LIVE TV
ବିଶିଷ୍ଟ ଚଳଚ୍ଚିତ୍ର ନିର୍ମାତା ଭିପୁଲ ଅମ୍ରୁତଲାଲ୍ ଶାହା ଦର୍ଶକଙ୍କୁ ସବୁବେଳେ କିଛି ନା କିଛି ଆଶ୍ଚର୍ଯ୍ୟଜନକ କାହାଣୀ ଦେଇଥା’ନ୍ତି ଏବଂ ସେଥିମଧ୍ୟରୁ ଗୋଟିଏ ହେଉଛି ତାଙ୍କର ଆକ୍ସନ୍ ଥ୍ରୀଲର 'ସନକ'। ବିଦ୍ୟୁତ ଜାମୱାଲଙ୍କ ଅଭିନୀତ ଏହି ଚଳଚ୍ଚିତ୍ରଟି ୧୫ ଅକ୍ଟୋବର ୨୦୨୧ ରେ ଡିଜିଟାଲ୍ ମୁକ୍ତିଲାଭ କରିଥିଲା। ଚଳିତ ମାସରେ ଏହାର ୧ ବର୍ଷ ପୂରଣ ହୋଇଛି। ତେବେ ସଂଯୋଗବଶତଃ ହଲିଉଡ୍ ଚଳଚ୍ଚିତ୍ର ନିର୍ମାତା ଏହାକୁ ଆମେରିକାରେ ରିମେକ୍ କରିବା ନେଇ ଗ୍ରୀନ୍ ସିଗ୍ନାଲ୍ ଦେଇଛନ୍ତି।
ନିକଟରେ ଆମେରିକାରେ ସନକକୁ ରିମେକ୍ କରିବାକୁ ଆଗ୍ରହ ଦେଖାଇଥିବା ହଲିଉଡ୍ ଚଳଚ୍ଚିତ୍ର ନିର୍ମାତା ତଥା ନିର୍ମାତା କାଇଲନ୍ ଟାଇଙ୍ଗ ଭିପୁଲ ଅମୃତଲାଲ ଶାହାଙ୍କୁ ଜଣେଇଛନ୍ତି। କାଇଲନ୍ ଟାଇଙ୍ଗ 'ଲଷ୍ଟ୍ ଆଣ୍ଡ୍ ଫାଇଣ୍ଡ୍', 'ଗିଗଲବଟ୍' ଭଳି ଅନେକ ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି। ତେବେ ଏହା ଦେଶ ପାଇଁ ଗର୍ବର କଥା ଯେ ଏକ ଭାରତୀୟ ଚଳଚ୍ଚିତ୍ରକୁ ରିମେକ୍ କରିବା ନେଇ ହଡିଉଡ ତରଫରୁ ଅଫର ମିଳିଛି।
ଏହି ପରିପ୍ରେକ୍ଷୀରେ ଭିପୁଲ ଶାହା କହିଛନ୍ତି, “ମୋର ନିର୍ଦ୍ଦେଶକ କନିଷ୍କ ଭର୍ମାଙ୍କୁ ଏକ ମେଲ ଆସିଛି ଏବଂ ତାଙ୍କୁ ପଚରାଯାଇଛି ଏବଂ ସେ ଏହାକୁ ମୋତେ ପଠାଇଛନ୍ତି। ମୁଁ ବହୁତ ଉତ୍ସାହିତ ଅଛି ଯେ ମୋ ଜୀବନରେ ଏହା ଏକ ଆଶ୍ଚର୍ଯ୍ୟଜନକ ସଂଯୋଗ ଯେ ମୋର ପ୍ରଥମ ଚଳଚ୍ଚିତ୍ର 'ଆଙ୍ଖେ' ପାଇଁ ମଧ୍ୟ ହଲିଉଡରୁ ଅଫର୍ ମିଳିଥିଲା। ତେବେ କୌଣସି କାରଣରୁ ଏହା ହୋଇ ପାରିଲା ନାହିଁ। ଏକ ଉତ୍ପାଦନ ପ୍ରଯୋଜନା ସଂସ୍ଥା ପାଇଁ ଏହା ଏକ ଅବିଶ୍ୱସନୀୟ ସମ୍ମାନ।”
Also Read
ସେ ଆହୁରି କହିଛନ୍ତି ଯେ “ମୁଁ ଜାଣେ ନାହିଁ ଏହା ବାସ୍ତବ ରୂପ ନେବ କି ନାହିଁ, କିନ୍ତୁ ପ୍ରକୃତ କଥା ହେଉଛି ଏହା ମୋତେ ଉତ୍ସାହ କରୁଛି। ତେବେ ନମ୍ରତା ସହିତ କହିପାରେ ମୁଁ ଏକମାତ୍ର ବ୍ୟକ୍ତି ଯିଏକି ଦୁଇଟି ଚଳଚ୍ଚିତ୍ରର ରିମେକ୍ ପାଇଁ ହଲିଉଡ୍ ଦ୍ୱାରା ଅଫର୍ ପାଇଛି।”
ସେ ଫିଲ୍ମର ଟିମ୍କୁ ପ୍ରଶଂସା କରି କହିଛନ୍ତି “ମୁଁ ମୋର ଟିମ୍ ବିଦ୍ୟୁତ ଜାମୱାଲ, କନିଷ୍କ ବର୍ମା, ରୁକ୍ମିଣୀ ମିତ୍ର, ଚନ୍ଦନ ରୟ ସାନ୍ୟାଲ, ମୋର ସମସ୍ତ ବୈଷୟିକ କ୍ରୁ, ମୋର DOP ପ୍ରତୀକ ଦେଓଡା, ମୋର ସମ୍ପାଦକ ସଞ୍ଜୟ ଶର୍ମା, ମୋର ଆକ୍ସନ୍ ନିର୍ଦ୍ଦେଶକ ଏଣ୍ଡି ଲଙ୍ଗଙ୍କୁ ଅଭିନନ୍ଦନ ଜଣାଉଛି। ଯିଏ କୋଭିଡ ପରି କଠିନ ସମୟରେ ଏତେ ଭଲ ଚଳଚ୍ଚିତ୍ର ନିର୍ମାଣ କରିଥିଲେ। ମୁଁ ବହୁତ ଉତ୍ସାହିତ ଏବଂ ଆଶା କରୁଛି ଏହା କାର୍ଯ୍ୟକାରୀ ହେବ। ଏହା ଆମ ସମସ୍ତଙ୍କ ପାଇଁ ଗୌରବର ବିଷୟ।”
