ଜୁହି କହିଲେ ନିଜ ପ୍ରେମ କାହାଣୀ; ମିଳିଥିଲା ଗୋଟେ ଟ୍ରକ୍ ନାଲି ଗୋଲାପ, ତା’ପରେ…

ହୁଏତ ଏହା ହୋଇପାରେ ଯେ ଆଜିର ଇଣ୍ଟର୍‌ନେଟ୍ ଯୁଗରେ ବନ୍ଧୁତ୍ୱପୂର୍ଣ୍ଣ ଦମ୍ପତ୍ତି ଏହା ଶୁଣି ଆଶ୍ଚର୍ଯ୍ୟ ହୋଇପାରନ୍ତି, କିନ୍ତୁ ଏହି ବିଷୟଟି ନିଶ୍ଚିତ ଅଟେ। ବଲିଉଡ୍‌ର ପ୍ରସିଦ୍ଧ ଅଭିନେତା ଜୁହି ଚାୱଲାଙ୍କ ବିବାହ ପୂର୍ବରୁ ତାଙ୍କର ହେବାକୁ ଥିବା ସ୍ୱାମୀ କେବଳ ଗୋଟିଏ ଗୋଲାପ ନୁହେଁ ଗୋଲାପରେ ପରିପୂର୍ଣ୍ଣ ଏକ ଟ୍ରକ୍ ପଠାଇ ନିଜର ପ୍ରେମ ବ୍ୟକ୍ତ କରିଥିଲେ।

ନିକଟରେ ଜୁହି ନିଜେ ଖୁସିରେ ଏହା ପ୍ରକାଶ କରିଛନ୍ତି। ସେ କହିଥିଲେ, “ଥରେ, ମୋ ଜନ୍ମଦିନରେ ସେ ମୋତେ ନାଲି ଗୋଲାପରେ ପରିପୂର୍ଣ୍ଣ ଏକ ଟ୍ରକ୍ ପଠାଇଥିଲେ। ଏହା ଦେଖିବା ପରେ ମୋ ଖୁସିର କୌଣସି ସୀମା ନଥିଲା, ତଥାପି ତାଙ୍କୁ ହଁ କହିବାକୁ ମୋତେ ଏକ ବର୍ଷ ଲାଗିଗଲା।”

ବିବାହ ପୂର୍ବରୁ ପ୍ରେମ ଚିଠି:

ପ୍ରକାଶଥାଉ ଯେ ଜୁହି ଚାୱଲା ୨୯ ବର୍ଷ ପୂର୍ବେ ଶିଳ୍ପପତି ଜୟ ମେହେଟ୍ଟାଙ୍କୁ ବିବାହ କରିଥିଲେ। କେବଳ ଏତିକି ନୁହେଁ, ସେ ନିଜର ପ୍ରେମ କାହାଣୀ ବିଷୟରେ ଅନ୍ୟ ଏକ ସୁନ୍ଦର କଥା କହିଛନ୍ତି ଯେ ସେମାନେ କିପରି ବିବାହ ପୂର୍ବରୁ ପରସ୍ପରକୁ ପ୍ରେମ ଚିଠି ଏବଂ କାର୍ଡ ପଠାଉଥିଲେ। ତେବେ ଜୁହି ଏକ ସେଲିବ୍ରିଟି ଡ୍ୟାନ୍ସ ରିୟଲିଟି ଶୋ’ 'ଝଲକ୍ ଦିଖ୍‌ଲା ଜା'ର ସ୍ୱତନ୍ତ୍ର ଏପିସୋଡ୍ ସମୟରେ ଏସବୁ କହିଥିବା ଦେଖିବାକୁ ମିଳିଥିଲା।

ସେ କହିଛନ୍ତି ଯେ ଜୟଙ୍କ ସହ ବିବାହ ପୂର୍ବରୁ ତାଙ୍କ ପ୍ରେମ କାହାଣୀ ଚମତ୍କାର ଥିଲା। ସେ ତାଙ୍କର ପୁରୁଣା ସ୍ମୃତିକୁ ମନେପକାଇ କହିଛନ୍ତି, “ବିବାହ ପୂର୍ବରୁ ସେ ପ୍ରତିଦିନ ମୋତେ ଚିଠି ଲେଖୁଥିଲେ। ଏହା ବହୁତ ମଜାଦାର ଥିଲା କିନ୍ତୁ ବିବାହ ପରେ ଏସବୁ ବନ୍ଦ ହୋଇଗଲା। ଆମେ ସେତେବେଳେ ପରସ୍ପରକୁ ଚିଠି ଏବଂ କାର୍ଡ ପଠାଉଥିଲୁ, କିନ୍ତୁ ବର୍ତ୍ତମାନ ଏହା ଇମେଲ୍‌ ଏବଂ ହ୍ୱାଟ୍ସଆପ୍ ମେସେଜ୍‌ରେ ବଦଳିଯାଇଛି।”

ଜୁହି ଏପର୍ଯ୍ୟନ୍ତ ମଧ୍ୟ ମନେ ରଖିଛନ୍ତି ଯେତେବେଳେ ସେ ଏବଂ ଜୟ ଏକ ରାତ୍ରୀ ଭୋଜନରେ ଭେଟାଭେଟି ହୋଇଥିଲେ, ଜୟ କିପରି ତାଙ୍କ ଚାରିପାଖରେ ବୁଲିବା ଆରମ୍ଭ କରିଥିଲେ। ଏହା ସହିତ ଜୁହି ମଧ୍ୟ ଶୋ’ରେ ଭାଗ ନେଇଥିବା ଅଂଶଗ୍ରହଣକାରୀଙ୍କ ପ୍ରଦର୍ଶନକୁ ପ୍ରଶଂସା କରୁଥିଲେ। ଜୁହି କୋରିଓଗ୍ରାଫର ଆକାଶ ଥାପା ଏବଂ ଆନ୍ଦ୍ରିଜା ସିହ୍ନାଙ୍କ ପ୍ରଦର୍ଶନକୁ ଖୁବ ଚମତ୍କାର ବୋଲି କହିଥିଲେ। ସେ କହିଥିଲେ ଯେ ମଞ୍ଚରେ ପରସ୍ପର ସହ ପାଦ ମିଲେଇ ଭଲ ପ୍ରଦର୍ଶନ କରିବା ସହଜ ନୁହେଁ।