ଚଳଚ୍ଚିତ୍ର ଜଗତ ମିଛ, ଏଠି ସବୁକିଛି ଫେକ୍; ଏହା ଏକ ନକଲି ଦୁନିଆ ଯାହା ଦର୍ଶକଙ୍କୁ ଆକର୍ଷଣ କରେ - କଙ୍ଗନା

ଭାରତୀୟ ସିନେମାରେ ଅନେକ ଅଭିନେତ୍ରୀ ଅଛନ୍ତି ଯେଉଁମାନେ ଅଭିନୟ ସହିତ ରାଜନୀତିରେ ସକ୍ରିୟ ଅଛନ୍ତି। ହେମା ମାଳିନୀ, ଜୟା ବଚ୍ଚନ, କିରନ୍ ଖେରଙ୍କ ପରି ଅନେକ ବଡ ବଡ ନାମ ଅଛି ଯେଉଁମାନେ ରାଜନୀତିରେ ସକ୍ରିୟ ଅଛନ୍ତି ଏବଂ ଚଳଚ୍ଚିତ୍ରରେ ସେମାନଙ୍କର ଜଲ୍‌ୱା ଦେଖଉଛନ୍ତି।

ଅନେକ ଅଭିନେତ୍ରୀ ଅଛନ୍ତି ଯେଉଁମାନେ ରାଜନେତା ହେବା ପରେ ଗ୍ଲାମର ଇଣ୍ଡଷ୍ଟ୍ରିକୁ ମଧ୍ୟ ବିଦାୟ ଦେଇଛନ୍ତି। ବର୍ତ୍ତମାନ ଅନ୍ୟ ଜଣେ ଅଭିନେତ୍ରୀଙ୍କ କଥାବାର୍ତ୍ତାରୁ ଲାଗୁଛି ସେ ମଧ୍ୟ ଏମିତି ଯୋଜନା କରୁଛନ୍ତି। ବଲିଉଡ୍‌ର ଏହି ଜଣାଶୁଣା ନାୟିକା ଆଗାମୀ ଦିନରେ ବଲିଉଡ୍‌ରୁ ବିଦାୟ ନେଇପାରନ୍ତି, କିନ୍ତୁ ତାଙ୍କର ଏକ ସର୍ତ୍ତ ରହିଛି।

ଅଧିକ ପଢ଼ନ୍ତୁ: ଅଭିନୟ ସହ ଭାରତ ଛାଡିଦେବେ ଅନୁଷ୍କା ଶର୍ମା ! ବିରାଟଙ୍କ ସହ ଚାଲିଯିବେ କି ଲଣ୍ଡନ୍ !

ଆମେ ଏଠାରେ ଯେଉଁ ଅଭିନେତ୍ରୀଙ୍କ କଥା କହୁଛୁ ସେ ହେଲେ କଙ୍ଗନା ରାଣାୱତ, ଯିଏ ଚଳିତ ବର୍ଷ ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରୁଛନ୍ତି ଏବଂ ପ୍ରଚାରରେ ମଧ୍ୟ ମାତିଯାଇଛନ୍ତି। ସେ ହିମାଚଳ ପ୍ରଦେଶର ମଣ୍ଡି ନିର୍ବାଚନମଣ୍ଡଳୀରୁ ଭାରତୀୟ ଜନତା ପାର୍ଟିର ପ୍ରତିନିଧିତ୍ୱ କରୁଛନ୍ତି।

ଏହି ଅଭିନେତ୍ରୀ ବଲିଉଡ୍‌ର ସେଲିବ୍ରିଟିମାନଙ୍କୁ କଟାକ୍ଷ କରିବା ନେଇ ପାଇଁ ଜଣାଶୁଣା। ଏନେଇ ତାଙ୍କୁ ପଙ୍ଗା ଗାର୍ଲ ମଧ୍ୟ କୁହାଯାଏ। ଯଦି ସେ ନିର୍ବାଚନରେ ​​ଜିତନ୍ତି ତେବେ ଅଭିନୟ ଛାଡିଦେବେ ବୋଲି କହିଛନ୍ତି।

କଙ୍ଗନା ଅନୁରାଗ ବସୁଙ୍କ ଫିଲ୍ମ ‘ଗ୍ୟାଙ୍ଗଷ୍ଟର୍‌’ରେ ଇମ୍ରାନ ହାଶମୀ ଏବଂ ଜ୍ୟୋତି ଆହୁଜାଙ୍କ ସହ ବଲିଉଡ୍‌ରେ ଡେବ୍ୟୁ କରିଥିଲେ। ତାଙ୍କ କ୍ୟାରିୟରରେ ସେ ଫ୍ୟାଶନ, ତନୁ ୱେଡ୍‌ସ୍ ମନୁ, କ୍ୱିନ୍ ଏବଂ ଅନ୍ୟାନ୍ୟ ଚଳଚ୍ଚିତ୍ର ସହିତ ଫିଲ୍ମ ଇଣ୍ଡଷ୍ଟ୍ରିର ଜଣେ ଶ୍ରେଷ୍ଠ ଅଭିନେତ୍ରୀ ଭାବରେ ନିଜକୁ ପ୍ରତିଷ୍ଠିତ କରିଛନ୍ତି। ସେ ତାଙ୍କର ଆଗାମୀ ଫିଲ୍ମ ‘ଏମର୍‌ଜେନ୍‌ସୀ’ରେ କେବଳ ମୁଖ୍ୟ ଷ୍ଟାର ଭୂମିକାରେ ଅଭିନୟ କରିନାହାଁନ୍ତି ବରଂ ଏହାର ନିର୍ଦ୍ଦେଶନା ମଧ୍ୟ ଦେଇଛନ୍ତି।

