LIVE TV
'କାନ୍ତାରା: ଏ ଲିଜେଣ୍ଡ' ଗତ ବର୍ଷ ଚମତ୍କାର କରିଥିଲା, ଏବଂ ବର୍ତ୍ତମାନ ହୋମ୍ବଲେ ଫିଲ୍ମସ୍ ଅନ୍ୟ ଏକ ଚମତ୍କାର ଫିଲ୍ମ 'କାନ୍ତାରା ଚାପ୍ଟର୍ ୧' ସହିତ ଫେରୁଛି। ନିକଟରେ ଫିଲ୍ମର ଏକ ଝଲକ ସାମ୍ନାକୁ ଆସିଛି ଏବଂ ଏହା ଅତ୍ୟନ୍ତ ରୋମାଞ୍ଚକର ଏବଂ ସ୍ୱତନ୍ତ୍ର ହେବ ବୋଲି ଅନୁମାନ କରାଯାଉଛି।
ଟିଜରରେ ଅଭିନେତା-ନିର୍ଦ୍ଦେଶକ ଋଷଭ ଶେଟ୍ଟୀଙ୍କ ଏକ ଭିନ୍ନ ଲୁକ୍ ଦେଖାଯାଇଛି। କିନ୍ତୁ ଏହି ଟିଜରକୁ ଦେଖିଲେ କୁହାଯାଇପାରେ ଯେ ଫିଲ୍ମ କେଜିଏଫ ଏବଂ ବାହୁବଲୀ ଭଳି ଫିଲ୍ମକୁ ଏହା କଡ଼ା ଟକ୍କର ଦେଇପାରେ। ଏହି ଟିଜର ଦର୍ଶକଙ୍କୁ ଋଷଭ ଶେଟ୍ଟୀଙ୍କ ରହସ୍ୟ ଏବଂ ରୋମାଞ୍ଚ ସହିତ ପରିଚିତ କରାଏ।
Also Read
ଗତ ବର୍ଷ ଦର୍ଶକଙ୍କ ହୃଦୟରେ ଏକ ଅବିସ୍ମରଣୀୟ ଚିହ୍ନ ଛାଡିଥିବା ଆକର୍ଷଣୀୟ ତଥା ହୃଦୟସ୍ପର୍ଶୀ ସଙ୍ଗୀତ ଏହି ନୂଆ ଫିଲ୍ମର ଭିଡିଓରେ ଫେରୁଛି। ଟିଜର ଏକ ନିଆରା ସ୍ପର୍ଶ ସହିତ ଶେଷ ହେଉଛି – ସଂଗୀତର ଭିନ୍ନ ଭିନ୍ନ ସାତୋଟି ରାଗ ସେହି ସାତଟି ଭାଷା ମଧ୍ୟରୁ ସବୁର ପ୍ରତିନିଧିତ୍ୱ୍ କରେ ଯେଉଁଥିରେ 'କାନ୍ତାରା ଚାପ୍ଟର ୧' ରିଲିଜ୍ ହେବ।
ଗତ ବର୍ଷ 'କାନ୍ତାରା' ସର୍ବଭାରତୀୟ ସ୍ତରରେ ଏକ ଆଲୋଡ଼ନ ସୃଷ୍ଟି କରିଥିଲା, ଯାହା ଏହାର ଲୋକନୃତ୍ୟଭିତ୍ତିକ କାହାଣୀ ସହିତ ଦର୍ଶକଙ୍କୁ ଆକର୍ଷିତ କରିଥିଲା। ଏହା ସହିତ ଫିଲ୍ମରେ ମାନବତା ଏବଂ ପ୍ରକୃତି ମଧ୍ୟରେ ଜଟିଳ ସମ୍ପର୍କକୁ ଖୋଜାଯାଇଥିଲା। ହୋମ୍ବଲେ ଫିଲ୍ମସ୍ 'କାନ୍ତାରା ଚାପ୍ଟର ୧' ସହିତ ଫେରିବାକୁ ପ୍ରସ୍ତୁତ ହେଉଛି।
ହୋମ୍ବ୍ଲେ ଫିଲ୍ମସ ଗତ ବର୍ଷ ଦୁଇଟି ମେଗା ବ୍ଲକବଷ୍ଟର 'କେଜିଏଫ୍ ଚାପ୍ଟର ୨' ଏବଂ 'କାନ୍ତାରା' ସହିତ ବିଶ୍ୱସ୍ତରୀୟ ସଫଳତା ହାସଲ କରି ୧୬୦୦ କୋଟି ଟଙ୍କା ଆୟ କରିଥିଲା। ସମ୍ପ୍ରତି ଏହାର ଆଗାମୀ ରିଲିଜ୍ ହେଉଛି 'ସାଲାର୍' ଯାହା ବର୍ତ୍ତମାନ ଚର୍ଚ୍ଚାରେ ଅଛି ଏବଂ ଏହାର ଟ୍ରେଲର ମଧ୍ୟ ଡିସେମ୍ବର ୧ରେ ଲଞ୍ଚ ହେବାକୁ ଯାଉଛି।
ଆସନ୍ତା ବର୍ଷ 'କନ୍ତାରା ଚାପ୍ଟର ୧' ରିଲିଜ୍ ହେବାର ଖବର ଅଛି, ଯାହା ସାତୋଟି ଭାଷାରେ ଦର୍ଶକଙ୍କୁ ଆକର୍ଷିତ କରିବ। ଡିସେମ୍ବର ଶେଷ ସୁଦ୍ଧା ଏହାର ସୁଟିଂ ଆରମ୍ଭ ହେବ। ଫିଲ୍ମର କାଷ୍ଟିଂକୁ ନେଇ ଏପର୍ଯ୍ୟନ୍ତ ପ୍ରକାଶ କରାଯାଇ ନାହିଁ, କିନ୍ତୁ ଫିଲ୍ମର ପ୍ରଥମ ଲୁକ୍ରେ ଏକ ଅସାଧାରଣ କାହାଣୀର କଥା ଦେଖିବାକୁ ମିଳେ।
