଫିଲ୍ମ 'ଚନ୍ଦୁ ଚାମ୍ପିଅନ୍' ବିଷୟରେ ପ୍ରଶଂସକଙ୍କ ଉତ୍ସାହ ଆହୁରି ବଢି ଯାଇଛି। ପୋଷ୍ଟର ଶେୟାର କରି କାର୍ତ୍ତିକ ଆର୍ଯ୍ୟନ କ୍ୟାପ୍‌ସନ୍‌ରେ ଲେଖିଛନ୍ତି, 'ଚାମ୍ପିଅନ୍‌ ଆସୁଛି।’

ତେବେ ନିଜ କ୍ୟାରିୟରର ସବୁଠାରୁ ଚ୍ୟାଲେଞ୍ଜିଂ ଏବଂ ସ୍ୱତନ୍ତ୍ର ଚଳଚ୍ଚିତ୍ରର ପ୍ରଥମ ପୋଷ୍ଟର ଶେୟାର କରି ସେ ଅତ୍ୟଧିକ ଉତ୍ସାହିତ ହୋଇପଡିଛନ୍ତି, ଯାହା ତାଙ୍କ ପୋଷ୍ଟରୁ ଜଣାପଡୁଛି।

ତେବେ କାର୍ତ୍ତିକ ଆର୍ଯ୍ୟନଙ୍କ 'ଚନ୍ଦୁ ଚାମ୍ପିଅନ୍' ୧୪ ଜୁନ୍ ୨୦୨୪ରେ ପ୍ରେକ୍ଷାଳୟରେ ମୁକ୍ତିଲାଭ କରିବ। ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି କବୀର ଖାନ, ଯିଏକି ପୂର୍ବରୁ ସଲମାନ ଖାନଙ୍କ ସହ 'ଏକ ଥା ଟାଇଗର' ଏବଂ 'ବଜରଙ୍ଗୀ ଭାଇଜାନ' ଭଳି ଚଳଚ୍ଚିତ୍ର ନିର୍ମାଣ କରିଛନ୍ତି।

ଫିଲ୍ମର ନିର୍ମାତା ହେଉଛନ୍ତି ସାଜିଦ ନାଜିୟାଡୱାଲା। କାର୍ତ୍ତିକ ଆର୍ଯ୍ୟନ୍ ଶେଷ ଥର ପାଇଁ ଫିଲ୍ମ 'ସତ୍ୟପ୍ରେମ କି କଥା'ରେ ନଜର ଆସିଥିଲେ, ଯେଉଁଥିରେ ସେ କିୟାରା ଆଡଭାନୀଙ୍କ ସହ କାମ କରିଥିଲେ।

ଅଧିକ ପଢ଼ନ୍ତୁ: ଏମିତି ଭୁଲ୍ କରିଦେଲେ ଅଲୁ ଅର୍ଜୁନ; ଲାଗିଲା ଆଇପିସି ଧାରା ୧୮୮