LIVE TV
ସୁଶାନ୍ତ ସିଂ ରାଜପୁତଙ୍କ ଦେହାନ୍ତ ପରେ କଙ୍ଗନା ରଣାୱତ ହେଉଛନ୍ତି ପ୍ରଥମ ବଲିଉଡ ଅଭିନେତ୍ରୀ, ଯିଏ କି ନେପୋଟିଜିମ୍ ବିରୋଧରେ ଖୋଲାଖୋଲି ଭାବେ ନିଜର ରାୟ ଦେଇଥିଲେ । ଏମିତିକି କରନ ଜୋହରଙ୍କଠାରୁ ହ୍ରିତିକ ରୋଶନଙ୍କ ପର୍ଯ୍ୟନ୍ତ ବଡ଼ ବଡ଼ ସେଲିବ୍ରିଟିଙ୍କୁ ଟାର୍ଗେଟ୍ କରିଥିଲେ କଙ୍ଗନା । କିନ୍ତୁ ଏବେ ଏହି ପ୍ରସଙ୍ଗରେ 'ପଙ୍ଗା କୁଇନ୍’ଙ୍କର ସ୍ୱର ସଂପୂର୍ଣ୍ଣ ବଦଳି ଯାଇଛି । ଏକତା କପୁରଙ୍କ ଶୋ’ 'ଲକ୍ ଅପ୍' ସହ ଯୋଡ଼ି ହେବା ପରେ କଙ୍ଗନାଙ୍କ ମତ ବଦଳି ଯାଇଛି ।
ନେପୋଟିଜିମ୍କୁ ନେଇ କଙ୍ଗନାଙ୍କର କୌଣସି ଅସୁବିଧା ନାହିଁ
Also Read
ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ପରେ କଙ୍ଗନା ରଣାୱତ ବଲିଉଡରେ ପରିବାରବାଦ୍କୁ ନେଇ ଟାର୍ଗେଟ୍ କରିଥିଲେ । ଏନେଇ ଏକ ବଡ଼ ବିତର୍କ ବି ଆରମ୍ଭ ହୋଇଥିଲା । କିନ୍ତୁ ଏବେ କଙ୍ଗନାଙ୍କର ସ୍ୱର ବଦଳିଯାଇଛି । ବଲିଉଡ୍ରେ ପରିବାରବାଦ୍ ବା ନେପୋଟିଜିମ୍କୁ ନେଇ ତାଙ୍କର ଆଉ କିଛି ବି ଅଭିଯୋଗ ନଥିବା ଭଳି ମନେ ହେଉଛି । କିଛି ଦିନ ହେବ କଙ୍ଗନାଙ୍କର ଏକ ଭିଡିଓ ଭାଇରାଲ ହେବାରେ ଲାଗିଛି, ଯେଉଁଥିରେ ସେ କହୁଛନ୍ତି, ନେପୋଟିଜିମ୍କୁ ନେଇ ତାଙ୍କର କୌଣସି ଅସୁବିଧା ନାହିଁ । ଏମିତିକି ବଲିଉଡ୍ରେ ନେପୋଟିଜିମ୍କୁ ନେଇ ତାଙ୍କର କେବେ କିଛି ଅସୁବିଧା ନଥିଲା ବୋଲି ସେ କହିଛନ୍ତି ।
'ପଙ୍ଗା କୁଇନ୍'ଙ୍କର ଏକ ଭିଡିଓ ତାଙ୍କ ଫ୍ୟାନ୍ ପେଜ୍ରେ ସେୟାର କରାଯାଇଛି, ଯାହାକି ଏବେ ଖୁବ୍ ଭାଇରାଲ ହେବାରେ ଲାଗିଛି । ଭିଡିଓଟି କୌଣସି ଏକ ସାକ୍ଷାତକାର ସମୟ ବୋଲି ଜଣାପଡ଼ୁଛି । ଯେଉଁଥିରେ କଙ୍ଗନା କହୁଛନ୍ତି, ନେପୋଟିଜିମ୍କୁ ନେଇ ତାଙ୍କର କେବେ ବି କୌଣସି ସମସ୍ୟା ନଥିଲା । କିନ୍ତୁ ଆଉଟ୍ସାଇଡର୍ସଙ୍କ ପାଇଁ ଯେଭଳି ଗ୍ୟାଙ୍ଗ୍ ତିଆରି ହୁଏ ତାହା ତାଙ୍କ ପାଇଁ ବଡ଼ ସମସ୍ୟା । ସେ ଏହି ଗ୍ୟାଙ୍ଗ୍ ଗଠନକୁ ବିରୋଧ କରନ୍ତି । କେବଳ ନେପୋଟିଜିମ୍ ଯୋଗୁଁ ହିଁ ଆଉଟ୍ସାଇଡର୍ସଙ୍କ ପାଇଁ ଗ୍ୟାଙ୍ଗ ତିଆରି ହେଉଛି । ଏହି ଦୁଇଟି ଭିନ୍ନ ପ୍ରସଙ୍ଗ । ଯଦି ଜଣେ ନିଜ କାମ ଶାନ୍ତିରେ ଏବଂ ଆରାମରେ କରୁଛି, ତେବେ ଏଥିରେ କାହାର କୌଣସି ସମସ୍ୟା ହେବା ଉଚିତ୍ ନୁହେଁ । କିନ୍ତୁ ସମସ୍ୟା ସେତେବେଳେ ଉପୁଜୁଛି ଯେତେବେଳେ କୁହାଯାଏ ଯେ, ଏହି ଅଭିନେତା ବାହାର ଦୁନିଆର । ତେଣୁ ତାଙ୍କ ପାଇଁ ଏଠି ସ୍ଥାନ ନାହିଁ । ସେ ଏଠାରେ ରହିବା ଉଚିତ୍ ନୁହେଁ । ଏଭଳି ମାନସିକତା ରଖୁଥିବା ଲୋକଙ୍କୁ ହିଁ ସେ ବିରୋଧ କରନ୍ତି । ଏକତା କପୁର କଦାପି ଏଭଳି ବୁଲି ଗ୍ୟାଙ୍ଗ୍ର ଅଂଶ ନୁହଁନ୍ତି ।
ଏକତା କପୁରଙ୍କ ଶୋ’ରେ କଙ୍ଗନା ରାଣାୱତ
କଙ୍ଗନା ଖୁବ୍ଶୀଘ୍ର OTT ପ୍ଲାଟ୍ଫର୍ମରେ ଡେବ୍ୟୁ କରିବାକୁ ଯାଉଛନ୍ତି । ଏକତା କପୁରଙ୍କ ଶୋ’ 'ଲକ୍ ଅପ୍'ରେ କଙ୍ଗନା ନଜର ଆସିବେ । ଯାହାକି ଫେବୃଆରୀ ୨୭ ରୁ OTT ପ୍ଲାଟଫର୍ମ MX ପ୍ଲେୟାର ଏବଂ ଆଲ୍ଟ ବାଲାଜୀରେ ପ୍ରସାରଣ ହେବ । ଏହି ଶୋ’ରେ ୧୬ ଜଣ ବିବାଦୀୟ ପ୍ରତିଯୋଗୀ ଲକ୍-ଅପରେ ବନ୍ଦ ରହିବେ । ଏହି ଶୋ’କୁ କଲର୍ସର ‘ବିଗ୍ ବସ୍’ ସହ ତୁଳନା କରାଯାଉଛି ।
