LIVE TV
ବଲିଉଡ୍ର ଭେଟେରାନ୍ ଅଭିନେତା ଜିତେନ୍ଦ୍ର ଆଜି ଇଣ୍ଡଷ୍ଟ୍ରିରେ ଏକ ବଡ ନା’, କିନ୍ତୁ ଏପରି ଏକ ସମୟ ଥିଲା ଯେତେବେଳେ ନିର୍ମାତା ଚଳଚ୍ଚିତ୍ରରେ କାମ କରିବାକୁ ମନା କରିଦେଇଥିଲେ। ଶାନ୍ତାରାମ ତାଙ୍କୁ କୌଣସି ଭୂମିକା ଦେବାକୁ ମନା କରିଦେଇଥିଲେ।
ପରେ କିନ୍ତୁ ତାଙ୍କୁ କୁହାଯାଇଥିଲା ଯଦି କେହି ଜୁନିୟର୍ ଅଭିନେତା ନ ଆସନ୍ତି ତେବେ ତାଙ୍କୁ କାମ କରିବାକୁ ଦିଆଯିବ। ଏଥିପାଇଁ ସେ ପ୍ରତିଦିନ ସେଟ୍ ବୁଲୁଥିଲେ। ଏହି ସମୟରେ ତାଙ୍କୁ ଏକ କାମ ପାଇଁ ମାସକୁ ୧୦୫ ଟଙ୍କା ଦରମା ମିଳିବାକୁ କୁହାଗଲା, ସେ କିଛି ନ ଭାବି ତୁରନ୍ତ ରାଜି ହୋଇଗଲେ।
ଜିତେନ୍ଦ୍ର ତାଙ୍କର ଅଭିନୟ ତଥା ତିନି ଦଶନ୍ଧିର କ୍ୟାରିୟରରେ ଡ୍ୟାନ୍ସ ପାଇଁ ବେଶ ପରିଚୟ ପାଇଥିଲେ। ତାଙ୍କର ପୂରା ନିଆରା ଡ୍ୟାନ୍ସ ଷ୍ଟାଇଲ୍କୁ ଆଜି ବି ଲୋକମାନେ ଭୁଲି ନାହାଁନ୍ତି। ଏହି କାରଣରୁ, ଇଣ୍ଡଷ୍ଟ୍ରିରେ ତାଙ୍କୁ ଜମ୍ପିଂ ଜ୍ୟାକ୍ ବୋଲି କୁହାଯାଏ।
Also Read
ଜିତେନ୍ଦ୍ର ତାଙ୍କ କ୍ୟାରିୟରରେ ଏମିତି ଏକ ଚଳଚ୍ଚିତ୍ରରେ କାମ କରିଥିଲେ ଯାହାର ଟିକେଟ୍ ବ୍ଲକ୍ବଷ୍ଟର ଫିଲ୍ମ ‘ଶୋଲେ’ଠାରୁ ବି ଅଧିକ ବିକ୍ରି ହୋଇଥିଲା। କେବଳ ଏତିକି ନୁହେଁ, ତାଙ୍କର ଏହି ଚଳଚ୍ଚିତ୍ର ଚୀନ୍ ବକ୍ସ ଅଫିସ୍ରେ ମଧ୍ୟ ଧମାଲ କରିଥିଲା। ସେ ତାଙ୍କ କ୍ୟାରିୟରରେ ୨୦୦ରୁ ଅଧିକ ଚଳଚ୍ଚିତ୍ରରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି। ସେ 'ପରିଚୟ' ଓ 'କିନାରା' ଭଳି ଚଳଚ୍ଚିତ୍ରରେ ଲୋକଙ୍କ ହୃଦୟ ଜିତିଛନ୍ତି।
କିନ୍ତୁ ଜିତେନ୍ଦ୍ରଙ୍କ ଏହି ଚଳଚ୍ଚିତ୍ର ସେ ସମୟରେ ବକ୍ସ ଅଫିସରେ ଏତେ ବଡ ହିଟ୍ ହୋଇଥିଲା ଯେ ଯାହାକୁ ହିନ୍ଦୀ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ପୁନରାବୃତ୍ତି କରିବା ପାଇଁ ପ୍ରାୟ ୪୦ ବର୍ଷ ସମୟ ଲାଗିଥିଲା। ଜିତେନ୍ଦ୍ର ତାଙ୍କ ଯୁଗରେ ପ୍ରାୟ ପ୍ରତ୍ୟେକ ଅଭିନେତ୍ରୀଙ୍କ ସହ କାମ କରିଛନ୍ତି। ସେ ତାଙ୍କର ପ୍ରତ୍ୟେକ ଚରିତ୍ରରେ ଜାନ୍ ଲଗେଇ କାମ କରୁଥିଲେ।
