LIVE TV
କଙ୍ଗନା ରାଣାୱତଙ୍କୁ ବଲିଉଡର ଧାକଡ କ୍ୱିନ୍ କୁହାଯାଏ। ତାଙ୍କ ନାମ ଇଣ୍ଡଷ୍ଟ୍ରିର ସବୁଠାରୁ ବିନ୍ଦାସ୍ ଅଭିନେତ୍ରୀମାନଙ୍କ ତାଲିକାରେ ରହିଛି। ତାଙ୍କ ମତକୁ ନେଇ ସେ ପ୍ରତିଦିନ ଚର୍ଚ୍ଚାର ବିଷୟ ପାଲଟିଥାନ୍ତି। ଅନେକ ସମୟରେ ମଧ୍ୟ ତାଙ୍କର ବୋଲ୍ଡନେସ ପାଇଁ ତାଙ୍କୁ ଟ୍ରୋଲ ହେବାକୁ ପଡେ।
ଏଭଳି ପରିସ୍ଥିତିରେ ସୋସିଆଲ ମିଡିଆ ପ୍ଲାଟଫର୍ମ ଟ୍ୱିଟରକୁ ନେଇ ପୁଣି ଥରେ କଙ୍ଗନା ରାଣାୱତ୍ ଚର୍ଚ୍ଚାର ବିଷୟ ପାଲଟିଛନ୍ତି। କଙ୍ଗନା ଟ୍ୱିଟରକୁ ଫେରିଛନ୍ତି, ଯାହାକୁ ନେଇ ସେ ବହୁତ ଖୁସି ଅଛନ୍ତି। କଙ୍ଗନା ଟ୍ୱିଟରକୁ ଫେରିବା ନେଇ ନିଶ୍ଚିତ ଥିଲେ ଏବଂ ଏହା ମଧ୍ୟ ହୋଇଛି। ଅଭିନେତ୍ରୀଙ୍କ ଭବିଷ୍ୟବାଣୀ ସତ ହୋଇଛି, ଯେଉଁଥିରେ ସେ ବହୁତ ଖୁସି ଅଛନ୍ତି।
କଙ୍ଗନା ଗତ ଏକ ବର୍ଷ ଧରି ତାଙ୍କ ଅଫିସିଆଲ୍ ଇନଷ୍ଟାଗ୍ରାମ ଆକାଉଣ୍ଟରୁ ଲୋକଙ୍କ ସହ ଜଡିତ ଥିଲେ। ଅନେକ ବିବାଦ କାରଣରୁ ତାଙ୍କ ଟ୍ୱିଟର ଆକାଉଣ୍ଟକୁ ସ୍ଥଗିତ ରଖାଯାଇଥିଲା। କିନ୍ତୁ ଯେତେବେଳେ ଅଭିନେତ୍ରୀ ଜାଣିଲେ ଯେ ଟ୍ୱିଟରର କମାଣ ଟେସଲା ମୁଖ୍ୟ ଏଲୋନ୍ ମସ୍କ ନେଉଛନ୍ତି ସେତେବେଳେ ସେ ଆଶା କରିଥିଲେ ଯେ ସେ ନିଶ୍ଚିତ ଟ୍ୱିଟରକୁ ଫେରିବେ।
Also Read
କେବଳ ଏତିକି ନୁହେଁ, ସେ ଏଲୋନ୍ ମସ୍କଙ୍କୁ ମଧ୍ୟ ବହୁତ ପ୍ରଶଂସା କରିଥିଲେ। ଏଭଳି ପରିସ୍ଥିତିରେ, ବର୍ତ୍ତମାନ ତାଙ୍କ ଆକାଉଣ୍ଟ ପୁଣିଥରେ ସକ୍ରିୟ ହୋଇଛି, ସେ ଇନଷ୍ଟାଗ୍ରାମରେ ଏ ବିଷୟରେ କହିଥିବା ଦେଖିବାକୁ ମିଳିଛି।
କଙ୍ଗନା ନିଜେ ତାଙ୍କ ଇନଷ୍ଟା ଷ୍ଟୋରୀ ଉପରେ ତାଙ୍କର ଭବିଷ୍ୟବାଣୀକୁ ପ୍ରଶଂସା କରି ଲେଖିଛନ୍ତି, “ମୁଁ ସବୁବେଳେ ସେହିସବୁ କଥା ନେଇ ଭବିଷ୍ୟବାଣୀ କରେ ଯାହା ଖୁବ ଶୀଘ୍ର ହୋଇଥାଏ... କିଛି ଲୋକ ମୋର ଦୂରଦୃଷ୍ଟିକୁ ଏକ୍ସ-ରେ ବୋଲି କୁହନ୍ତି, କେହି କେହି ଏହାକୁ ଅଭିଶାପ ବୋଲି କୁହନ୍ତି ଆଉ କେହି ଏହାକୁ ଯାଦୁକରୀ ବୋଲି କୁହନ୍ତି। ଆମେ ଆଉ କେତେଦିନ ଏପରି ମହିଳା ପ୍ରତିଭାକୁ ପ୍ରତ୍ୟାଖ୍ୟାନ କରିବୁ... ଭବିଷ୍ୟତର ପୂର୍ବାନୁମାନ କରିବା ସହଜ ନୁହେଁ।”
ଇଷ୍ଟାଗ୍ରାମରେ ଏମିତି କହିଲେ କଙ୍ଗନାଏହାକୁ ନେଇ ସେ ଆହୁରି ମଧ୍ୟ କହିଛନ୍ତି ଯେ “ଏଥିପାଇଁ ମଣିଷର ପ୍ରବୃତ୍ତି ଏବଂ ବ୍ୟାଖ୍ୟା କରିବା ସହିତ ପର୍ଯ୍ୟବେକ୍ଷଣ କୌଶଳ ଆବଶ୍ୟକ ହୋଇଥାଏ। ସବୁଠୁ ବଡ କଥା ହେଉଛି ଆମକୁ ଆମର ପସନ୍ଦ ଏବଂ ନାପସନ୍ଦକୁ ତ୍ୟାଗ କରିବାକୁ ପଡିଥାଏ, ଯାହା ଫଳରେ ଆମେ ଯେଉଁ ବିଷୟକୁ ପଢିବାକୁ ଚାହୁଁ ତାକୁ ପଢିପାରୁ।”
କଙ୍ଗନାଙ୍କ ଏହି କଥାରୁ ଏହା ସ୍ପଷ୍ଟ ଯେ ସେ ଟ୍ୱିଟରକୁ ଫେରିଛନ୍ତି ଓ ସେ ବିଷୟରେ କହୁଛନ୍ତି। ପ୍ରକାଶଥାଉ ଯେ ପଶ୍ଟିମବଙ୍ଗ ବିଧାନସଭା ନିର୍ବାଚନର ଫଳାଫଳ ସମ୍ପର୍କରେ ମତାମତ ଦେବା ପରେ କଙ୍ଗନାଙ୍କ ଟ୍ୱିଟର ଆକାଉଣ୍ଟକୁ ବ୍ୟାନ୍ କରାଯାଇଥିଲା। ଏନେଇ ତାଙ୍କ ପ୍ରଶଂସକମାନେ ମଧ୍ୟ କ୍ରୋଧିତ ହୋଇଥିଲେ।