ବର୍ତ୍ତମାନ କଙ୍ଗନା ତାଙ୍କ ନିର୍ବାଚନ ପ୍ରଚାରରେ ବ୍ୟସ୍ତ ଅଛନ୍ତି ଏବଂ ତାଙ୍କର କିଛି ମତରେ ସେ ଚର୍ଚ୍ଚାକୁ ଆସିବାକୁ ଚେଷ୍ଟା କରୁଛନ୍ତି। ଉଦାହରଣ ସ୍ୱରୂପ, କିଛି ଦିନ ପୂର୍ବରୁ ଅଭିନେତ୍ରୀ ନିଜକୁ ମେଗାଷ୍ଟାର ଅମିତାଭ ବଚ୍ଚନଙ୍କ ସହ ତୁଳନା କରିଥିଲେ। ପରେ, ତାଙ୍କର ଏଭଳି ମତ ପାଇଁ ସେ ଟ୍ରୋଲ୍‌ର ଶିକାର ହୋଇଥିଲେ।

ନିଜକୁ ବିଗ୍‌ ବିଙ୍କ ସହିତ ତୁଳନା କରି ସେ କହିଥିଲେ, “ସାରା ଦେଶ ଚାହୁଁଛି ମୁଁ ରାଜସ୍ଥାନକୁ ଚାଲିଯାଏ, ମୁଁ ପଶ୍ଚିମବଙ୍ଗ ଚାଲିଯାଏ, ଦିଲ୍ଲୀ ଚାଲିଯାଏ, ମଣିପୁର ଚାଲିଯାଏ। ଏମିତି ଲାଗୁଛି ଯେ ଏତେ ପ୍ରେମ ଏବଂ ସମ୍ମାନ। ମୁଁ ନିଶ୍ଚିତ ଭାବରେ କହିପାରିବି ଯେ ଅମିତାଭ ବଚ୍ଚନ ଜୀଙ୍କ ପରେ, ଯଦି ଆଜି ଇଣ୍ଡଷ୍ଟ୍ରିରେ ଆଉ କେହି ଥାଏ ଯାହାଙ୍କୁ ଏମିତି ସମ୍ମାନ ମିଳୁଛି ସେ ହେଉଛି ମୁଁ।”

ଅଧିକ ପଢ଼ନ୍ତୁ: ମୁହଁରେ ସେଭିଂ କ୍ରିମ୍ ମାରି, ରେଜର୍‌ରେ ଦାଢି କାଟୁଛନ୍ତି ସୋନମ କପୁର

ବର୍ତ୍ତମାନ କଙ୍ଗନା କହିଛନ୍ତି ଯେ ଯଦି ସେ ଲୋକସଭା ନିର୍ବାଚନରେ ​​ଜିତନ୍ତି ତେବେ ସେ ବଲିଉଡ ଛାଡିଦେବେ। ନିକଟରେ ଏକ ସାକ୍ଷାତକାରରେ ତାଙ୍କ ନିର୍ବାଚନ ପରର ଯୋଜନା ବିଷୟରେ ପ୍ରକାଶ କରିଥିଲେ। ନିର୍ବାଚନ ପରେ ସେ ବଲିଉଡ୍‌ ଛାଡିବେ କି ବୋଲି ପଚରାଯିବାରୁ ଅଭିନେତ୍ରୀ ଉତ୍ତରରେ ‘ହଁ’ କହିଥିଲେ।

କଙ୍ଗନା ଏହା ମଧ୍ୟ କହିଛନ୍ତି, “ଚଳଚ୍ଚିତ୍ର ଜଗତ ମିଛ; ସେଠାରେ ସବୁକିଛି ଫେକ୍। ଏହା ଏକ ଭିନ୍ନ ପରିବେଶ ସୃଷ୍ଟି କରେ। ଏହା ଏକ ନକଲି ବୁଲ୍‌ବୁଲ୍ ପରି ଏକ ଉଜ୍ଜ୍ୱଳମୟ ଦୁନିଆ, ଯାହା ଦର୍ଶକଙ୍କୁ ଆକର୍ଷିତ କରିବା ପାଇଁ ଉଦ୍ଦିଷ୍ଟ। ମୁଁ ବହୁତ ଆବେଗପୂର୍ଣ୍ଣ ବ୍ୟକ୍ତି।”

ସେ ପୁଣି କହିଛନ୍ତି, “ମୁଁ କେବେ ବି ସେହି କାମ କରିବାକୁ ଚାହୁଁ ନ ଥିଲି ଯାହା ମୋତେ କରିବାକୁ ପଡୁଥିଲା। ଏପରିକି ଚଳଚ୍ଚିତ୍ରରେ, ମୁଁ ଲେଖିବା ଆରମ୍ଭ କରିଦିଏ ଏବଂ ଯେତେବେଳେ ମୁଁ ଏକ ଭୂମିକାରେ ଅଭିନୟ କରିବାକୁ ମଜ୍ଜିଯାଏ, ସେତେବେଳେ ମୁଁ ନିର୍ଦ୍ଦେଶନା କିମ୍ବା ପ୍ରଡକ୍ସନ୍ ଆରମ୍ଭ କରିଦିଏ। ମୋର ବହୁତ ଉର୍ବର ମସ୍ତିଷ୍କ ଅଛି ଏବଂ ମୁଁ ଯାହା କରେ ଯତ୍ନର ସହ କରିବାକୁ ଚାହେଁ।”