'ଚଡ୍ତି ଜବାନୀ ମେରୀ ଚାଲ୍ ମସ୍ତାନୀ', 'ଦୈୟା ୟେ ମେ କହାଁ ଆ ଫସୀ', 'ଦିଲ୍ବର୍ ଦିଲ୍ ସେ ପ୍ୟାରେ', 'କିତ୍ନା ପ୍ୟାରା ବାଦା ହେ' ଏବଂ 'ପିଆ ତୁ ଅବ୍ ତୋ ଆଜା'… ଭଳି ଗୀତ ଆପଣ ନିଶ୍ଚୟ ଶୁଣିଥିବେ। କିନ୍ତୁ ଆପଣ ଜାଣନ୍ତି କି ଏହି ସବୁ ଗୀତ ଗୋଟିଏ ଚଳଚ୍ଚିତ୍ରର। ଏହି ଗୀତଗୁଡ଼ିକ ଜିତେନ୍ଦ୍ର ଏବଂ ଆଶା ପାରେଖଙ୍କ ଅଭିନୀତ ଚଳଚ୍ଚିତ୍ର 'କାରାଭାନ୍'ର। ଏହା ଏକ ବଡ ମ୍ୟୁଜିକାଲ୍ ହିଟ୍ ଫିଲ୍ମ ବୋଲି ପ୍ରମାଣିତ ହୋଇଥିଲା। ୧୯୭୧ ମସିହାରେ ଭାରତୀୟ ବକ୍ସ ଅଫିସ୍ରେ 'କାରାଭାନ୍'ର ମୋଟ ରୋଜଗାର ପ୍ରାୟ ୩କୋଟି ୬୦ ଲକ୍ଷ ଟଙ୍କା ଥିଲା।
ଜିତେନ୍ଦ୍ରଙ୍କ ଏହି ଫିଲ୍ମ ଭାରତରେ ରିଲିଜ୍ ହେବାର ୮ ବର୍ଷ ପରେ ଚାଇନାରେ ରିଲିଜ୍ ହୋଇଥିଲା। ଭାରତରେ ଲୋକଙ୍କୁ ପାଗଳ କରିଦେଇଥିବା ଏହି ଚଳଚ୍ଚିତ୍ର ଚାଇନାରେ ମଧ୍ୟ ଲୋକଙ୍କ ହୃଦୟ ଜିତିଥିଲା। ଏହି ଚଳଚ୍ଚିତ୍ରର କ୍ରେଜ୍ ଏପରି ଥିଲା ଯେ କିଛି ଦିନ ମଧ୍ୟରେ ଏହା ରାଜ କପୁରଙ୍କ 'ଆୱାରା'ର ରେକର୍ଡ ଭାଙ୍ଗିଥିଲା, ଯାହା ବିଦେଶରେ ଏକ ବଡ଼ ଧରଣର ହିଟ୍ ହୋଇଥିଲା। କିଛି ରିପୋର୍ଟ ଅନୁସାରେ ଏହି ଫିଲ୍ମ ପାଇଁ ୩୧କୋଟିରୁ ଅଧିକ ଟିକେଟ୍ ବିକ୍ରି ହୋଇଥିଲା।
ଅମିତାଭ ବଚ୍ଚନ, ଧର୍ମେନ୍ଦ୍ର, ହେମା ମାଳିନୀ ଏବଂ ଜୟା ଭାଦୁଡିଙ୍କ ଅଭିନୀତ ଚଳଚ୍ଚିତ୍ର 'ଶୋଲେ' ୧୯୭୫ର ବ୍ଲକବଷ୍ଟର ଚଳଚ୍ଚିତ୍ର ଥିଲା। ଏହା ଭାରତର ସବୁଠାରୁ ବଡ ଚଳଚ୍ଚିତ୍ର ଭାବେ ପରିଗଣିତ। ପରିସଂଖ୍ୟାନ ଅନୁଯାୟୀ, ସାରା ବିଶ୍ୱରେ 'ଶୋଲେ'ର ପ୍ରାୟ ୨୫ କୋଟି ଟିକେଟ୍ ବିକ୍ରି ହୋଇଥିଲା। ତୁଳନାତ୍ମକ ଭାବେ, ଜିତେନ୍ଦ୍ରଙ୍କ 'କାରାଭାନ୍' ପାଇଁ ଫିଲ୍ମର ମୋଟ ଉପରେ ୩୧ କୋଟିରୁ ଅଧିକ ଟିକେଟ୍ ବିକ୍ରି ହୋଇଥିଲା।
